1 KORINTUS 9:1 - PERJANJIAN BARU NALCA YUBA

¹ Nabeyok ganya doboka, unulunanya unggulumna de? Nara Imik Neyung yuba lenaʾ gaknya unggulumna de? Nara nunja Wenelesilnya Yesus bera seleb eibnenggusinya bek ulumna de? Ugunuk dara, nadya Wenelesilnya bemba wa websaʾ adya, ugun Imik Neyung mabo dangalum nim unggululum de?

1 KORINTUS 9:1 ပူးပေါင်းရင်းမြစ်များ

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 14:14

Wera yuba lenaʾ gak nang Barnabas beb, Paulus beb dara, nim adya sikenek im nang nenewoka pama oboka gibsinoba unulumek anyek kerek dara, sikja ongorek aklenga gweldekoka beiyiwoka gibsinoba ulumek nimi hnoum berra biniboka lerekja,

RASUL 14:4

Bok, heik enyegan nimi sik moumen dukaʾ lolowoka bokdangoka, hnonda Yahudi nang ek sam bokoka makal balamek dara, hnonda Imik Neyung yuba lenaʾ gak nang ek sam mamagel bilimek.

RASUL 23:11

Dara onoʾ nenyek mabok sum enyek, Wenelesilnya Yesus bera, lendara dib Paulus berem sekoka, ”Anda ganya dabogalom,” hyok. ”Anyagan Yerusalem heikek nasamba laga lelelum sok, Roma heikek anaba neik so unulumnalam,” hyok.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

RASUL 9:17

Dara Ananias bera, Yudas bedya ek biniboka, Saulus bek soruka diyiwoka umok. Ananias bedya Saulus bek lebokaʾ ara, ”Hem Saulus o, ampum pikik yalamom danyek eiyimomnya Wenelesilnya Yesus bedya, nara anyagan yanamna adya anda merewoka, Imik Neyung Geisinya adya deknewanenggel anasa, wenyaboka alak bilom amla anasa yeilimna,” hyok.

RASUL 9:3

Wera seleb or unuwanalam hyek dara, Saulus bera Damsyik heikek bununaʾ aboka, heik berem lanal bok enyek, yok senenggom dilinaʾ era, imik ab sam ara, alja gokgobok nidyaʾ yeb ganagamok.

RASUL 9:5

Wera Saulus bedya, ”Neyung o, anda heknya do,” aboka heimok. Dara onoʾ adya Saulus bek lebok ara, ”Nara Yesus anja lobaʾ nenewoka olonelemnya bera nara alan,” hyok.

ROMA 1:1

Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 11:13

Wei, Yahudi gom nim o, nara ugunuk wenyhenesin. Wera na nong ara, Yahudi gom mok soko nim emba yub lenaʾ gaknya ulumna anasa, ban yub damok era nadya welemna wa senenggomaʾ perobaʾ ara wera an senelamna.

1 KORINTUS 1:1

Nadya hemyab o, ugunda Imik Neyung yuba donaʾ nim, Korintus heikek ululum nim ek, ugunda Yesus Kristus lomok geisa nenesuk nim uboka, Imik Neyung amba munaʾ gobdo ulunokaʾ aboka youbusuk nim ek momnya doboka beibsin. Dara onoʾ Wenelesilnya si Yesus Kristus bek, sikja Wenelesilnya uboka, onoʾ nunja Wenelesilnya ulumlaʾ anasa, yok mok nim eneba giblemak nim ek hnon, beibsin. Nara Paulus beb, nunja hem be Sostenes beb, nunja dara, nunja neyung Imik Neyung beb, Wenelesilnya Yesus Kristus ab dadya, ugunuk wanaʾ uboka eleksinaʾ ab, ganya siklewoka unaʾ ugunuk ulusulul senelenam. Nara Imik Neyung adya alja seiniwoka, alja gaboka donyoknya bedya Wenelesilnya Yesus Kristus alja yuba lenaʾ gaknya uboka, nara Paulus bedya ban momnya donaʾ en ugunuk beibsin e.

1 KORINTUS 10:29

Ban nadya lebnanya nera, ugunja mek ganya ek lebnenggubna. Alda lelelanya bedya mek ganya ek lebna. Bok, nadya ganya yakdewoka ulunanya nera, hekasa yok nim adya mek ganya edya sikliling sok ubnenyak do?

1 KORINTUS 10:30

Onoʾ, nara gwaneng denesinyaʾ amba Imik Neyung ak molobgogowoka seleb molomna senewoka delesinya bok dara, hekasa yok nim edya malya ululam heneneseng de?

1 KORINTUS 11:16

Bok ban nenesa, nimi hnon ban blekel lololabok dara, nub yok Imik Neyung yuba dolomak nim eb dara, yok ununaʾ ara hyak unggulumla.

1 KORINTUS 3:6

Nadya dara, yinaʾ ok memsa, Apolos bedya dara, alda mek ok yekemok bok, meklaʾ sangiyiwoka weliyimoknya bera, Imik Neyung adya ok unumok.

1 KORINTUS 9:19

Na benyek dara, yok nim edya wa wenya unggulumna, dara nabeyok gobdo ulumna bok, ban unu ulumnaʾ anaba, na nong anyek yok nimi wa wenya neneldalamna. Ban unulunanya nera, anadya nimi nauba Kristus amba doboka bo younunaʾ aboka ulumna.

2 KORINTUS 10:7

Ugunja hogung ak laga ululanya nenyek kemelelulum. Nimi ben hnon, nara Kristus adyaʾ ak ulumna senebdalya dara, al damnya nara benyek Kristus aljinya ulumna senelamla sok, numbabya Kristus adya nim ek ulumak senewosulul.

2 KORINTUS 11:5

Bok nak dara, yok senenggom yuba lenaʾ gak nang ulumak senelelum bok, nababya meknya bek senenggulumna.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

GALATIA 1:1

Nara Paulus, yuba lenaʾ gaknya ulumnaʾ ara, nim adya gom, onoʾ ben hnon perobnya bedya gaknya dangoka wa nen welelom henggubnyok bok, alda Yesus Kristus adya hnon, Imik Neyung nunjaʾ neyung, Yesus nimi somoknaʾ ak ab embengaʾ suboka bukiyiwoknya bedya hnon, sekiyiwanyok.

GALATIA 5:1

Nuk ara seleb lobsuk nang geknebaʾ ulunokaʾ aboka, Kristus adya dara, unuwanalum an yub ek ab, seleb gobdo lobsuk. Ugunda oruknaʾ wa wen nang saawoka domunuk aboka, pe keeboka seklelulum.

1 TESALONIKA 2:6

Dara onoʾ nunda nim adya gigilesinokaʾ aboka hogunga bo enggulumouba. Nera ugunja hnon, yok nim edya hnon unuweisinok senewanggumouba.

1 TIMOTIUS 2:7

Dara wera ban nenesa leboka, nak yuba lel eleksinya lenaʾ gaknya sekiyinyok. Wera Yahudi gom nim ek, nadya dib senewoka jong dangalamak yuba leb elegosululaʾ aboka nak sekiyinyok. Nara ban wenyalananya nera dib lelemna, sonda ak lenggulumna.

2 TIMOTIUS 1:11

Ban wenyaboka perob lero yanggan yuba lero yaban damba, Imik Neyung adya nak yuba lenaʾ gaknya hnon, yuba neksinya hnon, jaboka sekiyinyok.