1 KORINTUS 8:9 - PERJANJIAN BARU NALCA YUBA

⁹ Bok, ugunda hyak pe keebmoublulum! An adya nidyaʾ yokaʾ-yokaʾ ara, ella uboka unululamaʾ adya, yub dib doboka ganya kanaʾ orok nim enyek, oluk diknaʾ girik anaso neniyiwamenek anasa, keeboka ululom.

1 KORINTUS 8:9 ပူးပေါင်းရင်းမြစ်များ

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

ROMA 15:1

Nunda migib ulumab nim era sik hmeng ulumak nim ek sikja hmeng enyek nunja dob salalemnemabakanya, nunja perob senelemabnya nok ganya dobom-dobom yok-yok enaʾ mem.

1 KORINTUS 10:24

Nimi ben hnon, na nong ok pewonulul senewoka alsamba ok yeiriwoka weldanaʾ ara, mem. Nimi nidyaʾ yok nim enyek, pewolul senewoka yeiriwoka welelulum.

1 KORINTUS 10:28

Bok, alda ugunuk lebnesakja, ”Ban denaʾ enera bisaʾ ak seleb hweboka beil bilimong denaʾ,” henemak dara, alja mek ganya eb, al lelelanya bek pewolulaʾ aboka, denaʾ beiyimeijaʾ ara, doboka denaʾ ara mem.

1 KORINTUS 10:29

Ban nadya lebnanya nera, ugunja mek ganya ek lebnenggubna. Alda lelelanya bedya mek ganya ek lebna. Bok, nadya ganya yakdewoka ulunanya nera, hekasa yok nim adya mek ganya edya sikliling sok ubnenyak do?

1 KORINTUS 10:32

Anja unulumennya nedya, yok nimi malya unaʾ lomok sam malyinggijek anasa, pe keeboka ululom. Nera Yahudi nim gom, Yahudi gom nim gom, Imik Neyung yuba dolomak nimi gom, nidyaʾ ak lebsin.

1 KORINTUS 8:10

Nenera ban nenesa lemna, Anda yuba dib doboka ganya kasomnya benyek, bisaʾ amba beil balamak denaʾ dero bulusom dara, onoʾ dero bulusomaʾ ak hnon, ganya kanaʾ oroknya bedya eibgeso dara, wera eibgesonya bera an delesom denaʾ era, albabya asaʾ ganya boboka denggunumso senelelam de?

1 KORINTUS 8:12

Wera an yuba men doboka ululamnya bedya, onoʾ bisaʾ amba beil balamak denaʾ doboka deregoka ululamaʾ adya, nimi yok yuba dib ganya kanaʾ orok uboka, hmeng ulumak nim ek, malya geboka hmenga nenelelam dara, wera an unululamaʾ adya, anda Kristus ak anaba malya unululam.

1 KORINTUS 9:22

Dara, onoʾ yuba doboka ganya kanaʾ orok nimi sik gangganek anaba, na ulumna dara, nara yuba doboka ganya kabnenggunanya benesoʾ ak ulumna. Nera sik nong anyek, Kristus ak sam doboka bo younunaʾ aboka, sene uro yabalamna. Anasa al ban nadya nidyaʾ unulunanya dara, yokaʾ-yokaʾ nidyaʾ unulamnya pik anyeb uboka, sik nong anyek, Kristus ak hnon bleboka bo yousununaʾ aboka, nidyaʾ ara uro yabalamna.

2 KORINTUS 11:21

Bok nuk dara, unurubnya nek ara, hmeng so uboka unuwanggumsaʾ adya, alya ulunel. Bok, yok nim edya yokaʾ ak nonggo heneseng dara, nababya or asaʾ ganya boboka unuwanasinya! (Nara dongdang anaʾ anya beneso bok lebna.)

2 KORINTUS 11:29

Nimi hmenga dangalamak dara, nera naba hmeng ganya nenelenel. Nimi hnon malyanggalamak dara, nak dara, angoo senewoka ganya oldalamna.

2 KORINTUS 6:3

Nunja welemab wa nera, yok nim edya malya uboka welelum hisijek aboka, nunja dara, yok nim ek oluk diknaʾ girik dibaʾ nenenggulumab.

GALATIA 5:13

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

KOLOSE 2:8

Dara youmaʾ uru balamek yub eb, sokok an nimi sirikaʾ ganya ak ab yub ara, Kristus adya senenggululanya bok, or orok salyaʾ hwam yub adya, ugunja ganya ek henga goubsijek anasa, pe keeboka ulumnelum.

1 PETRUS 2:16

Ugun nong ara seleb numba yok sekuba nimi geknewaʾ anaso ulululum, bok ugun sekiyiwosukaʾ ak dara, malya unaʾ lomok hnon siklewoka unaʾ ara loboka, Imik Neyung adya wa wen nang beknaʾ ulululum.

2 PETRUS 2:19

Ban malya uboka bobnenewoka neklesak nang edya dara, sikja malya ul eleklesak nim ek an, ugumba yok perob nimi dangoka ulumnelumaʾ amba or seknelum anaʾ eleganasab alasak bok, sik nong ak dara, sokok an nimi malya nenesinaʾ damok adya sikenek seleb henga goubsuk nang ek ulumakjok lelemak. Anasa nim ara yokaʾ-yokaʾ adya henga goublamla dara, wera bera henga goumnaʾ anadya wa wenya ulumla.

WAHYU 2:14

”Ban unulum bok, onoʾ yok-yok unaʾ hnon unululamaʾ anyek, nara lek senelamnaʾ ara, nim an gangganek sam hnon, Bileam bedya neklesil yub ek salabmouboka ulumak. Bileam bedya dara, Balak bedya Israeli nim ek hekaʾ huboka malya unaʾ lomok bobonggesukaʾ anyek nekemok, bisaʾ ak sam beil balamek denaʾ delelulum, hnonda gela salyaʾ salelulum aboka neklesilom aboka nekemok.