1 KORINTUS 8:8 - PERJANJIAN BARU NALCA YUBA

⁸ Hyak dib nong ara, denaʾ adya dara, nub Imik Neyung ab ganya kwebdangoka pe unaʾ ara unggulumab. Wera hnon denaʾ loboka denggunesibya dara, anadya malya so danganggulumab. Dara onoʾ saawoka, hnon denaʾ doboka denesibyaʾ anaba, perob so danganggulumab.

1 KORINTUS 8:8 ပူးပေါင်းရင်းမြစ်များ

MATIUS 25:15

Dara, wa wen nang ek ara, sikja migib uboka webnesengaʾ sunuwoka wa elegosuk. Nimi ben hnon rupiah lambadya anaso bo ulumnenelem aboka lebok. Onoʾ penenya bek ara, alda penyaʾ rupiah bo ulumnenelem aboka lebok. Onoʾ ben hnonda hnonok rupiah anaso bo ulumnenelem aboka lebok. Wenyabgogowoka, rupiah damnya bera alda yokok sam byuk.

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

1 KORINTUS 6:13

Hnonda wenyalamakja, ”Denaʾ ara mon amba ulumla. Mon ara denaʾ amba ulumla,” wenyalamak bok, nidyaʾ penya ara, Imik Neyung adya eimik orok nenewanamla. Nimi nong goukwa ara, gela salawoka uro yaban danasa gomaʾ. Nimi nong ara, Wenelesilnya bemba ulumlakanya, Wenelesilnya bera, nimi nong amba ulusil.

IBRANI 13:9

Wera ugunda yok beiyik sam ab neknaʾ edya ganya bob neneweisilyek mem. Dara perobnya nera ban, ugunja ganya era wanaʾ uboka eleksinaʾ edya migibaʾ geblesilaʾ anyek hnonok. Alda ban yok-yok denaʾ edya sik ban denaʾ enesa lelemlaʾ sunuwoka gigiwoka delemak nim ek perobaʾ nenenggulusilaʾ anegom.