1 KORINTUS 8:6 - PERJANJIAN BARU NALCA YUBA

⁶ nun nong ak dara, Imik Neyung nunja neyung hnonok ok ulumla. Al adya dara, yokaʾ-yokaʾ nidyaʾ uyimoknya bek ulumla. Nunda al nong amba ok ulumab. Nunja Wenelesilnya bera, nuk dara hnonok ok ulusilaʾ ara, Yesus Kristus hnonok ulusil. Nidyaʾ yokaʾ-yokaʾ ara, Yesus Kristus pik moruwoka uyimok. Dara, nunda al adya embengaʾ ulumab.

1 KORINTUS 8:6 ပူးပေါင်းရင်းမြစ်များ

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

YOHANES 1:10

Alda sokok an ulumookanya, soko ara aladya uyimok bok, soko nim edya dara, alak elgom ulumek.

YOHANES 1:3

Yokaʾ-yokaʾ nidyaʾ ara al adya uyimok. Yoknya nedya, hnonok sibin anaba uyiwanggumok.

YOHANES 10:30

Nab Neyung beb dara, hnonok ok ulunam,” hyok.

YOHANES 13:13

Ugunda nak Neklesilimnya, Wenelesilimnya, alanulumaʾ ara, al unu ulumnaʾ anasa, dib lelenulum.

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

RASUL 17:28

Anasa nim adya hnon wenyalamak ara, Nunda embengaʾ uboka ebegoka, sokok an yabalamab ara alja migib edya ok ulumab, alamak. Anasonya neikik, youmaʾ ugunja nang bok urumnaʾ dolomek nang edya hnon lebek. Nunda nidyaʾ ara alja mabo yokaʾ nong ulumab aboka lebek,” hyok.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

ROMA 11:36

Dara yokaʾ-yokaʾ nidyaʾ ara alak ab, al adya, anya alamba. Anasa alak ara si imik nenenaʾ alsamba ok hyak sob-sobaʾ giblemnemeijaʾ anyek ulusulul!

1 KORINTUS 12:3

Imik Neyung Geisinya adya bo ulusilya nim edya dara, ”Yesus ak ara meilinya,” hemenggom anasa, ugunda ella danalum aboka, neksin. Anasonya neikik, onoʾ Imik Neyung Geisinya adya diri bo usinaʾ orok nim edya, ”Yesus anyek Wenelesilnya ulumla,” hemenggom anasa lebsin.

1 KORINTUS 6:13

Hnonda wenyalamakja, ”Denaʾ ara mon amba ulumla. Mon ara denaʾ amba ulumla,” wenyalamak bok, nidyaʾ penya ara, Imik Neyung adya eimik orok nenewanamla. Nimi nong goukwa ara, gela salawoka uro yaban danasa gomaʾ. Nimi nong ara, Wenelesilnya bemba ulumlakanya, Wenelesilnya bera, nimi nong amba ulusil.

1 KORINTUS 8:4

Dara, denaʾ ara meewoka giblemaknya nek beil balamak yub ek dara, nera meewoka giblemakaʾ ara nong ak dara, dib nong unggulumlaʾ ara, nunda ella ulumab. Dara onoʾ nunda hnon sokok an yokaʾ-yokaʾ ulumlaʾ adya ella ulumabaʾ ara, Imik Neyung ara hyak hnonok Imik Neyung ok ulumlakanya, yok Imik Neyung era, hnon mekaʾ unggulumla.

EPESUS 1:3

Wei, nunjaʾ Wenelesilnya Yesus Kristus aljaʾ neyung Imik Neyung ak sobaʾ perob aboka giblenob e! Nunda Kristus ab neikaʾ kwebdoubaʾ adya, Imik Neyung adya, imik heikek digumaʾ ganya eleknaʾ perobaʾ nidyaʾ ganya doboka elegousuknya bek giblenob.

EPESUS 3:14

Wera ban nenesa leboka, nara nunjaʾ neyung Imik Neyung ak koma lumugoka mololesin.

KOLOSE 1:6

ugunuk an seleb yousuk sok, mok soko nidyaʾ oboka lelewoka doka moru balamla. Dara neikek, ugun gangganek anaba, an yub enyek einilumukanya, Imik Neyung adya wanaʾ uboka perob eleksinaʾ anyek pe ella dangalum salek ek ab ara mouruwoka, doka moru balasil.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.