1 KORINTUS 8:1 - PERJANJIAN BARU NALCA YUBA

¹ Wenera meewoka giblemaknya nek, beil balamak denaʾ yub ek lebnesin. Nim adya, ”Nunda nidyaʾ ara, yokaʾ-yokaʾ ella ulumab,” alamakaʾ ara ella ulumab. Bok, nimi geremseng ulumakaʾ nong adya, nauba dengdang ganya nenelesil, bok wanaʾ unaʾ adya danyek, nim ak bukullilisil.

1 KORINTUS 8:1 ပူးပေါင်းရင်းမြစ်များ

RASUL 15:10

Nun nong ab, nunja neyung yab eb dara, Imik Neyung adya eleklesuknya nenyek unuwamenggom ara, pe ununaʾ orok ulumouba bok anasa, ugunda hekasa ban Yesus yuba doro diriga ban nang ek, an hyak senenggomaʾ kweillililum do?

RASUL 15:29

Ugunda bisaʾ ak geklewoka hweboka beibija denaʾ masa era doboka denggom mem. Dara onoʾ, yokaʾ eneng ara salyaʾ denggom mem, nonga heiboka somogalya wininga manaʾ salyaʾ denggom, mem. Dara onoʾ, hnon gela salaldanaʾ ak, ugunda mok sam geboka ulululum. Ugunda ban nidyaʾ lebabnya danyek nidyaʾ mok sam geboka ulumun dara, wera hyak pelemunaʾ ara an. Seleb lebab, perob e,” wenyaboka momnya doboka beibek.

RASUL 21:25

”Bok Yahudi nimi gom bok Yesus dib senemek nim era, nunja seleb yuba saboka, anyek unuwanamab aboka, sikenek sam momnya donaʾ pik lemobja, Ugunda nim ugumaʾ ak beillilimeijaʾ denaʾ denggom, pam enenga wining enenga salyaʾ denggom, somogalya pam wining salyaʾ denggom, gela salyaʾ salawoka yokaʾ unggom mem, aboka momnya doboka beiyimouba,” hyek.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

ROMA 12:16

Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!

ROMA 14:10

Bok anak dara, anda hekaʾ amba anjaʾ hem bek yana lelelelam do? Anya anda hekasa anjaʾ hem bek waboka derelelam do? Unululam bok, nunda nidyaʾ ara Imik Neyung adya pe yana lelewoka ubnesil ekla berem neikaʾ bo beildal binimab.

ROMA 14:14

Nara Yesus pik ab uboka ella ulumnekanya hyak aldib senelamnaʾ ara, yok-yok denaʾ ak dara, malyaʾ ara hnon unggulumla. Bok ban yokaʾ-yokaʾ ara sembejaʾ ak ulumla senelemak nang enyek, sikenek danyek, sembejaʾ dibaʾ ara an ulumla.

ROMA 14:19

Anasa nunda ganya pe namenaʾ unaʾ ab, wenebdangoka ganya pe unaʾ ab, damok en lanawanamlyaʾ anyek yeiriwoka doblemnemab.

ROMA 14:22

Anda an nong anasa leboka, anja dib senelelam ganya enyek Imik Neyung saramek salabmouboka ululom. Be hnon ban nera perobnya nenyaʾ or unuwounun senewoka al nonga yana leleldanggululanya bera, alda pe ulumla.

ROMA 14:3

Imik Neyung ara ban benyek seleb dolomla anasa, denelanya bedya, denggubija nang ek derenaʾ mem. Anya onoʾ denggubija nang edya, dija nang ek yana lelenaʾ ara mem.

ROMA 15:14

Nadyaʾ hem yabo nang, ugunuk pe ununaʾ adya seleb deknewosuukanya, yok-yokaʾ ella danganaʾ damok eb, or pe ganya adyok wenebdanasom ara, nara seleb ella ulusin.

1 KORINTUS 1:5

Ugunda seleb Kristus lomok uboka, wera ugunuk dara, yokaʾ-yokaʾ nidyaʾ ara, dub danganaʾ ak ululum. Ugunda yok-yok yuba salalumaʾ hnon, ella dangalalumaʾ hnon adya, dub nim ululum.

1 KORINTUS 10:15

Nadya ugunuk lelesinaʾ ara, yokaʾ-yokaʾ pe geremsengaʾ ulumak so nim ek lelesin. Nadya ugunuk lelesin yub era, ugun damnya pe keboka sunuwoka seiniwanalum.

1 KORINTUS 10:28

Bok, alda ugunuk lebnesakja, ”Ban denaʾ enera bisaʾ ak seleb hweboka beil bilimong denaʾ,” henemak dara, alja mek ganya eb, al lelelanya bek pewolulaʾ aboka, denaʾ beiyimeijaʾ ara, doboka denaʾ ara mem.

1 KORINTUS 14:20

Nadya hemyabo nim o, ugunda mek mabo ganya seininaʾ anyek seininggom, mem. Yu ganya boboka malya unaʾ ak sam ak dara, mek moum den mab eneso ulululum. Bok, ganya seininaʾ ak sam ara, ganya kamna nim eneso ulululum.

1 KORINTUS 15:34

Ugunda wen eibkweblulum. Hnon sounuwoka malya ul soununaʾ ara hyak mem. Ugun gangganek sam ara, Imik Neyung yuba elgom nimi hnon ulumakaʾ anasa, ugunda alya ganya bobnesom.

1 KORINTUS 4:10

Kristus nong anasa leboka, ugunuk dara yuba donaʾ geremseng nim uboka, nuk dara dongdang anaʾ nim ulumab. Nuk hmeng ulumab bok, ugunuk dara migib ululum. Nuk dara derelesak bok, ugunuk dara, perob senewoka gigilesak.

1 KORINTUS 4:18

Nimi wene nang ugun gangganek ara, nera Paulus bera anyagan yanggublul senewoka, sikda dengdang ganya bobak.

1 KORINTUS 4:6

Anasa nadya hemyab o, ugun pesindamba dara, nadya Apolos bek hnon, nak hnon, sunuwoka seleb lebsin. Ban unusenya nera damok ara, anadya ugunda nuk keeboka, sik unulurak senewoka pe unuwolulum, anya wera, wen ulumla pe unulumakaʾ anyek salabmoublulumaʾ aboka ubsin. Anadya wera, ugun moumen ara, nunda perob nim aboka, gigibdangoka onoʾ yok nim era, malya nenewomunuk aboka ubsin.

1 KORINTUS 5:2

Ban unululumjok, wera onoʾ ugunda dengdang aboka, imik nenebdangdo yabalalum. Ban unululumnya nera, dib nong ara, onoʾ angwei salyaʾ ulumla senewoka engelemnesomokanya, malya unulumak nim era, ugun gangganek ab doboka yaknasom.

1 KORINTUS 5:6

Ugunja nonggo aldalalumaʾ ara malya nong. Roti gwaneng welenaʾ ara mek bok, nonga nidyaʾ eldaklamlaʾ ara, ugunda elgom ululum de?

1 KORINTUS 8:2

Nimi ben hnon, nara yokaʾ-yokaʾ ara, nauba ella ulumna seneldalalanya bera, hyak dib nong ara, yokaʾ-yokaʾ ganya olowoka anam pe ella unggulumla.

1 KORINTUS 8:4

Dara, denaʾ ara meewoka giblemaknya nek beil balamak yub ek dara, nera meewoka giblemakaʾ ara nong ak dara, dib nong unggulumlaʾ ara, nunda ella ulumab. Dara onoʾ nunda hnon sokok an yokaʾ-yokaʾ ulumlaʾ adya ella ulumabaʾ ara, Imik Neyung ara hyak hnonok Imik Neyung ok ulumlakanya, yok Imik Neyung era, hnon mekaʾ unggulumla.

1 KORINTUS 8:7

Bok, ban ella ulumabaʾ anaba, ban nera nimi nidyaʾ ella ulumakaʾ goma! Hnonda youmaʾ dara, bisaʾ giblemekaʾ adya, wenebabya sobaʾ giblemakaʾ ak sam beil balamak denaʾ era, an senewoka bekelmoublemak. Anadya sikja mek ganya era dib kanaʾ orok adya, doboka den dara, nera malya unaʾ denewanel senelemak.

EPESUS 4:16

Dara alak ab, nonga nidyaʾ ara, mel-mela mourumnaʾ gong adya hyak pe meewoka sunuwoka beiri byuk. Wera anedya, nonga digum yok-yok ara, pe wero balamlaʾ adya, wera nong ara wanaʾ unaʾ pik uboka migibaʾ danggiga nero balamla.

KOLOSE 2:18

Dara, ugunja oblamaknaʾ ara, or-or uboka sene ganya sokok nenebdangoka, lero nang ek giboka, goloknaʾ dib eillilimakaʾ anyek sunuwoka, sikja sokok unuro yaban ganya enyek, beknaʾ orok bok nauba nonggo abdangoka ulumak nang edya, ugunja oblamaknaʾ ara orok neneweisijik, mem.

WAHYU 2:14

”Ban unulum bok, onoʾ yok-yok unaʾ hnon unululamaʾ anyek, nara lek senelamnaʾ ara, nim an gangganek sam hnon, Bileam bedya neklesil yub ek salabmouboka ulumak. Bileam bedya dara, Balak bedya Israeli nim ek hekaʾ huboka malya unaʾ lomok bobonggesukaʾ anyek nekemok, bisaʾ ak sam beil balamek denaʾ delelulum, hnonda gela salyaʾ salelulum aboka neklesilom aboka nekemok.

WAHYU 2:20

”Bok nara anak igin ganya bolenggenaʾ ara, Imik Neyung adya lelemla aboka laga sondaʾ amba lelemla gel Izebel gek, eil lololamaʾ ak, banyek hnonok ulumla. Nimi nadya wa wen nang ek sondaʾ leboka, gela salanaʾ nauba unuwoka, bisaʾ ak beil balamak denaʾ bukoka dero yabalemakaʾ ak, bobnenewoka malya pik bo ablesil.