1 KORINTUS 7:34 - PERJANJIAN BARU NALCA YUBA

³⁴ Wera anadya alja ganya era, bokgokoka ulumla. Nenya donaʾ orok gel gek dara, alja senelamlaʾ ara, alja ganya nong ab dara, Wenelesilnya bedya dangoka ulunun senewoka, Wenelesilnya seinilamla ok geklewoka seiniro ulumla. Bok, nenya domna gel gera, nadya nenya edya perob senewonululaʾ aboka, ulumlaʾ anasa, alja ganya seinilamlaʾ ara, sokok anyebnya nok seiniro ulumla.

1 KORINTUS 7:34 ပူးပေါင်းရင်းမြစ်များ

YOHANES 10:13

Salyaʾanya bera alda deknaʾ amba ganya hwiboka welemlakanya, domba pam ak ganya goluwoka bo unggulumlaʾ adya, bei gam adya domba obnunaʾ aboka yanggan dara, alda lok anasa yeiri balamla.

ROMA 6:13

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

1 KORINTUS 6:20

Imik Neyung adya ugunuk seleb deknaʾ doboka deksuk. Anasa wera, ugunja nong era pe ulumunaʾ adya, Imik Neyung si imik dangallilimnelum.

1 KORINTUS 7:33

Bok gela yaknya bera, alja gel gedya perob senewonulul senewoka sokok an ulumlaʾ digum ok sobaʾ seiniro ulumla.

1 KORINTUS 7:35

Ban nadya ugunuk momnya doboka beibsinaʾ ara, ban men ununggom. Ban nenyek ununaʾ ara, mem aboka ubnenggubna. Alda ugunuk perob dosululaʾ aboka ubna. Nadya ugunja unuwanok senelamnaʾ ara, ugunja unuwanamunaʾ geknewoka peblenya nenyek unuwoka, onoʾ ugunja ganya era, Wenelesilnya bek bekoka, dib beiliwoka ulululumaʾ aboka lebsin.

2 KORINTUS 11:28

Wera eini lebnanya nenesonya nera nauba ulunyok bok, hnon ara nim Imik Neyung yuba dolomak nim enyek sobaʾ seiniyiwoka, ingmun berelenel.

2 KORINTUS 8:16

Nara ugunuk senelesin sok, Imik Neyung adya Titus benyek ganya gouluwoka ugunuk aran ganya elegokaʾ anasa, Imik Neyung ak giblenob!

PILIPI 1:20

Nadya dara, nadya nong ok meknewanya danyek alya ubnelyek senewoka nauba seinilamna. Nadya seinilenanya nera, al wene salek eneba, nadya nonga ganya gekman asaʾ ganya boboka, nara embengaʾ ulumnyaʾ gom, somogamnyaʾ gom ara, Kristus si anyek imik dolul senelamna.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

1 TIMOTIUS 3:5

Nimi ben hnon, alja meneng mabo silibaʾ enyek pe bo unaʾ elgom dara, Imik Neyung yuba donaʾ nim ek dara, alda hekaʾ huboka bo ubnamso do?

1 TIMOTIUS 5:5

Nimi hnon aranaʾ orokaʾ anyek albeyok ulumlya youk gel gera, Imik Neyung alak ok seiniwoka, yubyek inimnek pik arawonulul senewoka alak mololsinilamla.

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.