1 KORINTUS 7:32 - PERJANJIAN BARU NALCA YUBA

³² Nadya senelamnaʾ ara, ugunda okna ulusil ak ab loboka, pe ulululum senelesin. Gela oroknya bera, alda Wenelesilnya bek ganya hekellilinun senewoka, Wenelesilnya bedya perob senelelanya nenyek, ganya dib beiliwoka ulumla.

1 KORINTUS 7:32 ပူးပေါင်းရင်းမြစ်များ

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MARKUS 4:19

sokok anyebnya nenyek hekaʾ huwanamna ganya boboka, bonaʾ mandebnaʾ adya pe ulusinya senen ganya ab, hnon yokaʾ-yokaʾ ak ganya oka denaʾ adya, sikja ganya lomok sam wekel yaban dara, yuba dobnaʾ ara, seklama denewoka bonga oldelemlaʾ adya, pe doka mounggulusil nim era an.

YOHANES 10:13

Salyaʾanya bera alda deknaʾ amba ganya hwiboka welemlakanya, domba pam ak ganya goluwoka bo unggulumlaʾ adya, bei gam adya domba obnunaʾ aboka yanggan dara, alda lok anasa yeiri balamla.

1 KORINTUS 7:33

Bok gela yaknya bera, alja gel gedya perob senewonulul senewoka sokok an ulumlaʾ digum ok sobaʾ seiniro ulumla.

PILIPI 4:6

Ugunda yokaʾ-yokaʾ hekaʾ huwanamab do senewoka ganya daldom-daldom anggom, mem. Yokaʾ-yokaʾ dobnob senewanalum dara, anyek Imik Neyung ak elegeisilom aboka sobaʾ mololelulum. Ugunja nunda anyek dobsibya senelelumaʾ anyek si sibuka, Imik Neyung ak perob aboka giblemunukanya, mololelulum.

1 TIMOTIUS 5:5

Nimi hnon aranaʾ orokaʾ anyek albeyok ulumlya youk gel gera, Imik Neyung alak ok seiniwoka, yubyek inimnek pik arawonulul senewoka alak mololsinilamla.