1 KORINTUS 7:21 - PERJANJIAN BARU NALCA YUBA

²¹ Imik Neyung adya an yalom aboka enjok sum era, anda oruknanya ululum bok, eboka donjok dara, nara benyaʾ senewoka nenyek nauba seininggom. Bok, anda salyaʾ pe ululomaʾ aboka, li elegagelya dara, or elegagelyaʾ ak an dob salawoka ululom.

1 KORINTUS 7:21 ပူးပေါင်းရင်းမြစ်များ

LUKAS 12:29

Onoʾ, ugun gwaneng meka denemunaʾ anyek orok amba leboka, ganya daldom-daldom anaʾ ab, ganya soro-wara anaʾ ab dara ununggom, mem.

LUKAS 21:34

”Ugunda nimi dibaʾ me yanamla sum era, ugunda masa nauba youboka deregoka, serema salalesil meka salyaʾ deregoka, sumen yanamlaʾ ara ugunda elgom anasa, ugunuk nong unaʾ enesa ganya seiniro ulumunukanya, wene salek yalyek anasa, pe kemero uldalalulum.

1 KORINTUS 12:13

Anasonya neikik, numbabya Yahudi nimi yokaʾ gom, Yahudi gom nim gom, ek wa nang gom, seleb blebdangoka sikbeyok ganya doboka ulumak nimi gom, nunda nidyaʾ hnonok nong ak denewoka ulunokaʾ aboka, hnonok neik Geisinya bedya seleb mek dibaʾ dabsuk. Numbabya nidyaʾ ak neik Geisinya elegosuk.

1 KORINTUS 7:20

Imik Neyung adya ugun youbsuk sum ek ululum sok, weneba neikik so ulululum.

1 KORINTUS 7:22

Nimi ben hnon, oruknanya bek bok, Wenelesilnya bedya youbomok bok dara, wenera alda Wenelesilnya bedya gloʾanya dangalamla. Bok, youbomok sum enyek, gloʾanya ulumok bok dara, alda Kristus adya wa wenya dangalamla.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

PILIPI 4:11

Nadya unaʾ era hekaʾ ak nak ulumla dara, seleb senelenanya bek anasa, nera nak okna ulunelaʾ amba arawaneseng senewoka lebnenggubna.

PILIPI 4:6

Ugunda yokaʾ-yokaʾ hekaʾ huwanamab do senewoka ganya daldom-daldom anggom, mem. Yokaʾ-yokaʾ dobnob senewanalum dara, anyek Imik Neyung ak elegeisilom aboka sobaʾ mololelulum. Ugunja nunda anyek dobsibya senelelumaʾ anyek si sibuka, Imik Neyung ak perob aboka giblemunukanya, mololelulum.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

IBRANI 13:5

Dara Imik Neyung yub ara banaso lelemla, ”Nara anak ara hyak mekaʾ dogom ab lobnenggununggenekanya, nara anak ara hyak mekaʾ gwab lobnenggununggen,” wenyalamlaʾ anasa, ugunda rupiah ak nauba dolonun ganya ek ab leiblelulum. Alda ugunuk an ulusilaʾ anyek, eiyasa gigibdangoka ulululum.

1 PETRUS 5:7

Imik Neyung adya ugun nong ak wanaʾ ulusilaʾ anasa, ugunuk an ganya elesilaʾ nidyaʾ ara nunda unulusil aboka alak elegoululum.