1 KORINTUS 6:9 - PERJANJIAN BARU NALCA YUBA

⁹ Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

1 KORINTUS 6:9 ပူးပေါင်းရင်းမြစ်များ

MATIUS 19:29

Nimi nidyaʾ nasamba leboka, alja e gom, al nang yilaʾ nengmabo gom, gelewa gom, genong neyung gom, memabo gom, wa masa gom, nasamba leboka loboka nak yalalanya bera, lunuwoka dengaʾ yubaʾ dombadya anaso dobnamla. Anya hyak sidyaʾ nong ara, eimik era embengaʾ ulmoubnaʾ damoka dobnamla.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

LUKAS 21:8

Anasa Yesus adya dara, ”Ugunuk bobnenewoka sondaʾ amba nauba malya ubsijek anasa, keeboka ulululum. Nimi nauba eimik era, nadya si sibuka yeijikanya, Alda nara an yan! anya, Wera soko dengan salek era seleb oka dal, henesak bok, ugunda dib senewoka dilinaʾ ara hyak mem.

RASUL 20:32

”Dara wenyok, nara ugunuk Imik Neyung bek hnon, alja wanaʾ uboka eleksinaʾ yub ek hnon, dib elek lobsin. Al ugunuk migibaʾ nenellilisilikanya, onoʾ alja mabo munaʾ gobdo dangalillisilnya bek elek lobsin.

RASUL 24:25

Bok Paulus bedya jong unaʾ yub ab, ganya siklewoka unaʾ yub ab, eimik Imik Neyung adya nidyaʾ yana lelewanasil yuba lel yabok dara, Feliks dubnya bera hyak loka daboka Paulus bek, ”Wera nera anda seleb leblam anasa, anda or bimenekanya, onoʾ yok sum lebnesilim senewanamna salek enyek, el bululum henya dara, anak el yananjak,” hyok.

ROMA 1:18

Dara nim ara malya ganya boboka malya ulumaknya nera, ban dib yub enyek siklilimak, anasa Imik Neyung adya yu ganya bonaʾ ara imik ab nimi malya ulumak nang ek laga dangalamla.

1 KORINTUS 15:33

Salyaʾ malya nim eb halyaʾ nenewoka un dara, perobnya bek anaba ganya malya dangalamlaʾ anasa, ugunda sondaʾ leboka bol neneldanggom.

1 KORINTUS 15:50

Hemyab o, nadya ban wenyhenya nera damok ara banasa lebna. Nunja nong eneng ab ara, Imik Neyung wenesin heikek wekel binggunumab. Dara onoʾ, nunja somoknaʾ nonga ulumabaʾ anara, pe ulmoubnaʾ damok nonga danggunumla.

1 KORINTUS 3:16

Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

1 KORINTUS 5:1

Nara hnon, ugun gangganek ara, hnon nang era gela salawoka malya uro balamak anaso aboka lelemakaʾ ak hnon kelemna. Wenyalameknya nera, Imik Neyung yuba donaʾ orok nim eneba ununaʾ oroknya nek, ben hnon aljaʾ neyung bedya eimik gel gek dobdangarek, alamakaʾ ak kemsa.

1 KORINTUS 5:10

Ban nadya wenyasenya nera, anyagan soko nim era, gela salanaʾ hwam nang hnon, hmabaʾ ganya bolomak nimi hnon, sondaʾ anasa meka lelewoka lelemak nimi hnon, bisaʾ ak molowoka giblemak nimi hnon, nenyek gobdo bokdangoka ulumnalum aboka, lebnenggubsa. Nera orok! Ugunja nim enyek malya ululum nim aboka, gobdo mok nenewanasom dara, wera ugumbabya sokok an unaʾ loboka yibinesom bok,

1 KORINTUS 5:11

alda nadya lebsenya nera damok ara, ban nenesa lemsa. Alda sondaʾ anasa, nara Imik Neyung yuba donya aldalaladyok, onoʾ gela salanaʾ ganya hnon, hmabaʾ un ganya hnon, bisaʾ ak giboka, yok nanga salyaʾ miniwoka leboka, ganya uu alasil meka deregoka, meka lelewoka hokaʾ donaʾanya ululadyok anasa, ugunublaboka ubmunuk aboka, yuba sekleng sok lemsa. Sikeneb neikaʾ seʾ bukoka denaʾ anaba, hyak mem nong!

1 KORINTUS 6:10

Onoʾ hnon, hokaʾ dolomak nim eb, ganya oka delesil nim eb, yu meka deregoka ganya uu alamak nang eb, yok nimi si ak malya nenelemak nim eb, yokaʾ ak menengaʾ amba yaboka ol neblemak nim eb, ban nidyaʾ anaso unulwenelemak nim era, Imik Neyung wenesin heikek ara weknenggunumak.

1 KORINTUS 6:18

Yok gela salawoka uldanaʾ ara, hyak loboka mok yabalalulum. Yok-yok malya unaʾ ak dara, nim adya unulumakaʾ ara, nimi nong weilik ab ulumla. Bok, gela salawoka malya ululanya bera, alda al damnya alja nong ek malya uldalamla.

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

1 KORINTUS 9:24

Nimi bik-bik al balamakaʾ ak ara, nimi nidyaʾ neikebok bik-bik ab einimna bok, ben hnonok men binya bok deknaʾ dolomlaʾ ara, ugunda ella ululum. Anasa wera, ugumbabya deknaʾ dobnemab senewoka, hyak pe yeiriwoka bik-bik al balalulum.

2 KORINTUS 12:21

Nara ugunuk an kemel yeisinya sum era, Imik Neyung adya ugun gangganek sokok nenewanelyek aboka, lok ganya bolomnaʾ ara, hnonda ugun gangganek youmaʾ unulum malya unaʾ enyek, gela salawoka, heng kemenaʾ malya dangalamla malya unaʾ unuwoka, meilinya unulumnya nenyek, eibkweboka ganya dangawanggumunaʾ anyek eiyiwoka, igin ganya bobnyek aboka, lok ganya bolomna.

GALATIA 6:7

Nim ara yinaʾ memnaʾ sunuwoka nonga dolomak. Onoʾ, Imik Neyung lelemlaʾ ara sunuwoka gigilamla anasa, ugunda gigiwanggunumso senewoka, sonda leldanggom, mem.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

IBRANI 12:14

Anasa nimi yok nimi nidyaʾ ab dara pe ganya olokdangoka ulunob senewoka ulululum. Anya pe geisa unaʾ orok dara, nimi be hnon Imik Neyung ara eibnenggunumlaʾ anasa, pe geisa unaʾ anyek yeiriwoka doblelulum.

IBRANI 12:16

Anya nimi hnon hyak gel ak unuweisinya ganya adya wekdeknewoka, Esau bera gwaneng denaʾ piring hnonok amba aljaʾ yandonya bedyaʾ misaʾ era, pe seininaʾ loboka men dekok sok, neikso ununaʾ ara mem.

IBRANI 13:4

Dara ugunda nidyaʾ ara gela nenya doldanaʾ ak ara hyak perobaʾ senewoka imik nenelemnelum. Wera sik salyaʾ dongolomak nim eb, meknewoka salyaʾ salaldalamak nim eb dara, Imik Neyung adya yana lelewanasilaʾ anasa, ugunda gela nenya ara hyak pe uboka mekneldanggom mem.

YAKOBUS 1:16

Nadya hyak wanaʾ ulusin hemyabo nim o! Ugunuk hyak sondaʾ amba bobnenewoka malya neneweisijik.

1 YOHANES 3:7

Najabo yab o, yok nim edya ugunuk malya ub elegosunuk senewoka, ugun moumen sene pika yaraldanggom mem. Kristus adya pe unulamla sok, onoʾ perob ok unulumak nim era, perobaʾ nenelamla nim era an.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.