1 KORINTUS 4:9 - PERJANJIAN BARU NALCA YUBA

⁹ Nadya seinilamna dara, nu Imik Neyung yuba lenaʾ gak nang dara, Imik Neyung adya nuk seleb, nim adya ngoluksin nanga hnon, lero nang edya ngoluksin nanga hnon dangiyisuk. Nuk dara, malya umnaʾ anasa, obnamna nim eneso uboka, nimi hogung ok sam obnemab aboka, onoʾ sokok anyeb ebngalogoka glollisin nim enesoʾ ak ulumab.

1 KORINTUS 4:9 ပူးပေါင်းရင်းမြစ်များ

RASUL 19:29

Ban unumok yuba Epesus heik ara, neikaʾ ok oboka lelemok. Wera ban uboka unulumek adya sikda yeiriwoka, Gayus beb, Aristarkus beb, sikda Makedonia nim bok, Paulus beblaboka neikaʾ pika yalamek nang ek, sikenek salawoka sununaʾ kemelemek e digum hnoum bo bilimek.

RASUL 19:31

Dara onoʾ Asia moka soko dam nang edya anaba, sik neikaʾ Paulus beb ganya hemyabo nenebdangoka ulumek nang edya anaba, sununaʾ kemelemak e dukduk nongok Paulus bera weklyek aboka, wenyaro bululum aboka nimi yok nang ak orugosik.

ROMA 8:36

An momnya dobok sok, ”Wera ansamba nunda mabom bukuma somoknaʾ damok lok ulumab, nunda obnamna domba pam enesoʾ senelesak,” hyok.

1 KORINTUS 15:19

Kristus ak ganya wenaʾ dibaʾ ara, seleb gobdo sokok anyek ok unuro daknamla dara, nimi nidyaʾ sokok an ulumak nimi danara loboka, nuk danyek malya nim ak ulumak senewanesiseng.

2 KORINTUS 11:23

Sikda Kristus adya wa wen nang ulumak de? (Nara lobaʾ oronanya benesoʾ anyek lebnamna.) Nak danyek, Kristus adya wa wenaʾ nongnya ulumna! Nara Kristus wa yeiriwoka hyak nauba so welemna, anasemba leboka liga gong henga gouboka beillilenyek, hnonda sobaʾ saboka olonyek dara, liga gong somogeisinyaʾ ak elelloblonyok.

2 KORINTUS 6:9

Yok nim edya elgom ulusak nang anaso ulumabakanya, onoʾ nimi hyak nidyaʾ ella ulusak nang ulumab. Nim adya dara, somogununaʾ aboka ulumak nang eneso senelesak bok, onoʾ embengaʾ ulumab. Nunda saboka olosak nang bok, nunda dibaʾ somoknenggulumab nang ulumab.

1 TESALONIKA 3:3

Wera anadya nunja wen an igina kwelesilnya nenesa leboka, ugun gangganek ara, nimi hnon nang era Kristus ak ganya kweboka unaʾ ara lobmunuk aboka bokonam. Ban unu igina kwelesilaʾ ara, Imik Neyung adya hnon unuwanasil senemokaʾ ak ulusilaʾ ara ella ululum.

IBRANI 1:14

Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.

IBRANI 10:33

Ugunuk nimi hnoum ab derewoka waboka saboka malya nenewoka olosik. Hnonda ugunja hemyabo nim eb neikaʾ anaso unulusik.

IBRANI 11:36

Dara hnon nang era derewoka walasik, anya hnon yok nang era henga gouboka saragenaʾ ek sam beillilisik.