1 KORINTUS 4:8 - PERJANJIAN BARU NALCA YUBA

⁸ Ugunda seleb dub nang ululum. Anadya wera yokaʾ-yokaʾ dobsinya ganya bonggululum. Ugunda seleb dub nanga dolum bok, nuk dara, orok! Nublaboka neikaʾ nimi yok nim ek wenelenobaʾ aboka, ugunda seleb dub nanga dangasom dara, perob senewanesinya bok.

1 KORINTUS 4:8 ပူးပေါင်းရင်းမြစ်များ

MATIUS 5:1

Yesus ara nimi nauba alak sam yalamekaʾ eibuk dara, alda mok soko meinik sam welewok. Wera Yesus ara seleb bukumok salek, alja yuba doro diriga ban nang era alak yek dara,

LUKAS 6:25

Onoʾ ugunda wen gwanenga denaʾ mona bukoka delelum nim era, eimik era gwaneng oka nauba kwebnesilaʾ anasa, omom nong ak ululum. Onoʾ ugunda wen okselelum nim era, eimik era ganya suguwoka engewanalumaʾ anasa, omomaʾ ak ululum.

RASUL 26:29

Bok Paulus bedya lebokaʾ ara, ”Nara Imik Neyung ak heng uboka mololamnya dara, or wene salek gom, mandewanamso gom anaba, na ulumna sok ugumba danasom ara, alda wera henga gobenyek heng enyek hnonok unuwanggunumso bok, na ulumna sok danasom aboka mololamna,” hyok.

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

1 KORINTUS 1:5

Ugunda seleb Kristus lomok uboka, wera ugunuk dara, yokaʾ-yokaʾ nidyaʾ ara, dub danganaʾ ak ululum. Ugunda yok-yok yuba salalumaʾ hnon, ella dangalalumaʾ hnon adya, dub nim ululum.

1 KORINTUS 4:18

Nimi wene nang ugun gangganek ara, nera Paulus bera anyagan yanggublul senewoka, sikda dengdang ganya bobak.

1 KORINTUS 5:6

Ugunja nonggo aldalalumaʾ ara malya nong. Roti gwaneng welenaʾ ara mek bok, nonga nidyaʾ eldaklamlaʾ ara, ugunda elgom ululum de?

2 KORINTUS 11:1

Nara hnon dongdang henemna bok, or keboka dogom hululum. Aldib, nadya yuba seleb dogom aboka kel lololum.

2 KORINTUS 13:9

Nunda hmeng ulumeibyaʾ anaba, ugunuk perob danggiga balamnelum dara, perob senelemab. Ugunuk gobdo perobaʾ anyek ulululum aboka, mololosab.

GALATIA 6:3

Anasa nimi ben hnon alda perob gomnya bokaʾ anyek, nara perobnya seneldalamla dara, al dam nang sondaʾ leldalamla.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

WAHYU 3:17

Dara anja lelelamaʾ ara, nara bonaʾ dubnya uboka, yokaʾ-yokaʾ nidyaʾ sangaʾ ok ulunel aboka, anasa yokaʾ-yokaʾ ak ara, bunya buknenggunusinya, alalam. Bok an nong ara hyak malya nongaʾ anyek senggeiriwoka igina kwelenggel bok, ella unggululamakanya lelelam! Anda bonaʾ garan uboka, akleng ongonaʾ orokaʾ anyek, henga luma yajokaʾ ak ululam.

WAHYU 5:10

Anya anda sikinek hyak senenggomaʾ wenewoka bo un heik nang nenewousulumukanya, nunja neyung Imik Neyung amba sikda yuba wa gak nang dangiyiwousulum. Anasa sokok anera, sikda dub nang dangoka wenelemnesak,” wenyaro seblemekaʾ ak eibsa.