1 KORINTUS 4:14 - PERJANJIAN BARU NALCA YUBA

¹⁴ Nara ban wenyaboka ugunuk momnya dobsinaʾ ara, ugunuk alya dabsululaʾ aboka ubnenggubsin bok, ugunda nadya mab eneso ululumaʾ anasa, wenesin danasa lebsin.

1 KORINTUS 4:14 ပူးပေါင်းရင်းမြစ်များ

RASUL 20:31

Anasa wera ugunda keebmoubuka diri ulululum. Nara gibnaʾ winilya ulumsa ara, inimnek yubyek pik noruwoka heng mekaʾ nauba yabalenen bok, ugunja mok nang ek dek-deka sonaʾ loboka wenewoka nekeldibilloklosisa ara, beklelulum,” hyok.

1 KORINTUS 15:34

Ugunda wen eibkweblulum. Hnon sounuwoka malya ul soununaʾ ara hyak mem. Ugun gangganek sam ara, Imik Neyung yuba elgom nimi hnon ulumakaʾ anasa, ugunda alya ganya bobnesom.

1 KORINTUS 4:15

Kristus yuba donaʾ nim ululumukanya, ugunuk yuba neksin nang era, denga salyaʾ ulusiseng bok, ugunjaʾ neyung bera gong danggunuseng. Na Paulus ben nong anyek, Kristus Yesus adyaʾ perob lero yanggan yub elegeisisaʾ adya, ugunja neyung be dangoka unya nok ulumna.

1 KORINTUS 4:17

An nenesa leboka, hem Timotius benyek na lunuwoka ugunuk bilom aboka bokol yeisin. Al Timotius bera, Wenelesilnya bemba ganya goluwoka pe welelanya bek, nadyaʾ yokaʾ dam me neneso wanaʾ ulumna me nek, bokol yeisin. Alda hyak pelemla senewoka, welelul senelamna me. Dara alja ugunuk, nadya Kristus ak dib senemsa danyek ulusenya nenyek an ara, nadya yuba donaʾ nimi wenero yabalasinaʾ anyek, ugunuk saawoka bekellilimnesil.

1 KORINTUS 6:5

Ban wenyhesinya nera, ugunuk alya dabsululaʾ aboka lebsin. Ugun gangganek ara, gogobaʾ ganya bobdangaseng dara, ella uboka ugun moumen yana lelewanasusonya hnon unaʾ orok anasa ululum de?

1 KORINTUS 9:15

Ban seleb wenhyok bok, nak dara wenera hnon ununaʾ ara orok. Onoʾ ban yuba wenyaboka momnya doboka beibsinaʾ anaba, wen nak unuwonululumaʾ aboka ubnenggubna. Nadya ban unulamna senelamnaʾ anyek, weininggoka denghelyek anasa, nak somogeisinya dara, perob senelamna.

2 KORINTUS 11:11

Hekasa nara anaso wenyhen do? Nara ugunuk wanaʾ usinaʾ orok adya anaso lebna de? Orok! Nara ugunuk wanaʾ ulusinaʾ ara, Imik Neyung anaba ella ulunel!

2 KORINTUS 12:19

Ugunja dara, ban nidyaʾ lelemakaʾ ara, meknenggulumab senewoka, mala doldalamak senelesulum. Bok, nunja nidyaʾ ugunuk an lelemabnya nera, Kristus lomok uboka nenyek lelesabaʾ ara, Imik Neyung hogung ak lelemab. Nadya wanaʾ ulusin nim o, ban nidyaʾ unulumabnya nera, ugunja yuba dib senenaʾ nong anyek, gobdo migib dosululaʾ aboka ulusab.

2 KORINTUS 7:3

Nadya ban wenyhenaʾ ara, ugunuk igina nenewosununaʾ aboka lebnenggubna. Eini sam ugunuk lemna sok, nunda ugunuk wanaʾ uboka, nunda hemyabo nang uboka, neikaʾ embengaʾ ubnesibya gom, somoganasibya gom anaba seinilamna.

KOLOSE 1:28

Dara, ban benyek, nunda nim ek neklesab. Nidyaʾ yok-yok geremseng adya wenewoka, neklesab ara, nimi yok-yok Kristus lomok unaʾ anyek munaʾ kabnok aboka unulumab.

1 TESALONIKA 2:11

Nunja ugunuk unulusubaʾ ara, nimi ben hnon alja mab ek pe unulamla sok, nimi yok-yok sunuwoka pe unulusubaʾ ara, ugunda seleb ella ululum.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

2 TESALONIKA 3:14

Onoʾ eimik era, hnon nim edya dara, nunja ban momnya donaʾ lomok enyek an lebabnya nera hnon dib senewanggunumak dara, anaso unulumak nim era sikba alya dabsululaʾ aboka, ugunda nim enyek keeboka, sikenek neikaʾ unaʾ hyak mem.

PILEMON 1:10

Nara Paulus bera, henga goubnaʾ ek ulumsa salek era, Onesimus bera nadya me Imik Neyung me dangamoknya bemba, alak perobaʾ lebnelam aboka hnonok molowagen.

1 YOHANES 2:1

Najabo yab o! Ban momnya en ugunuk momnya doboka beibsinaʾ ara, ugunuk malya ubmunuk aboka ubsin. Bok, hnon malya umeibya dara, wera nunsamba arawoka sasinya ben hnon ulumlaʾ ara, nera Yesus Kristus pelelanya bek lebna. Aljaʾ Neyung bek malya unaʾ doboka bobogeisilom aboka mololesil.

3 YOHANES 1:4

Yoknya nedya nak ganya sangab elegoka ubnenggununeso, alda wera nadya mab era, dib yuba lelemlaʾ sunuwoka ulumak an yub edya danyek, hnonok hyak nauba eiya dablenel.