1 KORINTUS 4:11 - PERJANJIAN BARU NALCA YUBA

¹¹ Dara wenebabya, nunda mek oka, gwaneng oka kwelesil. Nunda denerob akleng ok ongolomab. Nuk nim adya malya nenewoka olosak. Nunja dibaʾ un e nera unggulumla.

1 KORINTUS 4:11 ပူးပေါင်းရင်းမြစ်များ

MATIUS 8:20

Wenyek Yesus adya dara, ”Bei gam ara selengaʾ e ulumlakanya, wining ara eʾ ululabok, nimi dibaʾ me ak dara, huka beilinaʾ amba ekla hnon unggulumla,” hyok.

RASUL 14:19

Dara onoʾ danyek, Yahudi nang edya wene nang Pisidia moka Antiokhia heikek ab hnon, Ikonium heik ab hnon ara, Listra heik yeilimeekanya, wenewoka lelesik adya, nimi nauba ganya dangawoka Yahudi nang ek sam makal bilimek. Wera sikda heik enyegan nang era, Yahudi nang eblaboka neikaʾ hiboka, Paulus bek girik adya saboka oboka, eremek weilik sam bologol bilimek. Sikja dara, Paulus bera seleb somogamla senemek.

RASUL 16:23

Wera hyak nauba saboka obgogosik seleb dara, nimi henga gasa gobuka beilisin ek sam bobonggosik. Dara, nimi henga gereksinaʾ dubnya bek, ”Anda hyak pe yeiriwoka welesilom,” aboka orugumek.

RASUL 23:2

Paulus bedya ban wenyaboka lel yabok enyek, Yahudi Imik Neyung yuba wa gakaʾ dubnya Ananias bedya, al gokgobok sam seklemek nang ek, Paulus bek sibamaʾ mouboka oblulum aboka orugusuk.

ROMA 8:35

Anasa heknedya nunda Kristus bedya wanaʾ unaʾ ak ab bok meneganasil do? Malya nenesinaʾ adya gom, mekaʾ nenesinaʾ adya gom, doboka osinaʾ adya gom, gwaneng okaʾ adya gom, nong baneng unaʾ adya gom, lok ganya adya gom, mala adya gom?

1 KORINTUS 9:4

Nara wa welemnaʾ anasa, denaʾ mekaʾ gwanenga eleganeneseng dara, nera doboka denggunusinya de?

2 KORINTUS 11:20

Ugunuk oruknaʾ nang nenelesak gom, ugunuk lobaʾ nenelesak gom, ugunuk ab duboka lolowoka bonaʾ dolomak gom, ugunuk mekaʾ neneiyiwoka, sikenek imik nenelemak gom, ugunuk hogunga wablasak gom dara, nuk or unulusinok senelelum.

2 KORINTUS 4:8

Nuk pika nidyaʾ aknewoka seklama daralesil bok, soldowoka orok nenenggulusil. Nunda hyak ganya elesil bok, gobdo malya dab senenaʾ ara unggulusil.

PILIPI 4:12

Nara yokaʾ-yokaʾ garana bulumak gom, onoʾ nauba bok loboka deregoka ulumakaʾ ara penya-penya naba seleb unura yibisa. Nara yokaʾ-yokaʾ perobaʾ ak ulumak, malyaʾ ak ulumakaʾ ara, nara seleb eiru yibisa. Dara, nera denaʾ nauba yakaʾ ulumak gom, bonaʾ garanaʾ ak ulumak gom, nidyaʾ gigilamlaʾ ak ulumak gom, bonaʾ yak gomaʾ ak ulumak gom ara, nara nidyaʾ sunuwoka pe ulumna senen ganya bobnunaʾ aboka ella dangamsa.

2 TIMOTIUS 3:11

Nak malya uboka saboka oboka, nauba gwekoka igina kwelenyokaʾ anaba seleb ella ululam. Dara nak Antiokhia heikek ab hnon, Ikonium heikek ab hnon, Listra heikek ab hnon, yokaʾ-yokaʾ nidyaʾ ununyok ara, ganya mel-mel aboka siklewoka ulumsaʾ ara ella ululam. Bok, ban unulunyok bok, Wenelesilnya bedya nak nidyaʾ ak ab seleb blebnyok.