Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 KORINTUS 3:18 - PERJANJIAN BARU NALCA YUBA

18 Nimi ben hnon, al damnya bol neneldanggom. Onoʾ nimi ben hnon ugun gangganek ara, nara yokaʾ-yokaʾ nauba el nong seneldalamla dara, Imik Neyung adya alak yok geremseng hwamnya nenewonululaʾ aboka, wenera dongdang anaʾ anyaʾ dangoka ululul.

အခန်းကိုကြည့်ပါ။ ကော်ပီ




1 KORINTUS 3:18
29 ပူးပေါင်းရင်းမြစ်များ  

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.


Nimi ben hnon alda ganya daklinggoka sokok gebdangoka ban mek me nenesoʾ anyek ulumla dara, benyek Imik Neyung wenesin heikek sam alak senenggomnya ubnamla.


Anasa ugunuk dib lebsin! Heknedya mek mab edya ganya boboka, Imik Neyung adya wenesin heik era, yeng asaʾ donggulumla dara, alda Imik Neyung adyaʾ wenesin heik ara weknenggunumla,” hyok.


Mek sirik mabo yokaʾ-yokaʾ dolomak sok, Imik Neyung wenesin heik era dobnenggunumak nim era, eimik era Imik Neyung wenesin heikek weknenggunumak, ugunda pe beknelum,” hyok.


Anasa Yesus adya dara, ”Ugunuk bobnenewoka sondaʾ amba nauba malya ubsijek anasa, keeboka ulululum. Nimi nauba eimik era, nadya si sibuka yeijikanya, Alda nara an yan! anya, Wera soko dengan salek era seleb oka dal, henesak bok, ugunda dib senewoka dilinaʾ ara hyak mem.


Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.


Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!


Salyaʾ malya nim eb halyaʾ nenewoka un dara, perobnya bek anaba ganya malya dangalamlaʾ anasa, ugunda sondaʾ leboka bol neneldanggom.


Imik Neyung e ara, aljinya yokaʾ nong uboka, ugun nong ak dara, ban e nong ululumaʾ anasa, nimi ben hnon Imik Neyung e ak golol meneklamla dara, alba Imik Neyung adya, alak golob meneganamla.


Kristus nong anasa leboka, ugunuk dara yuba donaʾ geremseng nim uboka, nuk dara dongdang anaʾ nim ulumab. Nuk hmeng ulumab bok, ugunuk dara migib ululum. Nuk dara derelesak bok, ugunuk dara, perob senewoka gigilesak.


Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.


Anasa nimi ben hnon alda perob gomnya bokaʾ anyek, nara perobnya seneldalamla dara, al dam nang sondaʾ leldalamla.


Nim ara yinaʾ memnaʾ sunuwoka nonga dolomak. Onoʾ, Imik Neyung lelemlaʾ ara sunuwoka gigilamla anasa, ugunda gigiwanggunumso senewoka, sonda leldanggom, mem.


Ban damok danasa, nauba bleklemak nim ek Imik Neyung adya yu ganya boboka igina eleklesilaʾ anasa, ugunuk yok nim edya salyaʾ yuba saboka gliboka bo bisijek.


Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.


Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.


Ugunda yuba kelonggom mem. Ugunda yuba kelolomun dara, yuba dib dolomab e senebdomunuk aboka, yuba kelemunukanya onoʾ unulululum.


Nimi ben hnon yuba dolomna ak pe unulamna senebdangoka ululabok, alda yuba sibamaʾ silyum pe bo diri uldanaʾ orok dara, alja yuba dib senelamlaʾ ara salyaʾ lelem dangoka, al damnya sondaʾ leldalamla.


Nun dam nang leldalamabja, Nak malya unaʾ unggulunel aldalamab dara, wera nu damnya bol neneldalamabakanya, dib yub ara nunja ganya lomok sam unggulusil.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ