1 KORINTUS 3:16 - PERJANJIAN BARU NALCA YUBA

¹⁶ Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

1 KORINTUS 3:16 ပူးပေါင်းရင်းမြစ်များ

YOHANES 14:17

Soko adya, alak eilinggulumlakanya, elgom ulumlaʾ anasa, alak dobnenggunumso. Bok, alda ugunublaboka ululumukanya, onoʾ ugunja ganya lomok ulumnesilaʾ anasa, ugunja alak ella ululum.

ROMA 6:16

Ugunda hnonnya bek biniboka, nara anja wa wenya danamna aboka bo elegeldal balalum dara, ugun nong ara ban benedya wa wenya dangoka, alja yuba pe keboka unululum ara, ugunda anam elgom ululum de? Anasa, ugunda malya unaʾ ak elegel dalalum dara, somoknaʾ ak bo balenggel. Bok pe keboka ununaʾ ak elegel dalalum dara, perobaʾ nenenaʾ ak bo balenggel.

ROMA 6:3

Anya nunda nidyaʾ Kristus Yesus lomok seleb dibaʾ meka dabsik nang era, wera al somogokaʾ lomok seleb dabsikaʾ ara, ugunda elgom de?

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

ROMA 8:9

Bok Imik Neyung Geisinya ugun nong lomok seleb ulusil dara, ugunda nimi ganya adya bo unggulusil, bok Geisinya adya bo ulusil. Bok onoʾ nimi be hnon Kristus adyaʾ Geisinya unggulumla dara, alda Kristus bedyinya unggulumla.

1 KORINTUS 3:17

Imik Neyung e ara, aljinya yokaʾ nong uboka, ugun nong ak dara, ban e nong ululumaʾ anasa, nimi ben hnon Imik Neyung e ak golol meneklamla dara, alba Imik Neyung adya, alak golob meneganamla.

1 KORINTUS 3:9

Nunda Imik Neyung amba neik wa welemab nang ulumab. Ugun nong ak dara, Imik Neyung adya alja wa soko yokaʾ anaso ululum. Dara onoʾ, ugunda Imik Neyung alja e ululum.

1 KORINTUS 5:6

Ugunja nonggo aldalalumaʾ ara malya nong. Roti gwaneng welenaʾ ara mek bok, nonga nidyaʾ eldaklamlaʾ ara, ugunda elgom ululum de?

1 KORINTUS 6:16

Yok nang edya salyaʾ salawoka bololomak gel gek, ben hnon eimik salalamla dara, unulanya bera gel genedya, hnonok nonga dangalamlaʾ ara, ugunda anam elgom ululum de? Imik Neyung yuba bukuk momnya dobokaʾ ara, ”Gel ab nenya ab hnonok nong danerak,” hyok bar.

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

1 KORINTUS 6:9

Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

1 KORINTUS 9:13

Imik Neyung ek sam, Imik Neyung wa welemak nim era, sikja denaʾ dara, Imik Neyung ek ab doboka delemakaʾ ara, ugunda elgom ululum de? Imik Neyung amba uka daboka gibnaʾ oulyang ak sam welemak nang era, beillilemak bonaʾ era anyaganyeb darasam hnon bokoka doboka delemak.

1 KORINTUS 9:24

Nimi bik-bik al balamakaʾ ak ara, nimi nidyaʾ neikebok bik-bik ab einimna bok, ben hnonok men binya bok deknaʾ dolomlaʾ ara, ugunda ella ululum. Anasa wera, ugumbabya deknaʾ dobnemab senewoka, hyak pe yeiriwoka bik-bik al balalulum.

2 KORINTUS 6:16

Imik Neyung e ab bisaʾ gibnaʾ e neb dara, neikaʾ ara hek soʾ ak ulumnamso do? Ugunda embengaʾ ululanya Imik Neyung bedya e ululum. Imik Neyung adya lebokaʾ ara, ”Nara sik hnoum ulumnesinikanya, sik gangganek yabalamnamna. Nara sikjaʾ Imik Neyung ulumnamna dara, sikda nadya mabo silibaʾ ulumnemak.

1 TIMOTIUS 3:15

Wen unumnyaʾ adya mandewanyaʾ anaba, Imik Neyung mabo dangoka pe ulumakaʾ damok anyek unulumakaʾ ara men ella danalum aboka ubna. Dara nera, yuba dolomak nimi nong ara sikda egomnaʾ dibaʾ embengaʾ ulmoublamla Imik Neyung adya perob dib yuba dukduka dangalamakaʾ anasa lebna.

2 TIMOTIUS 1:14

Nuk ulusil Imik Neyung Geisinya adya anak arawoka, perobaʾ anak elegenjoknya nera, pe beiyiwoka bo diri ululom.

IBRANI 3:6

Bok Kristus ak dara, albabya Imik Neyung me yokaʾ uboka, Imik Neyung e amba dara, alda bojam uboka e dubnya ulumla. Nunda ganya dib senenaʾ ab, ganya wenaʾ ab danyek, salalmoublemeibya dara, wera nu nong ara Imik Neyung alja e dibaʾ ulumab.

YAKOBUS 4:4

Ugunda hyak bojam unaʾ orok nim ek ululum! Nimi sokok ab kwebdangoka ulumak dara, Imik Neyung ak ara, isaʾ geblemakaʾ ara, ugunda ella ululum de? Anasa nimi ben hnon sokok sam wanaʾ ulunun senelelanya bera Imik Neyung ak ara isaʾanya geblamla.

1 PETRUS 2:5

ugun nong ak dara, embeng girik gong ek anaso ululumaʾ anasa, ugun nong anyek, Imik Neyung adya doboka perob ganya e solomla. Wera anadya ugun nong ak dara, Imik Neyung amba ok munaʾ gobdo ulumak yuba lenaʾ gak nang anaso uboka, Yesus Kristus pik uboka, Imik Neyung ak giboka perob aboka ganya eleknaʾ eleklelum. Dara, alda ban eleknaʾ enyek perob senelesil.

1 YOHANES 4:12

Nimi hnonok sibin anaba, Imik Neyung ak ara heng eilinaʾ orok bok, nun moumen wanaʾ uldalamnemab dara, Imik Neyung ara nub neikaʾ kwebdangoka ulumnemabakanya, alja wanaʾ unaʾ ara, nun lomok kalasil.