1 KORINTUS 2:8 - PERJANJIAN BARU NALCA YUBA

⁸ Dara, wen sokok an dub nang ulumak nim edya dara, Imik Neyung adya geremseng unaʾ nunsamba beiyisukaʾ ara, ella danggumek. Anasa wera, sikda hnon ella uluseng bok dara, Wenelesilnya hyak perobnya bera oboka gal ak glabnenggumneseng.

1 KORINTUS 2:8 ပူးပေါင်းရင်းမြစ်များ

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

LUKAS 23:34

Dara Yesus ara lero mololomokja, ”Neyung o, ban nang enedya unulumakaʾ ara, damok ara elgomjok ulumakaʾ anasa, sikja malya unaʾ era sikenek ab memelesilom,” hyok. Yesus adya ongolomok akleng era, heknedya dobnamla aboka, yina bomdewoka bokol dalamek.

YOHANES 16:3

Ban unuwanasakaʾ ara, sikda neyung beb nab elgom ulusakaʾ adya, ugunuk eimik unulumnasak.

YOHANES 7:48

Nimi hnon Yahudi dub nang ek ab hnon gom, Parisi dub nang ek ab hnon gom, Yesus ak dib senemek de?

YOHANES 8:19

Parisi nang edya alak, ”Anjaʾ neyung bera hanyagar ulumla do?” aboka heimek. Dara alja dara, ”Nunda penya nidyaʾ ugunja dara, elgom ulusulum. Ugunda nak ella ubnesom dara, wera nadyaʾ neyung anaba ella ubnesom,” hyok.

RASUL 13:27

Anasa, Yerusalem heik ulumek nim eb, sikja dub nang eb dara, Yesus ara nimi blebsinaʾ dubnya senen ganya bobnenggumek. Sikda ununumnaʾ lelemek nang edya Sabat mem sum sikenek einilisik yub era, wera Yesus ak henga geregoka obek dara, ban unulumekaʾ nong adya, wera anadya ununumnaʾ lelemek nang edya lelemek yub era dib gigimok.

RASUL 7:2

Dara, Stefanus bedya sekoka, ”Hem yab o, nadya neyung yab o, ugunda nak kebnenulum. Abraham bera Haran heik biniboka unggulumok salek anam Mesopotamia heik or anam ulumok salek hyak senenggomaʾ imiknya Imik Neyung bera Abraham bek yeiniboka,

1 KORINTUS 1:20

Geremseng nimi dibaʾ ara hanyagar ulumak do? Sokok an yuba neksin nang dibaʾ ara, har sam ulumak do? Imik Neyung adya sokok anyagan geremseng ulumakaʾ ara, orok nenemokaʾ anano?

1 KORINTUS 2:6

Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

2 KORINTUS 3:14

Israeli nim era, sikja ganya seleb ong ibsuk. Dara onoʾ wenebabya, sikda youmaʾ wenyaldanaʾ yuba anam einilimak salek eneba, hogung goulunaʾ anaso anam sikja ganya ak ulusil. Kristus pik uboka adya ok, ban goulunaʾ era gloklamla.

EPESUS 1:17

Hyak senenggomaʾ imik ululanya Imik Neyung ara, nunjaʾ Wenelesilnya Yesus Kristus aljaʾ Imik Neyung bedya, ugunuk yokaʾ-yokaʾ elegosululaʾ aboka mololesin. Imik Neyung ak olowoka pe ella dolulumaʾ aboka, geremseng un ganya hnon, ella dangan ganya hnon, ugunuk elegousululaʾ aboka mololesin.

EPESUS 4:18

sikja ganya era seleb gunaʾ dousuk. Onoʾ sikja ganya era ongibsukaʾ anasa, sikda hyak elgom so uboka, Imik Neyung embengaʾ eleklesilaʾ ak ab loboka, beiyik gebdangoka ulumak.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

YAKOBUS 2:1

Nadya hemyab o! Ugunda senenggomaʾ Wenelesilnya Yesus Kristus bek, dib senelelum nim ululumaʾ anasa, nimi hogung ak keeboka webeldanaʾ ara mem.