1 KORINTUS 2:6 - PERJANJIAN BARU NALCA YUBA

⁶ Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

1 KORINTUS 2:6 ပူးပေါင်းရင်းမြစ်များ

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MATIUS 19:21

Danyek Yesus adya alak, ”Anda munaʾ pe ulumnamna aboka dara, anjaʾ ek biniboka, anjaʾ bonaʾ nidyaʾ ara rupiah amba beibnelam. Dara, anedya imik heikek perob bonaʾ dobnelamaʾ anasa, anjaʾ unu dobmen rupiah era bonaʾ garan ulumak nim ek eleganesilim. Unubgogowamen dara, anda nak or diriga yananelem!” hyok.

MATIUS 5:48

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

LUKAS 16:8

”Dara rupiah wa sala ulumoknya ben alja dubnya bedya dara, geremseng nongaʾ anyek hyak pebdangalam aboka gigiwok. Dilinaʾ ak ulumak nim era, anaso ununggulumak bok, sokok an salyaʾ lelem ulumak nim era, sik moumen ak, yokaʾ ubnaʾ ara, hyak geremsengaʾ anyek unuldalamak,” hyok.

1 KORINTUS 1:28

Wera nimi nidyaʾ ara, Imik Neyung hogung ak nonggo heijek aboka, Imik Neyung adya, wen sokok an ululanya nenyek orok nenewolulaʾ aboka, nera sokok so, melinya, onoʾ hyak malya nong senelemaknya nenyek, gaboka dobsuk.

1 KORINTUS 12:8

Dara nimi ben hnonda Geisinya bedya yuba geremsengaʾ salalulaʾ aboka, wa wenaʾ damok eleklamla. Nimi hnonda al neik Geisinya bedya, pe ella dangoka yuba lelelulaʾ aboka, wa wenaʾ en damok eleklamla.

1 KORINTUS 14:20

Nadya hemyabo nim o, ugunda mek mabo ganya seininaʾ anyek seininggom, mem. Yu ganya boboka malya unaʾ ak sam ak dara, mek moum den mab eneso ulululum. Bok, ganya seininaʾ ak sam ara, ganya kamna nim eneso ulululum.

1 KORINTUS 2:1

Hemyab o, Imik Neyung adya orowek seinibgegemok bok, soko adya dara, ella danggumokaʾ anyek, ugunuk lero yeilisisa sum era, nara meka lelewoka hobyang yuba saboka, onoʾ sokok an geremsengaʾ ulumaknya nedya ella dangoka ugunuk Imik Neyung yuba lel yanggusisa.

1 KORINTUS 2:13

Anasa wera, nunda yok-yok Imik Neyung yub era, Geisinya aralesilaʾ adya sunuwoka lelemab. Dara, nim adya ella dangalamak ganya seininaʾ geremseng enyek lenggulumab bok, Imik Neyung Geisinya nuk neklesilnya nenyek lel eleklemab.

1 KORINTUS 2:8

Dara, wen sokok an dub nang ulumak nim edya dara, Imik Neyung adya geremseng unaʾ nunsamba beiyisukaʾ ara, ella danggumek. Anasa wera, sikda hnon ella uluseng bok dara, Wenelesilnya hyak perobnya bera oboka gal ak glabnenggumneseng.

1 KORINTUS 3:1

Ugunuk dara, nara Imik Neyung Geisa ganya seleb ulusil nim enesoʾ ak lebnenggusisa. Bok, nara ugunuk yuba lesisaʾ ara, sokok an seinilemak nim ek lelemak sok, onoʾ Kristus ak dib senelemak bok, anam moum den mab anasoʾ ulumak nim ek lelemak sok, ugunuk lesisa.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

2 KORINTUS 4:3

Nunja perob lero yanggan yuba lelemabaʾ ara, hnon nim ek dara, pe olowoka ella damenggom ulumeija dara, wera nera sikda somoganobaʾ aboka, ulumeija nim ek anyek pika seregeledya.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

KOLOSE 1:28

Dara, ban benyek, nunda nim ek neklesab. Nidyaʾ yok-yok geremseng adya wenewoka, neklesab ara, nimi yok-yok Kristus lomok unaʾ anyek munaʾ kabnok aboka unulumab.

KOLOSE 4:12

Hnonda ugun gangganek abnya be hnon, Kristus Yesus amba wa wenya, ugunsamba mel-mel aboka seklemeijikanya, ganya kanaʾ nang dangoka Imik Neyung adya senelamlaʾ nidyaʾ anyek, ganya munaʾ gobdo olowoka ella ulumak nim ek ulunok senewoka, ugunsamba sobaʾ yeiriwoka mololosilnya, Epafras bedya hnon ugunuk gibisil.

IBRANI 5:14

Bok gasa denaʾ ak dara, nimi ganya karob nim edya, sobaʾ sunuwoka eillilimakaʾ adya, nenera perobaʾ, nenera malyaʾ senewoka, ella dangalamak nim emba ulumla.

IBRANI 6:1

Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,

YAKOBUS 3:15

Ban lebna geremseng unaʾ era, imik heikek ab yangganggululabok, alda sokok ab hnon, bisaʾ ak ab hnon, nimi ganya dukaʾ adya lanalamla.

YAKOBUS 3:2

Nunda nidyaʾ, hnon sum era malya ulumab. Bok alda yuba sanaʾ adya malya unaʾ hnon unggululanya bera, alda pe ganya kaboka ulumlakanya, al nonga nidyaʾ pe diri uldalamnamso.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.