1 KORINTUS 2:10 - PERJANJIAN BARU NALCA YUBA

¹⁰ Bok, Imik Neyung adya nuk seleb alja Geisinya pik uboka, nuk memesuknya nenesa laga amasuk. Imik Neyung Geisinya adya yokaʾ-yokaʾ nidyaʾ ara, geklewoka ero yabalamla dara, onoʾ Imik Neyung adya anyek, unuwanamna senemna lomok doknomna anaba, laga gelewoka beillilamla.

1 KORINTUS 2:10 ပူးပေါင်းရင်းမြစ်များ

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

MATIUS 16:17

Danyek Yesus adya onoʾ alak, ”Anda Yunus mamnya Simon, anda hyak dib lerowalem. Nera nim adya anak neknenggubjak bok, alda nadya neyung be imik heikek eini ululanya bedya nekgelaʾ ak leblam.

LUKAS 10:21

Dara ban neik salek Yesus anaba, alda ei-ei ganya bomokaʾ ara, Imik Neyung Geisinya adya deknemokaʾ adya umok. Anasa Yesus adya dara, ”Neyung, Wenelesilimnya o, anda soko ab im ab dubnya ululam! Nara anak perob aboka gibgenaʾ ara, ban nidyaʾ unulusilimaʾ ara, geremseng nang eb, yokaʾ-yokaʾ ella danganaʾ dolomak nim ek ara gunuweisinjok, alda mek so nim ek anyek laga nekoka amalesilimaʾ anasa gibgen. Ban unululamaʾ ara, anja ganya adya uboka, perob senelelamaʾ anasa perob,” hyok.

LUKAS 2:26

Dara alda Imik Neyung Geisinya adya orowek alak men, anda Imik Neyung adya nimi blebsinaʾ dubnya, Wenelesilnya bedya sekiyiwoknya Mesias benyek, anam eibnenggumem bok dara, anda men somoganggunulam.

YOHANES 14:26

arasinya bera, Neyung bedya nadya si pik uboka bokol yanasil Geisinya edya, yokaʾ-yokaʾ nidyaʾ ugunuk neklemnesilikanya, nara ugunuk lesisa yuba nidyaʾ bekellilimnesil.

YOHANES 16:13

Bok, Imik Neyung jong ganya unaʾ ugunuk lebnesil Geisinya benyek yalya dara, alja dib yuba nidyaʾ ella danalum aboka neknesil. Alja ok yok seiniwoka ganya doboka lebnenggunulabok, alja seleb kemlyaʾ anyek, ugunuk neknesil. Nera yokaʾ-yokaʾ eimik unuwanalanya nenyek neklemnesil.

1 KORINTUS 14:30

Bok Imik Neyung yub ara, anyagan yuba longoseng ak an, nimi ben hnon yuba longosonya bek ella usin yuba yanamso dara, men lelelanya bera lobnamso.

1 KORINTUS 2:11

Nimi ganya lomok sam yokaʾ-yokaʾ ella ulumla ara, yok soko nim era, ella uldanggulumak bok, al damnya bedya ok ella uldalamla. Anasonya neikik, Imik Neyung adya ganya yok-yok seinimnaʾ ella ulumlaʾ ara, al Imik Neyung alja Geisinya adya ok ella uldalamla.

GALATIA 1:12

Nadya ugunuk bo yeilimsa yub era, nim ek ab dobnenggumsa, dara onoʾ nim adya hnon neknenggunyek bok, Yesus Kristus adya albeyok, ganya lomok aawanyokaʾ ak domsa.

EPESUS 3:3

Imik Neyung adyaʾ unuwanamna senewoka men doknomokaʾ ara, nak an seleb laga nenewoka eleganyok. Damok era, men eini sam mekaʾ momnya doboka beiyisinaʾ ara ella ublum.

EPESUS 3:5

Imik Neyung adyaʾ ban yub enera, youmaʾ dara, doknomokaʾ adya, anyek unuwanasin aboka nim ek laga aawanggusuk bok, wenyek dara, Imik Neyung Geisinya adya dara, Imik Neyung alja yuba lenaʾ gak nang ak hnon, ununumnaʾ len nang ak hnon, laga aawousuk.

1 TIMOTIUS 4:1

Wera, Geisinya adya nuk laga poboka neklesilaʾ ara, dakalongnaʾ berem salek era, hnon nim era yuba dib senelemakaʾ ara goob loboka, sikda sondaʾ amba bobnenewoka lelesak yub ek hnon, bisaʾ adya ban nenyek unuwolulumaʾ aboka neklesil yub enyek, kebnemak.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

1 YOHANES 2:20

Bok ugunuk dara, geisa ululanya bek ab Geisinya ara ugunuk seleb lobonggosukaʾ anasa, wera ban adya dib nong yub ara, ugunda seleb ella ululum.

1 YOHANES 2:27

Bok ugunsamba dara, al adya Geisinya yek goulunaʾ ara ugunuk anam ulusil bok dara, nim adya ok hnon ugunuk neknenggunusiseng. Anasa wera, ban yek goulusinaʾ adya yokaʾ-yokaʾ nidyaʾ wen neklesil bok dara, anya wera alja neklesilnya nera, anara sondaʾ ak unggulumlaʾ anasa, anera aldibaʾ ak ulumla. Anasa wera, yek goulunaʾ adya yokaʾ-yokaʾ nidyaʾ neklesilaʾ anyek, ugunda dib senewoka, al lomok ululum.

WAHYU 1:1

Ban buku enyek an momnya dobokaʾ ara, Yesus Kristus adya eimik unuwanalanya nemba yub ek ulumla. Imik Neyung adya dara, Kristus ak onoʾ alja wa wen nim ek eimik men berra unuwanamlaʾ anyek aawosululaʾ aboka elegok. Ban nenesa leboka Kristus adya dara, alja lero pik uboka, alja wa wenya Yohanes bek nekok.

WAHYU 2:24

”Bok ugun yok nimi Tiatira heikek ululum nim era, ban malya unaʾ yub ek sunuwoka ununaʾ loboka, Satan bedya hyak lomok so unuwanalum alalanya nek ara einiwoka ella danganggululum nim ek lebsin. Ugunuk an hekaʾ ulusilaʾ anyek, pe salabmoubuka ulumunaʾ moruwoka na yanamna. (Nara anak an yok igin yakaʾ ara hnon eleganggununggen.)”