1 KORINTUS 2:1 - PERJANJIAN BARU NALCA YUBA

¹ Hemyab o, Imik Neyung adya orowek seinibgegemok bok, soko adya dara, ella danggumokaʾ anyek, ugunuk lero yeilisisa sum era, nara meka lelewoka hobyang yuba saboka, onoʾ sokok an geremsengaʾ ulumaknya nedya ella dangoka ugunuk Imik Neyung yuba lel yanggusisa.

1 KORINTUS 2:1 ပူးပေါင်းရင်းမြစ်များ

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 22:18

Dara onoʾ Wenelesilnya bedya, anyagan ulumak nang era, anja lel yabasimen yuba keboka dobnenggumakaʾ eibna anasa, anda Yerusalem heik loboka, yokok berra bilom, anyok,” hyok.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

1 KORINTUS 1:17

Kristus nak bokol yeilinyok era, nimi meka dalasululaʾ aboka ubnenggunyok, bok alda perob lero yangganaʾ yuba lelelulaʾ aboka, bokol yeilinyok. Bok, Kristus gal dubuk somogok yuba migib era, salyaʾ lelem dalyek aboka, nimi geremseng adya yuba lelelulaʾ aboka, senewanggunyok.

1 KORINTUS 1:6

Wera Kristus ak laga danganaʾ anyek yarenga elegoka mel-mel asuk.

1 KORINTUS 2:13

Anasa wera, nunda yok-yok Imik Neyung yub era, Geisinya aralesilaʾ adya sunuwoka lelemab. Dara, nim adya ella dangalamak ganya seininaʾ geremseng enyek lenggulumab bok, Imik Neyung Geisinya nuk neklesilnya nenyek lel eleklemab.

1 KORINTUS 2:4

Yuba ugunuk leb elegeisisaʾ ara, nadya ganya geremseng edya, ganya sangasin yub ek lebnenggusisa bok, nadya ugunuk yuba leb elegeisisa dara, alda Imik Neyung Geisinya alja migib unaʾ era laga dangamok.

1 KORINTUS 2:7

Geremseng unaʾ ugunuk neklesinaʾ ara, Imik Neyung adya soko uyiwanggom salek anyek, nuk si imik danokaʾ aboka, ban geremseng unaʾ era, nuk ara gunuwoka doknowok ulumlaʾ anyek, orowek seiniwoka beiyisuk.

2 KORINTUS 10:10

Nim adya ok dara, Paulus bedya momnya doboka beillilesil yub era, pe gasaʾ migib nongaʾ lelemla. Bok al nong anyek, oka nu gangganek ulumla dara, alda hmeng so ulumlakanya, alja yub era, dolbalek so dangalamla, alanyak.

2 KORINTUS 11:6

Nara yuba sanaʾ ara, pe hobyang sanggulumna bok, ella danganaʾ ak dara, nara dongdang anaʾ mekaʾ oroknya bek ulumna. An unaʾ era ugunuk yokaʾ-yokaʾ unusubaʾ ak anyeb, laga dangamokaʾ ara ella ululum.

2 TESALONIKA 1:10

Ban nidyaʾ ara, Imik Neyung ak dib senelemak nim edya gibnunaʾ aboka hnon, onoʾ alja munaʾ Imik Neyung mab edya nak gibnenokaʾ aboka yanamla sum era, ugunda nunja bo yeilimouba yub ek dib senewoka dolumaʾ anasa, yok nim unuwanamakaʾ gangganek sam ugumbabya ulumnelum sum enyek, nidyaʾ gigiwoka unuwanamla.

1 TIMOTIUS 1:11

Imik Neyung adya ugunuk youbsukaʾ ara pe weisin senelesululaʾ aboka ugunja dib senenaʾ ak anyek pe sunuwoka, nauba perob danggiga balasululaʾ aboka, sobaʾ ara nunda ugunsamba mololesab.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.

WAHYU 1:2

Dara onoʾ aldib Yohanes bedya aljaʾ dib heng yokaʾ adya eibukaʾ nidyaʾ ara, Imik Neyung adya lebok yuba hnon, anya Yesus Kristus amba len yuba hnon, ban bukuk sam laga lelemla.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.