1 KORINTUS 15:9 - PERJANJIAN BARU NALCA YUBA

⁹ Wera nak dara, Imik Neyung yuba donaʾ nim ek nauba olosisaʾ anasa, nak dara, hyak soko nong ok an Wenelesilnya bedya yuba lenaʾ gaknya ulumnakanya, wera Imik Neyung yuba lenaʾ gaknya hengguneneseng senelamna.

1 KORINTUS 15:9 ပူးပေါင်းရင်းမြစ်များ

RASUL 8:3

Bok, Saulus bera yeiniboka Imik Neyung yuba donaʾ nim era, nauba deijik senewoka soldob menegonun aboka dulumok. Dara, alda hnon ek obgogowan dara, onoʾ hnon yok ek biniboka Imik Neyung yuba dib senemna nang, nengmab ab gelewa ab, doboka bobna dara, nimi henga gereksin ek sam henga geregel balasuk.

1 KORINTUS 10:32

Anja unulumennya nedya, yok nimi malya unaʾ lomok sam malyinggijek anasa, pe keeboka ululom. Nera Yahudi nim gom, Yahudi gom nim gom, Imik Neyung yuba dolomak nimi gom, nidyaʾ ak lebsin.

2 KORINTUS 11:5

Bok nak dara, yok senenggom yuba lenaʾ gak nang ulumak senelelum bok, nababya meknya bek senenggulumna.

2 KORINTUS 12:11

Nak dara, hyak salyaʾ anya ulunabok, yokaʾ-yokaʾ pe ununaʾ ak sam amba dara, senenggom yuba lenaʾ gak nang eneba sikda senenggomaʾ bok, nak dara mekaʾ sirikaʾ ak ara, hnon unggulumla. Ban neneso leboka, ugunja nak ara pelemla senewoka gigiwananesom bok, ugunda unuwanggunulumaʾ adya, nara dongdang anaʾ anya beneso dangalamna.

GALATIA 1:13

Nara youmaʾ Yahudi yuba domsakanya unulamsaʾ ara, ugunda nidyaʾ seleb kelelum. Nara Imik Neyung yuba donaʾ nim ek nauba malya nenewoka oboka, orok nenewoka obgiga balamsa.

GALATIA 1:23

Bok, sikda ban yub enyek hnonok kelemekaʾ ara, youmaʾ Imik Neyung mabo doluwoka oro yabalamoknya bera, wenera alja men orok nenewonun senelemok dib senenaʾ yub enyek, lero yabalamlaʾ anaʾ ak hnonok kelemek.

PILIPI 3:6

Ban nenesa leboka, nauba yeirilamsakanya, Imik Neyung yuba donaʾ nimi nauba malya ura obsisa. Nak dara, unuwanalum an yuba donaʾ ak sam amba dara, nara hyak si gegena mekaʾ ponaʾ oroknya bek ulumsa.