1 KORINTUS 15:3 - PERJANJIAN BARU NALCA YUBA

³ Hemyab o, nadya ugunuk yokaʾ-yokaʾ leb elegesisaʾ ara, nadya seleb dobsenya nek leb elegesisa. Imik Neyung yuba momnya dobok sok, hyak dib nong ara, Kristus somogok ara nunja malya unaʾ enesa somogok aboka, seleb leb elegesisa.

1 KORINTUS 15:3 ပူးပေါင်းရင်းမြစ်များ

MATIUS 26:24

Nimi dibaʾ me nera Imik Neyung yuba bukuk sam momnya dobok sok sunuwoka somoganamla. Bok or obnelum aboka yuba dil binilanya ben nong anyek, hyak omom nongaʾ ak ubla! Ben nong ak dara, sokok an ara gobdo hyak beilinaʾ loseng dara, pemneseng bok!” hyok.

MATIUS 26:28

Ban eneng enera, Imik Neyung adya nimi nauba blebnamlakanya, sikja malya unaʾ era sikenek ab sobaʾ memelemnesil amokaʾ ara an.

LUKAS 24:25

Dara Yesus adya sikenek lebnesukaʾ ara, ”Ugunda hyak dongdang anaʾ nang ek ulurum! Ununumnaʾ lelemek nang edya ugunuk nidyaʾ lesikaʾ ara, ugunda okoka berra ganya dib senenggulurum nang ek ulurum!

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

RASUL 17:2

Wera Paulus bera on ulumok so wek adya, alda Yahudi nang edya Imik Neyung ek byuk. Dara, Imik Neyung yuba momnya dobokaʾ anasa leboka, sikda neikaʾ ganya amomaʾ ubdangoka ulumek. Dara, Paulus bera ban unulumok salek ebaʾ moruwoka Sabat mem sum li winilya gobdo lemok.

RASUL 3:18

Dara, ban unuwoka gigiwanamokaʾ anasa, Imik Neyung adya orowek ununumnaʾ lelemek nang pik moruwoka, nimi blebsinaʾ dubnya Kristus bera eimik oka nauba gweknamla aboka lemokaʾ ara, wera ban adya gigiwok.

RASUL 8:32

Dara Etiopianya bedya, Imik Neyung yuba einilimokaʾ ara ban: ”Alda domba pam ara pam olomak nang ek bo balamak sok, alak doboka bo bilimek. Dara, domba pama me ak honga garalamna ek yuba sanggulumla sok, albabya si akoka yuba sanaʾ ara orok.

ROMA 3:25

Anera Imik Neyung adya men, ganya dib senenaʾ anasa leboka, Yesus eneng pik enyek anyeb nimi malya unaʾ amba deksulul aboka, Kristus Yesus ara nim amba elegosuk. Alja or unulunok senelemok salek, unulumek malya unaʾ era anesemba hnon yokaʾ unuwanggubsuk anasa, wenera alja ban unuwokaʾ damok ara, aljaʾ pe ununanya nera anaso abdok ara an.

ROMA 4:25

Dara, Yesus ara nunja meknenaʾ enesa leboka, doboka elegok bok, nuk perob nenewosununaʾ aboka embengaʾ subuka bukiyiwok.

1 KORINTUS 11:2

Ugunda nak sobaʾ beklenulumukanya, nadya neklesin yub ek pe sunuwoka unululumaʾ anasa, nara ugunuk perob aboka gigilesin.

1 KORINTUS 11:23

Nadya ugunuk nekesisaʾ ara, nara Wenelesilnya bek ab domsaʾ ak nekesisaʾ ara an. Nunja Wenelesilnya Yesus bek obnemab aboka, yuba dil bilimok sum enyek, inimnek enyek, Yesus ara gwanenga dobok dara,

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

GALATIA 1:12

Nadya ugunuk bo yeilimsa yub era, nim ek ab dobnenggumsa, dara onoʾ nim adya hnon neknenggunyek bok, Yesus Kristus adya albeyok, ganya lomok aawanyokaʾ ak domsa.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

IBRANI 5:1

Anasa, sik yuba wa gakaʾ dub nang era, Imik Neyung ak ganya doboka eleknanya neb, malya unaʾ amba oboka molonanya neb dara, alja unulululaʾ aboka, nimi gangganek ab weboka, siksamba Imik Neyung ak ara alja yuba saboka unulululaʾ aboka sekillilimak.

IBRANI 5:3

Imik Neyung adya malya unaʾ doro bobogosululaʾ aboka bo beil banaʾ ara, yok nim edya malya unaʾ emba ok gom, alda alja malya unaʾ enesa hnon bo beil balamla.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

1 PETRUS 2:24

Nu nong anyek malya unaʾ adya gobuka ulusukaʾ anyek bleboka perobaʾ nenewosununaʾ aboka, anadya Imik Neyung adya unu ubseng senelelanya sunuwoka ubnokaʾ aboka, nunja malya unaʾ gong dara, Kristus adya huka boboka gal ak somogok, Kristus adya eneng menengaʾ edya ugunuk ara bleboka hwebsuk.

1 PETRUS 3:18

Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

1 YOHANES 2:2

Wera Yesus Kristus al nong adya pika moruwoka nunja malya unaʾ amba somogousuk. Nera or nunja malya unaʾ ok gom, al nidyaʾ soko nimi malya unaʾ amba somogok.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,