1 KORINTUS 13:8 - PERJANJIAN BARU NALCA YUBA

⁸ Wanaʾ unaʾ dibaʾ ara, hyak denghemenggomaʾ ulumla. Wenyek dara, nimi ganya geremseng uboka, Imik Neyung yuba lel eleklesak bok, eimik era unuwoka lebnenggunumak. Wenyek dara, nimi hnonda yok-yok yuba salamak bok, eimik era dengaro lobnamla. Wenera nimi yokaʾ-yokaʾ nidyaʾ ella dangalamak bok, eimik era denghenemla.

1 KORINTUS 13:8 ပူးပေါင်းရင်းမြစ်များ

LUKAS 22:32

Simon o, anja dib senewoka ganya oloklelamaʾ anyek, goowoka denghegelyek aboka, nara ansamba heng uboka mololenggen. Anya anda nak saaboka yanalamaʾ seleb dara, anja weisab enyek sikja ganya migiba geb eleganesilim,” hyok.

RASUL 13:1

Antiokhia heikek Imik Neyung yuba donaʾ nim ek ara, ununumnaʾ lelemek nang eb, nimi yuba neklesik nang eb, nauba ulumek ara nang era, Barnabas ben hnon, bokaʾ mirinya aboka geklewoka silimeknya Simeon ben hnon, Kirene mok ebnya Lukius ben hnon, Herodes beblaboka neik salek nereknya Menahem ben hnon, Saulus be hnon, ulumek.

RASUL 19:6

Wera Paulus sikenek soruka salawoka heng uboka lelesuk sum enyek, Imik Neyung Geisinya sikenek gologol yingginiboka, sikda yok-yok yuba saboka, Imik Neyung yuba lel yabek.

RASUL 2:4

Wera dara, sikda nidyaʾ Imik Neyung ganya adya deknesuk dara, Imik Neyung Geisinya adya anyek sabnok senewoka elegesukaʾ adya, sikda yok-yok yuba nidyaʾ saro yabalamek.

1 KORINTUS 12:10

Hnon nim ek ara, yokaʾ-yokaʾ senenggomaʾ migib ununaʾ anyek, unuro yaban danasa wa migib en damok eleklamla. Onoʾ yok nim ek ara, ununumnaʾ lelelulaʾ aboka, an wa nen migibaʾ eleklamla. Al onoʾ neik Geisinya bedya hnon nim ek ara, ban nenera Imik Neyung wa ara ban, alda ban nenyek dara, Imik Neyung adyinya gomaʾ an wa migib eleklamla. Hnon nim ek ara, yok-yok sokok yuba ella danganaʾ damok migibaʾ eleklamla, hnon nim ek ara, yuba damok danyek nera damok ara, banyek lebok an danasa migib eleklamla.

1 KORINTUS 13:10

Imik Neyung adya yokaʾ-yokaʾ nidyaʾ ara, perobaʾ ok nenewanamla sum yanamla dara, mek so meilinya nera hyak denghenemla.

1 KORINTUS 13:13

Anasa wera, wenyek dara, ban winilya damok danyek ulumlaʾ ara, dib senenaʾ hnon, ganya nebem anaʾ hnon, wanaʾ unaʾ hnon, ulumla. Ban winilya ululabok, dib nongnya nera, wanaʾ unaʾ ak hnonok hyak dib nong.

1 KORINTUS 14:39

Nadya hemyab o, anasa wera, ugunda Imik Neyung yub anyek, nim ek leb elegeisinya senewoka dulululum. Bok, nimi hnon yok-yok yub edya bobgeregoka lelemeijaʾ ara, mem loblulum aboka yuba seknenggom.

1 KORINTUS 8:2

Nimi ben hnon, nara yokaʾ-yokaʾ ara, nauba ella ulumna seneldalalanya bera, hyak dib nong ara, yokaʾ-yokaʾ ganya olowoka anam pe ella unggulumla.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

IBRANI 8:13

Imik Neyung adya unuwanalum an yuba wen eleganesin alamlaʾ adya, youmaʾ men elegesuknya nera dolbaleka dok. Anya, an dolbaleka dangalalanya yamennya nera, denghenemla salek era, oka danggiga balamla.