1 KORINTUS 13:4 - PERJANJIAN BARU NALCA YUBA

⁴ Nimi ben hnon, yok nim ek wanaʾ dibaʾ ululanya bera, ganya siklewoka namen ganya adya perob ok unulamla. Wanaʾ unaʾ ara, alda solom ganya bonggulumla, imik neneldanggulumla, dengdang ganya bonggulumla.

1 KORINTUS 13:4 ပူးပေါင်းရင်းမြစ်များ

MATIUS 27:18

Pilatus bedya, ban wenyaboka leboknya nera, Yahudi dub nang edya Yesus ara sikja hman ganya boboka alak oboka dibnemab aboka doboka elegemekaʾ anasa, ella umokaʾ adya lebok.

RASUL 7:9

”Dara, nunja neyung Yusuf bera alja hemyab edya hmana leboka rupiah amba dekek dara, Mesir sokok sam ek wa wenya dangamok. Bok, Imik Neyung adya alak arawoka pe bo uboka,

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

ROMA 13:13

Anasa nunda yubyek danyek ulumak diligaʾ ganya namenaʾ anyek pe ulunob. Salyaʾ eiya hlaboka bolowoka dero yabanaʾ mem, yu mek denaʾ mem, malya unaʾ ak molonaʾ hogunga bobmoubuka, salyaʾ salaldanaʾ ak unggom mem, soloma daboka wabdangdo unggom mem.

1 KORINTUS 3:3

Ugunda solom ganya bobdangoka, ugun moumen anaba waldalalum, oldalalum dara, wera anara sokok an malya ganya bololumaʾ adya unululum. Imik Neyung ak elgom ulumak nim enesoʾ ak, ugunda ululum.

1 KORINTUS 4:18

Nimi wene nang ugun gangganek ara, nera Paulus bera anyagan yanggublul senewoka, sikda dengdang ganya bobak.

1 KORINTUS 4:6

Anasa nadya hemyab o, ugun pesindamba dara, nadya Apolos bek hnon, nak hnon, sunuwoka seleb lebsin. Ban unusenya nera damok ara, anadya ugunda nuk keeboka, sik unulurak senewoka pe unuwolulum, anya wera, wen ulumla pe unulumakaʾ anyek salabmoublulumaʾ aboka ubsin. Anadya wera, ugun moumen ara, nunda perob nim aboka, gigibdangoka onoʾ yok nim era, malya nenewomunuk aboka ubsin.

1 KORINTUS 5:2

Ban unululumjok, wera onoʾ ugunda dengdang aboka, imik nenebdangdo yabalalum. Ban unululumnya nera, dib nong ara, onoʾ angwei salyaʾ ulumla senewoka engelemnesomokanya, malya unulumak nim era, ugun gangganek ab doboka yaknasom.

1 KORINTUS 8:1

Wenera meewoka giblemaknya nek, beil balamak denaʾ yub ek lebnesin. Nim adya, ”Nunda nidyaʾ ara, yokaʾ-yokaʾ ella ulumab,” alamakaʾ ara ella ulumab. Bok, nimi geremseng ulumakaʾ nong adya, nauba dengdang ganya nenelesil, bok wanaʾ unaʾ adya danyek, nim ak bukullilisil.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

2 KORINTUS 6:6

Onoʾ geisa unaʾ adya hnon, ella danganaʾ adya hnon, igina siklebmouboka unaʾ adya hnon, perob unaʾ adya hnon, Geisinya lomok unaʾ adya hnon, munaʾ gobdo wanaʾ unaʾ adya hnon, laga amalamab.

GALATIA 5:26

Nunja yok nang ek dengdang ganya boboka, ganya soloma nenebdangoka, hman ganya boldanaʾ ara, hyak mem.

EPESUS 4:2

Ugunda sobaʾ ganya sokok nenebdangoka, ganya siklewoka namenaʾ ulululum. Ulumunukanya, meknelesakaʾ ak anaba wanaʾ ubdangoka dogom aldalamnelum.

EPESUS 4:32

Alda ugunda perob ganya bobdangoka, nimi nidyaʾ ugun moumen wanaʾ uldalalulum. Hnonda Imik Neyung adya Kristus pik uboka, ugunja malya unaʾ doro bobogousuk sok, ugun moumen malya unaʾ doro bologoldalalulum.

PILIPI 1:15

Wera ban Kristus yuba lero yabalamak nang era, hnon nang era hman ganya boboka lolobdanob senen lero yabalamakaʾ ara aldib bok, hnon nang era Imik Neyung ak ganya gouluwoka perob ganya boboka lero yabalamak.

KOLOSE 1:11

Ugunuk yokaʾ-yokaʾ lanawanesilaʾ ara, ganya eiya daboka, or malye senewoka, migibaʾ bal morulululum aboka, alja perobaʾ senenggom migib edya ugunuk migib gebsulul.

KOLOSE 2:18

Dara, ugunja oblamaknaʾ ara, or-or uboka sene ganya sokok nenebdangoka, lero nang ek giboka, goloknaʾ dib eillilimakaʾ anyek sunuwoka, sikja sokok unuro yaban ganya enyek, beknaʾ orok bok nauba nonggo abdangoka ulumak nang edya, ugunja oblamaknaʾ ara orok neneweisijik, mem.

KOLOSE 3:12

Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

1 TIMOTIUS 6:4

alda dengdang anaʾ adya ella neneldalalabok, yokaʾ-yokaʾ hyak elgom nong jok ulumla. Alda malya ganya edyok wek deknewoka ulmeilimdanyaʾ anasa mala weboka, ella ubnamenggom yuba, bobnenewoka geklero salamakaʾ adya bolgereklamla. Dara, bera ban adya solom ganya hnon, waldanaʾ hnon, hman leldanaʾ hnon, gogobaʾ ganya bobdangoka malya seneldanaʾ hnon, nauba lanalamla.

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

2 TIMOTIUS 3:10

Bok anak dara, nadya men nekenggesa yub eb, nadya hekaʾ anaso uboka ulumsaʾ ab, nadya unu ulunun senelenanya neb dara, anda seleb eiyiwoka ella ululam. Nadya hyak dib nongaʾ anyek, Yesus Kristus ak dib senewoka onoʾ nim ek wanaʾ ulusinaʾ ara, anda seleb ella ululam.

2 TIMOTIUS 4:2

Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

YAKOBUS 4:5

”Nunjaʾ nong lomok ara, Imik Neyung adya beibuk geisa ganya enyek dibum-dibum aboka ulumlaʾ” ara, Imik Neyung yuba momnya dobokaʾ anyaʾ anasa salyaʾ lebok senenggom, mem.

1 PETRUS 2:1

Anasa wera ban nenesa leboka, ugunuk ab nidyaʾ yu hwamaʾ ara gwiriwoka loblulum. Sondaʾ lenaʾ ab, sene or-or unaʾ ab, hman ganya boldanaʾ ab, yok nimi geklewoka derewoka wanaʾ nidyaʾ ara hyak loblulum.

1 PETRUS 3:8

Anasa damok ara, ugunda nidyaʾ pe neik ganya boboka, neik yuba saboka ulululum. Ugunja unaʾ era neik noungousa enesoʾ anyek wanaʾ uldalalulum. Ugun moumen wanaʾ uldalamunukanya, ganya sokok nenebdangoka ulululum.

1 PETRUS 4:8

Nim ara sik moumen wanaʾ uldalamnaʾ adya, onoʾ malya unaʾ nauba bok, laga lebdangoka doboka bologoldalamakaʾ anasa, yok-yok ununaʾ era mek so bok, ugun moumen anyek hyak nauba wanaʾ uldalalulum.

2 PETRUS 1:7

Dara, Imik Neyung senelamla sok sunuwoka ulumunuk ab dara, ugun neik yuba dololum nim ek perobaʾ lebdangoka yadyek ganya bobdangoka pe unuldalalulum. Ugun nim ek yadyek uboka pe unuldalamunuk ab dara, onoʾ nimi yok nim ek wanaʾ unaʾ dibaʾ pe unulusululum.

1 YOHANES 4:11

Nadya wanaʾ ulusin hemyabo nim o, Imik Neyung adya nuk anaso unu wanaʾ ulusil dara, wera numbabya nun moumen wanaʾ uldalanob.