1 KORINTUS 13:1 - PERJANJIAN BARU NALCA YUBA

¹ Nara nim adya yuba nidyaʾ ella dangoka salasinya bok, lero nang yub anaba ella dangoka salasinya bok, yok nim ek, wanaʾ unaʾ orok dara, wera nadya ella dangoka salasinya yuba danara, abya meklaʾ ak moka go-go alamla sokaʾ ak, senenggom nyonyanaʾ nyo-nyo alamla sokaʾ ak, ulumnesinya.

1 KORINTUS 13:1 ပူးပေါင်းရင်းမြစ်များ

MATIUS 25:45

Wenyhenemak enyek, dubnya bedya sikenek lebnamlaʾ ara, Ugunuk dib lebsin, Ugunda ban unu hyak bonaʾ garan nim ek aranggululumaʾ ara, wera nera nak aranggululumaʾ ara an, wenyhenesil.

MARKUS 16:17

Ban nim enera, yuba dib dobek beknaʾ dibaʾ ara, ban migib enyek ulumnesil, yuba dib senewoka domeija nim edya, nadya si sibuka bisaʾ yaklemnemak, sikda sikba elgom yuba, wenyok yok yuba, saro yabalemnemak,

ROMA 14:15

Anasa anda an yokaʾ hnon delelamakanya, anjaʾ hem bek alja ganya soloma dabel dililam dara, wera anda wanaʾ uldalalulum alamla yub ek sunuwoka ununggululam. Kristus ara alsamba seleb somogok anasa, anda denaʾ anasa leboka anjaʾ hem bek somogoldinaʾ ara mem.

1 KORINTUS 12:10

Hnon nim ek ara, yokaʾ-yokaʾ senenggomaʾ migib ununaʾ anyek, unuro yaban danasa wa migib en damok eleklamla. Onoʾ yok nim ek ara, ununumnaʾ lelelulaʾ aboka, an wa nen migibaʾ eleklamla. Al onoʾ neik Geisinya bedya hnon nim ek ara, ban nenera Imik Neyung wa ara ban, alda ban nenyek dara, Imik Neyung adyinya gomaʾ an wa migib eleklamla. Hnon nim ek ara, yok-yok sokok yuba ella danganaʾ damok migibaʾ eleklamla, hnon nim ek ara, yuba damok danyek nera damok ara, banyek lebok an danasa migib eleklamla.

1 KORINTUS 12:16

Dara onoʾ o adya lebnesodya, ”Nara heng dok unggulumnaʾ anasa, nara nong ak unggulumna,” henemso dara, wera ban wenyhenemsoʾ adya nong unggulumnamso de? Orok.

1 KORINTUS 12:8

Dara nimi ben hnonda Geisinya bedya yuba geremsengaʾ salalulaʾ aboka, wa wenaʾ damok eleklamla. Nimi hnonda al neik Geisinya bedya, pe ella dangoka yuba lelelulaʾ aboka, wa wenaʾ en damok eleklamla.

1 KORINTUS 13:8

Wanaʾ unaʾ dibaʾ ara, hyak denghemenggomaʾ ulumla. Wenyek dara, nimi ganya geremseng uboka, Imik Neyung yuba lel eleklesak bok, eimik era unuwoka lebnenggunumak. Wenyek dara, nimi hnonda yok-yok yuba salamak bok, eimik era dengaro lobnamla. Wenera nimi yokaʾ-yokaʾ nidyaʾ ella dangalamak bok, eimik era denghenemla.

1 KORINTUS 14:2

Nimi ben hnon, yok nimi yuba salalanya bera, alda nim ek yuba sal eleknenggululabok, alda Imik Neyung ak, yuba sal eleklamla. Anasa alja salamla yuba denga danara, Imik Neyung Geisinya adya lel eleklamlaʾ anyek, Imik Neyung ok ella ulumlaʾ digum ok lelemlaʾ anasa, nimi sirikaʾ ara, keboka ella danganggulumak.

1 KORINTUS 14:4

Yok-yok yub enyek salalanya bera, al damnya migiba gebeldalamla, bok Imik Neyung yuba lel eleklesak nang era, yuba lelemeibya enyek, yuba donaʾ nim ek migibaʾ gebellilimak.

1 KORINTUS 14:5

Ugunda nidyaʾ yok-yok yuba salamnasom dara, perob senewanesinya. Bok, hyak nauba perob nong ara, ugunda Imik Neyung adya unuwaseng senelamlaʾ anyek, nim ek lel eleklemnesom dara, nauba perob senewanesinya. Imik Neyung yuba lelemak nang ek dara, hyak dib nong nang ulumak bok, yok-yok yuba salamak nim era, yuba danganaʾ orok dara, or mek so ulumak. Alda yok-yok yuba salamak nim era, yuba dolomak nim enyek migibaʾ dangiyiwanobaʾ aboka, yuba dangawanamla dara, pellilimnesil.

1 KORINTUS 8:1

Wenera meewoka giblemaknya nek, beil balamak denaʾ yub ek lebnesin. Nim adya, ”Nunda nidyaʾ ara, yokaʾ-yokaʾ ella ulumab,” alamakaʾ ara ella ulumab. Bok, nimi geremseng ulumakaʾ nong adya, nauba dengdang ganya nenelesil, bok wanaʾ unaʾ adya danyek, nim ak bukullilisil.

2 KORINTUS 12:4

Bera alda imik heikek bo byuk dara, nim ek ella dangoka salalulum henggomaʾ, sabnamenggom yub enyek, kemok.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

1 PETRUS 4:8

Nim ara sik moumen wanaʾ uldalamnaʾ adya, onoʾ malya unaʾ nauba bok, laga lebdangoka doboka bologoldalamakaʾ anasa, yok-yok ununaʾ era mek so bok, ugun moumen anyek hyak nauba wanaʾ uldalalulum.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

WAHYU 14:2

Anya onoʾ nara, nauba mek lumdam yuba ollallek alamla anaso ab, senenggom liming yub anaso ab hnon, imik sam ab unuru wenyalamokaʾ ak kebsa. Ban yub en sanaʾ ara, nim adya henga nauba geregoka doblemak benggong yub enesoʾ ak lelemok.