1 KORINTUS 11:2 - PERJANJIAN BARU NALCA YUBA

² Ugunda nak sobaʾ beklenulumukanya, nadya neklesin yub ek pe sunuwoka unululumaʾ anasa, nara ugunuk perob aboka gigilesin.

1 KORINTUS 11:2 ပူးပေါင်းရင်းမြစ်များ

LUKAS 1:6

Dara sik nang penya era, Imik Neyung ganya ak pe hekel eleklereekanya, Imik Neyung adya oruksin yub eb, sobaʾ amba meemen yub eb dara, meknenaʾ orokaʾ anyek, pe unulurek.

1 KORINTUS 11:17

Bok, ban wen wenyhenesinya nenyek dara, nara ugunuk najabo yabo pelesulum aboka gigiwanggunusin. Ugunja Imik Neyung yuba doboka unululumaʾ ara, perob yinaʾ nauba menggulusil bok, malya yinaʾ ok nauba melesil.

1 KORINTUS 11:22

Ban unululumaʾ ara hekasa unululum do? Ugunja gwaneng den damba meka den damba, e dibaʾ unggulusil de? Meka deregoka ululum de? Goma, ugunda Imik Neyung yuba donaʾ nim ek malya nenewoka, bonaʾ garan ulumak nim ek alya nenewanobaʾ aboka, sene ululum de? Ban unululumnya nenesa, nara hekaʾ ak ugunuk lebnesin do? Ban nenyek sikda pelemak aboka ugunuk gigiwanasisinya de? Hyak orok. Nadya dara, ugunuk hyak gibnenggunusisinya.

1 KORINTUS 15:2

Ugunda yuba lebok ara, anyek senewoka dib senenaʾ orok danyek hnonok. Onoʾ nadya pe men leb elegesisa Imik Neyung yub ek pe salabmowoka ulumun dara, Imik Neyung yub enedya ugun nonga blebnesil.

1 KORINTUS 4:17

An nenesa leboka, hem Timotius benyek na lunuwoka ugunuk bilom aboka bokol yeisin. Al Timotius bera, Wenelesilnya bemba ganya goluwoka pe welelanya bek, nadyaʾ yokaʾ dam me neneso wanaʾ ulumna me nek, bokol yeisin. Alda hyak pelemla senewoka, welelul senelamna me. Dara alja ugunuk, nadya Kristus ak dib senemsa danyek ulusenya nenyek an ara, nadya yuba donaʾ nimi wenero yabalasinaʾ anyek, ugunuk saawoka bekellilimnesil.

1 KORINTUS 7:17

Imik Neyung adya ugunuk youbsukaʾ ara, al adya migib elegoka ban unuwoka ulumnelum aboka, youbosuk sok, neik so unu ulumnalum. Dara, ban yub enyek, nimi nidyaʾ Imik Neyung yuba dolomak nim ek unulululum aboka, wenero yabalasin.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

1 TESALONIKA 3:6

Wera Timotius bera nak seleb yeiniboka ugunda Kristus ak hekaʾ huboka dib senewoka uboka, ugunja wanaʾ uldalalumaʾ ara, perob yub enera neksuk. Dara onoʾ Timotius bedya nuk ara, hekaʾ huboka pero-pero unululumnya nenyek, anya nunja ganya edya dara pelemak senenya nu beklemnemab senelelumnya nenyek seleb neksuk. Anya ugunja dara nuk sikeneb eibdeisibya senelelumaʾ ara, nunjaʾ anaba ugunuk eibdeisibya senelemab sok ulululumaʾ aboka neksuk.

2 TESALONIKA 2:15

Hemyabo nim o, wera anasa nunja ugunuk momnya donaʾ pik uboka gom, yuba sibamaʾ adya laga nekesuba yub enyek, pe sekoka salabmoubuka ulululum.

2 TESALONIKA 3:6

Nunjaʾ hemyabo nim o, nunjaʾ Wenelesilnya Yesus Kristus si sibuka ugunuk wenyhenesin, nunja ugunuk neklesab yub ek dib senenaʾ loboka, wa wenaʾ sulmalyaʾ hwam ok ura yabalamak nim era, men mok nenewoka ulululum.