1 KORINTUS 10:7 - PERJANJIAN BARU NALCA YUBA

⁷ Onoʾ Hnonda Israeli nim edya sik gangganek ara, yokaʾ-yokaʾ ak giblemek sok numbabya unuweibyek aboka, beknaʾ ara ulusil. Imik Neyung yuba bukuk sam momnya dobokaʾ ara, ”Dara, Israeli nimi bukoka gwaneng meka deregoka, onoʾ sekoka eiya hlaboka unulumek,” alamla.

1 KORINTUS 10:7 ပူးပေါင်းရင်းမြစ်များ

RASUL 15:20

Bok nunda wen sikenek, sikja nim ugumaʾ ak sam hweboka beil balamak denaʾ dijik aboka hnon, gel salaldanaʾ anyek lobongganok aboka hnon, enenga heiboka somogalya wininga manaʾ ak dijik aboka hnon, enenga dijek aboka hnon, momnya donaʾ pik, nera loblulum aboka beibnemab.

1 KORINTUS 10:14

Nadya wanaʾ ulusin hemyabo nim o, bisaʾ amba hweboka giblemakaʾ anyek, hyak lek aboka lololulum.

1 KORINTUS 5:11

alda nadya lebsenya nera damok ara, ban nenesa lemsa. Alda sondaʾ anasa, nara Imik Neyung yuba donya aldalaladyok, onoʾ gela salanaʾ ganya hnon, hmabaʾ un ganya hnon, bisaʾ ak giboka, yok nanga salyaʾ miniwoka leboka, ganya uu alasil meka deregoka, meka lelewoka hokaʾ donaʾanya ululadyok anasa, ugunublaboka ubmunuk aboka, yuba sekleng sok lemsa. Sikeneb neikaʾ seʾ bukoka denaʾ anaba, hyak mem nong!

1 KORINTUS 6:9

Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

1 KORINTUS 8:7

Bok, ban ella ulumabaʾ anaba, ban nera nimi nidyaʾ ella ulumakaʾ goma! Hnonda youmaʾ dara, bisaʾ giblemekaʾ adya, wenebabya sobaʾ giblemakaʾ ak sam beil balamak denaʾ era, an senewoka bekelmoublemak. Anadya sikja mek ganya era dib kanaʾ orok adya, doboka den dara, nera malya unaʾ denewanel senelemak.

1 YOHANES 5:21

Najabo yab o, ugunda yokaʾ-yokaʾ sunuwoka giblemakaʾ ak abaʾ ara mok nenewoka ulululum e.