ZEFANYA 3:8 - KITAB NU TUMPU ALLA LELE MA'IMAI'

⁸ Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.

ZEFANYA 3:8 ပူးပေါင်းရင်းမြစ်များ

MAZMUR 12:5

anu motatae, “Jila' mami na bau pongkuasai mami! Maumo pa' apaa timbali otaloakon mami, ka' madi' ko anu moko ala timbali montewa'!”

MAZMUR 123:2

Susumo samian na posaihon ola taha'iman hi tuannyo, ka' samian na posaihon boune suele ola taha'iman hi nyonyanyo, sumo aijo'mo na kami montanda'i Belento, o, Tumpu, Tumpu mami, sahingga Belento mongkalibosimo mae kami.

MAZMUR 27:14

Sabole-bole ahi' taha'iman hi Tumpu, pohoson ka' bolimo mongabali' na kinyonyoa nu beleyum; ingat, sabole-bole ahi' taha'iman hi Tumpu.

MAZMUR 37:34

Tumpumo ahi' na otaha'imani ka' tulutimo nam palentah-Nyo, sahingga Nu hangkatmo na beleyum da mompusaka'imo tano' aijo'; nu toaje na mian anu ma'idek na kinyonyoanyo ogalisimo.

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

MAZMUR 62:1

Anu mongkapalai panyanyi. Ingala i lagu: Yedutun. Mazmur i Daud.

MAZMUR 62:5

Belemiu ola batanga' monabu'akon ia da madi'mo talasanggo na sanggonyo. Belemiu mongka'ima'imo baleko'; nganga' nu belemiu montaloakon mombalakati, panyo i uno nu kinyonyoa nu belemiu montotobi'akon.

MAZMUR 79:5

O, Tumpu, sampemo toka sidu-sidutu' na Belento motambuha' ka' kinyonyoa nu Belento anu saja' madi' sanang hi kami sabole-bolehmo mook susumo apu?

MAZMUR 79:6

Baumo totu-totu'u, na Belento motambuha' hi to bansa-bansa anu madi' monsumbu'i Belento ka' hi aha to kala-kalaja'an anu madi' monsombah Belento.

AMSAL 20:22

Boli mombalosi ka'idekan tiba ka'idekan palesaya na Tumpu, Ia na anu montulungije.

NYANYIAN ANU TALASANGGO 8:6

Pojadi mae na aku anu saja' nu una' ikinyonyoa nu beleyum, boli montanggogoli maumo pa' ihe, ola ahi' samata-mata aku; saba' sindua'an aijo' kohosonnyo sumo kohosonnyo nu kapatean, ka' napisu aijo' balakuasa susumo suele kapatean. Moaknyo sumomo moak nu apu, anu kinonyela-nyelakmo daka' hondo.

YESAYA 14:26

Sumo uuka na tanga'an-Ku anu obau i dunia, botokon-Ku tangka-tangkamo kahanda' mohukumo bansa-bansa.”

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 34:2

Tumpu nontambuha'imo iwi-iwi' na bansa ka' mule' hi iwi-iwi' na gombuan nu suludadu nu aha. Ia mohukumo ka' mule' monsilakaimo aha.

YESAYA 63:6

I uno nu tambuha'-Ku anu talalomo hondo, Ku pahampeja'akonmo na to bansa-bansa; Ku silakaimo na aha, ka' baso' nu aha Ku bubusakonmo i tano'.”

YEREMIA 10:25

Potudunje na kapusan nu Belento hi aha to bansa-bansa anu madi' mongakui Belento ka' madi' monsombah Belento. Kalana aha nonsilakaimo mian anu palesayamo hi Belento ingko-ingkot ka' mule nohansunimo lipu' mami.

HOSEA 12:6

Tumpu aijo', aijo'mo na Tumpu Anu Daka' hondo na Kuasanyo. Sanggonyo aijo'mo Tumpu. Tiba sanggo aijo' Ia mongkahanda'i da mian monsombah Ia.

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

HABAKUK 2:3

Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

HAGAI 2:22

to kala-kalaj'an Ku ideimo ka' mule' kuasa nu aha Ku hansunimo. Iwi-iwi' na kareta anu bau pahampate tiba anu mompojalan Ku bali-balikakonmo; iwi-iwi' na ajahan mohopu'mo ka' mule' anu monsake'i mompaha pate-pateimo.

MATIUS 25:32

Iwi-iwi' na bansa olimu' i ahop-Nyo. Lantas Ia mongga'atakon aha timbali ohua' na tompuk, sumo polaya' binatang mongga'atakon domba ka' mee'.

2 PETRUS 3:10

Panyo Sinaa katokaan nu Tumpu, toka sumo mian tomang. I Sinaa aijo', langit ma'idekmo sahingga lewa'mo poli-polintup sumo gohung, ka' to apa-apaa aita' i langit mingkotmo motoyo', ka' tano' tiba iwi-iwi na anu i unonyo ma'idekmo.

ANU PINOTO'I HI YOHANES 16:1

Lantas aku nohongo potatae anu daka' lengkat mae i Laigan nu Tumpu potatae hi malaikat anu popi-popitu' aijo', “Lako'mo bubusakon na isi nu popitu' na tampat pinongisian tambuha' nu Tumpu aijo' i bawo nu dunia!”

ANU PINOTO'I HI YOHANES 16:14

Aha atina'mo na to roh-roh ma'idek anu nombau manjoo' na anu okabangangi. Toto-totolu' na roh ma'idek aijo' namba hi iwi-iwi' na tomundo i songko-songko na dunia ka' nomposihukmo aha da mahampate i Sinaa daka' anu olame'akon, aijo'mo Sinaa nu Tumpu Allah Anu Matangkas na kuasanyo.