ZEFANYA 3:20 - KITAB NU TUMPU ALLA LELE MA'IMAI'

²⁰ Tokaje mae na tempo'nyo anu jojoong i kota' atina' nono ga'a-ga'atmo po ule'mo Ku boa mae minsusule'. Belemiu Ku potalasanggomo i songko-songko na dunia aiya, Kabilahian nu belemiu i uno nu kantumuu'an po ule'mo Ku bee'.” Tumpu notataemo. 1

ZEFANYA 3:20 ပူးပေါင်းရင်းမြစ်များ

MAZMUR 35:6

Sahanyo aha nu loloi'mo nu malaekat nu Tumpu ijalan anu pikat ka' mule' malondo'.

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

YESAYA 56:8

Sumo uukamo na potatae nu Tumpu Anu Matangkas na Kuasanyo anu nolaya'mo Israel ninsusule' mae lengkat i tampat pinompojongan aha, “Aku momboamo aha to mia-mian sangga'at da mogalumo hi aha anu sinuhukmo mae.”

YESAYA 60:15

Beleyum madi'mo opala'i ka' oka'ideki, ka' madi'mo opojohok da timbali liing hondo. Beleyum Ku pojadimo katalompoan sampe toka sidu-sidutu' bau tampat kalame'an sampe toka sidu-sidutu'.

YESAYA 61:9

Lee' nu belemiu togilelemo iyaya mae, talasanggomo hi aha iwi-iwi' na bansa. Sahingga iwi-iwi' na mian anu montoa mongakuimo, saba' bansa aiya Ku balakatimo.”

YESAYA 62:12

Aha osanggohimo; ‘Mian anu susi'’; ‘Mian anu pinosalamatmo nu Tumpu’. Yerusalem osanggohimo ‘Kota' anu lewa'mo sinale'an nu Tumpu’, ‘Kota' anu madi'mo daagi' nu pala'i nu Tumpu’.

YESAYA 62:7

Aha madi' timbali ola mompojohok Ia, ola momohokot, de Yerusalem ma'isa po'ule' Nu potinjo, ka' mompotimbalimo talasanggo isongko-songko na dunia.

YESAYA 66:22

Susumo langit anu salaje binau tiba tano' anu salaje binau satataapnyo madi' ko kamingkotannyo kalana kuasang-Ku, sumo aijo' mule' na lee' nu beleyum tiba sanggo nu beleyum satataapnyo madi' ko kamingkotannyo.

YEREMIA 23:3

Panyo tuha' nu mian anu palesayamo hi beleng-Ku po ule'mo Ku posihuk lengkat mae ilipu-lipu' anu pinomboan-Ku aha. Aha po ule'mo Ku sule'akon itano' kinahampean nu aha ka' lee' nu aha mompaka panjoo'mo.

YEREMIA 29:14

Memang totu'u ohumpakmo nu belemiu na Aku. Belemiu Ku posihukmo lengkat mae hi iwi-iwi' na bansa ka' lengkat mae hi iwi-iwi' na lipu' tampat belemiu gina'a-ga'atakonmo ka' binoa. Belemiu po ule'mo Ku sule'akon mae ilipu' pinolengkatan nu belemiu aiya ka' mule' po ule'mo Ku bee' na kantumuu'an nu belemiu anu nai puan mae. Aku, Tumpu notataemo.’

YEREMIA 30:3

Kalana tokaje mae na tempo'nyo po ule'mo Ku poko ima'i na kantumuu'an nu mian anu palesayamo hi beleng-Ku, Israel tiba Yehuda. Po ule'mo Ku boa na aha ilipu' anu binee'-Kumo hi mompolee' nu aha. Lipu' aijo' po ule' nu ala nu aha.”

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

YEHEZKIEL 16:53

Tumpu notataemo hi Yerusalem, “Sodom tiba Samaria ka' mule' kampung nu aha anu toto ise-ise' po ule'mo Ku pojadi sanang na kantumuu'an nu aha. Lapas aijo' atina'je ka' beleyum suele Ku pojadi sanang na kantumuu'an.

YEHEZKIEL 28:25

Tumpu Anu Matangkas na Kuasanyo notatae, “Ku posihukmo na to mia-mian Israel lengkat mae i iwi-iwi na lipu' anu toto jo'o-jo'on i tampat nu aha pipinongga'a-ga'atakonan-Kumo aha tiba iwi-iwi' na bansa saidi' mae monsumbu'je taalu' Aku susi'. Bansa Israel po ule' mule' jojoong i tano' nu aha, tano' anu binee'-Kumo hi posaihon-Ku i Yakub.

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

YEHEZKIEL 37:12

Kalana aijo' poto'imo pa'apaa na anu jadi saidi' mae hi aha mian Israel anu palesayamo hi beleng-Ku, saba' Aku Tumpu Anu Matangkas na Kuasanyo mombukamo kubulan nu aha. Ku sabatakonmo mae na aha lengkat ikiijo' ka' po ule'mo mae momboa aha itano' nu Israel.

YEHEZKIEL 37:21

Lantas poto'imo hi aha, taalu' Aku, Tumpu Anu Matangkas na Kuasanyo mongalamo mae iwi-iwi' na bansang-Ku lengkat mae ilipu'-lipu' anu kinalambananmo nu aha. Aha Ku posihukmo ka' po ule'mo Ku boa mae iposi lipu' nu aha.

YEHEZKIEL 39:13

Songko-songko na mian nu lipu' montulungimo pakalaja'an molamun aijo'; ka' kalana mombaumo pakalaja'an aijo' saba' aha montalimamo tambonyo de tokamo na sinaa nu kamenangan-Ku. Aku, Tumpu Anu Matangkas na Kuasanyo notataemo.

YEHEZKIEL 39:28

Sahingga nu sumbu'je nu mian anu palesayamo hi beleng-Ku taalu' Akumo ahi' na Tumpu nu aha. Kalana Akumo ahi' na nomboa aha itampat pinomboan aha, panyo Aku mule' ahi' na nonsule'akon aha ilipu' nu aha ka' madi' nompala'i mae mau pe'e ola samian na aha kiijo' mae.

YOËL 3:1

Tumpu notatae, “Tempo'nyo aijo' Yerusalem tiba Yehuda Ku po ule'mo na kasanangan i uno nu kantumuu'an nu aha.

AMOS 9:14

Ku pojadimo na mian-Ku Israel anu palesayamo da aha po ule'mo sanang. Aha po ule'mo mombau kota' nu aha iwi-iwi' anu na'idekmo lantas aha jojoongmo ikiijo. Aha monsu'animo nu anggur iwi-iwi' na ale' lantas saidi' mae nu inumo nu aha na ueenyo. Aha mongale'mo ka' nu kaanmo nu aha na hasinnyo.

MIKHA 2:12

Tumpu notatae mule, “O, mian nu Israel anu daagi' tinontuha'! Belemiu Ku posihukmo ka' mule' Ku posa'angu'mo susumo domba anu ninsusule'mo mae i pangkunnyo. Susumo hemput padang anu kahomo domba, sumo aitumo na lipu' nu belemiu mompaka da'isanmo na miannyo.

MIKHA 4:7

Aha ilepo'anmo ka' najo'onmo i kampung nu aha. Panyo kona hi aha mian anu tinontuha' aijo' Ku tampu'unimo na mompojadi sa'angu' na tulunan mule'. Aha saidi' mae timbalimo sa' angu' na bansa anu daka' ka' mahoson. Ku palentahje na aha lengkat mae aita'i Sion sampe toka sidu-sidutu'.”

ZEFANYA 2:7

Mian anu jojoong i Yehuda anu moko ala mopalai saidi' mae monjojoongimo daerah nu belemiu aijo'. Aha saidi' mae molaya'mo potuu'on itano' aijo' ka' de pihimo aha hoyotmo ilaigan nu aha mian Askelon. Kalana Tumpu, Tumpu nu aha na monjagai aha ka' mule' da aha po ule' sanang na kantumuu'an nu aha.

ZEFANYA 3:19

Tokaje mae na tempo'nyo belemiu anu saja' monsansala mian Ku hansunimo, ka' mian anu pengko' Ku posalamatmo iwi-iwi' na anu binoamo ka' pinojoongmo i sa'angu' na tampat po ule'mo Ku sule'akon mae. Ambang nu aha Ku bali'imo timbalimo kaholomatan; maumo iya mae kabai maumo pe'e i songko-songko na dunia aha opopodaka'mo ka' mule' opuji'mo.

ZAKHARIA 8:13

O, mian anu jojoong i Yehuda ka' i Yerusalem! Naipuan mae de to mia-mian anu i salipu'an mae mompaha toto totobi'akonmo, aha motatae, ‘O'amalakon da balaa' anu nontuda'imo Yehuda tiba Israel suele ahi' montuda'i belemiu!’ Panyo Ku posalamatje na belemiu sahingga to mia-mian anu isalipu'an mae aijo' motataemo hi bubuu' aha, ‘O'amalakon da balakat anu toka hi aha Yehuda tiba hi aha Israel, suele toka ahi' hi butong nu belemiu!’ Kalana aijo' pohoson na kinyonyoa nu belemiu ka' boli ahi' mabuhuk!”

ZAKHARIA 8:8

ka' monsule'akonmo mae aha anu lengkat mae i kabete'an, ka' mule' anu lengkat mae i kinsoban, sahingga aha po ule'mo jojoong i Yerusalem. Aha timbalimo mian anu palesayamo hi beleng-Ku ka' Akumo na Tumpu nu aha. Aku mompalentahmo aha ma'i-ma'ima' ka' mule' adin.”

MALEAKHI 3:12

Sahingga belemiu otaloakonmo nu bansa iwi-iwi' sanang na kantumuu'an nu belemiu, kalana lipu' nu belemiu timbalimo tampat anu ma'ima na bau kajojoongan.”

PO'ULE' INGULIT 26:18

Sinaa aiya, Tumpu nontalimamo belemiu ka' tinimbalimo mian anu pinalesayamo hi Ia susumo anu jinanji'-Nyomo hi belemiu, ka' Ia nompalentahmo belemiu da mombau iwi-iwi' palentah-Nyo.

PO'ULE' INGULIT 26:19

Tumpu nompotimbalimo belemiu lebe daka' molingkudui iwi-iwi' bansa sangga'at anu pinotimbali-Nyomo, ka' belemiu opuji'mo ka' o adatimo. Belemiu tinimbalimo mian anu pinalesayamo hi Tumpu Allah nu belemiu susumo anu jinanji'Nyomo.”