ZEFANYA 3:2 - KITAB NU TUMPU ALLA LELE MA'IMAI'

² Silakamo na kota' anu madi' mongka'oho' montalima pokinde' nu Tumpu ka' madi' mule' mompalahatikan apaa na anu Nu tewa' boli obau, ka' anu madi' mongasanakon nasipnyo hi Tumpu ka' madi' momoita tulung hi Ia!

ZEFANYA 3:2 ပူးပေါင်းရင်းမြစ်များ

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

MAZMUR 10:4

Mian anu baladosa' madi'mo mompajuli Tumpu kalana ia talalo sombong sahingga koonyo madi' ko Tumpu.

MAZMUR 50:17

Kalana beleyum madi' mongka'oho' montalima pokinde'-Ku, ka' monggagakon iwi-iwi' na palentah-ngKu.

MAZMUR 73:28

Panyo de belengku na totu-totu'u ahi' ma'ima' hondo na jojoong koko hi Tumpu. Tumpu na ku bau tampat pihohunganku da aku moko ala mombebakon iwi-iwi' apaa na anu binau-Nyomo.

MAZMUR 78:22

kalana aha madi'mo pinalesaya hi Tumpu, hi kuasa-Nyo anu moko ala momposalamat aha.

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 5:12

Lantas beleyum motataemo, “Yo, kadaka' aku nongka'idekimo pokinde'? Kadaka' aku madi' nongka'oho' otewa'?

YESAYA 1:5

Kadaka' belemiu me saja' monggagakon? Mongka'oho' na belemiu da o hukum nu anu lebe talalo maboat hondo? Ubak nu beleyum sinongkomo nu kumahut anu minana' ka' mabusik, ma'idekanmo na kinyonyoa nu beleyum ka' pikilan nu beleyum.

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 43:22

Tumpu notatae, “Panyo beleyum Israel madi'mo nonsombah Aku, ka' madi'mo tulu-tulutan hi beleng-Ku.

YESAYA 9:12

Bansa Israel ma'isa ahi' nompele-pele' mau aha ihukumo nu Tumpu Anu Daka' na Kuasanyo: aha ma'isa ahi' binalatobat hi Ia.

YEREMIA 13:25

Sumo aijo'mo na uki' nu belemiu anu tinantukan-Kumo kalana belemiu nongkolilimimo mae Aku, ka' pinalesayamo hi to pilo-pilot anu madi' totu'u.

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

YEREMIA 22:21

Pinoto'ing-Kumo hi belemiu salatanmo pe'e ka ada'an nu belemiu daagi' na'ima' panyo belemiu madi' mohongo-hongo. Memang sumo aijo'mo na kalakuan nu belemiu naipuan pe'e mae sangkutnyo tempo' uuka aiya; madi' toho' belemiu mongka'oho' tulu-tulutan mae hi beleng-Ku.

YEREMIA 32:33

Aha nohikumo mae Aku ka' maumo ahi' Aku salio-liomo aha, aha madi' ahi' mohongo-hongo Aku ka' mule' madi' ahi' ko kasinsumbu'annyo.

YEREMIA 35:17

Kalana aijo' Aku, Tumpu Anu Mahakuasa, Tumpu Allah Israel, mompotokamo mae aiya hi belemiu – mian nu Yehuda tiba Yerusalem – iwi-iwi' na balaa' anu tinantukan-Kumo mongkona belemiu, susumo anu pinoto'ing-Kumo. Han aijo' Ku baumo kalana belemiu madi' mongka'oho' mohongo-hongo de Ku poto'imo hi belemiu, ka' belemiu madi' mongka'oho' montaami salatan Ku lagamo na belemiu.”

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEHEZKIEL 22:24

“O, manusia anu madi' tumuu' batu, poto'imo hi aha mian nu Israel, taalu' tano' nu aha nahumimi'imo kalana aijo' anu notambuha'mo ka' mohukumo aha.

YEHEZKIEL 24:13

O, Yerusalem palabuatan nu beleyum pala-palaganta aijo' nohumimi'imo butong nu beleyum. Aku, nompisobamo nompobelesi' beleyum panyo madi' ahi' kinogunanyo, kalana bele nu tataap ahi' mahumimi'. Beleyum madi'mo po ule' belesi' sahingga Ku potudunmo na tambuha'Ku hi beleyum.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

2 TIMOTIUS 3:16

Iwi-iwi' anu tinulismo i uno nu Kitab nu Tumpu anu binee'mo nu Tumpu da ogunakon mongajan anu totu'u, da mompokinde'i ka' mompoko'ima'i anu sala', ka' mongajan mian da tumuu' montuluti pongka'oho' nu Tumpu.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.