ZEFANYA 3:17 - KITAB NU TUMPU ALLA LELE MA'IMAI'

¹⁷ Belemiu nu jagai nu Tumpu, Tumpu nu belemiu baani ka' talasanggo. Belemiu inguntungmo na nahampate kalana kuasa-Nyo. Tumpu ilame'mo ka' mule' binilahimo kalana belemiu, kalana kalibosan-Nyo binee'an-Nyomo na belemiu kantumuu'an anu bu'ou.

ZEFANYA 3:17 ပူးပေါင်းရင်းမြစ်များ

KAJADIAN 1:31

Tumpu nontoa iwi-iwi' apaa na anu binau-Nyomo aijo', ka' sinanangmo hondo na Ia. Tinomboliu na malom tinimbalimo na sinaa daagi subu. Aijo'mo na sinaa anu ko anomnyo.

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 18:14

Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”

KAJADIAN 2:2

Sinaa anu ko popitu'nyo Tumpu Allah nompomingkotmo kalaja-Nyo aijo', lantas Ia nilawemo.

MAZMUR 147:11

Tumpu sanang hi mian anu tulu-tulutan, hi mian anu sabole-boleh montaha'imani kalibosan-Nyo mae.

MAZMUR 149:4

Tumpu mongka'ima'i hondo mian anu palesayamo hi Ia; Ia mombee'i ka'untungan mahampate hi mian anu madi' buulon.

MAZMUR 78:65

Sahingga Tumpu nobungkutmo sumomo mian anu nobulamo hau-haunyo hoyot. Sumomo mian anu nahosonmo salatan noko inumo anggur.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 18:4

Tumpu notataemo hi belengku, “lengkat mae aita' ikajojoongan-Ku, Aku montudangmo mokaiyong madi' ko anu mokohenggo ka' talaang hondo sumomo ahi' kotalangnyo nu dondu'ok pihi kona itempo nu posinaa ka' mule kakona itempo nu pompadakan ka' mule' kotalangnyo sumomo ahi' singit sonsu'un na sinaa.

YESAYA 63:1

“Ihe na ia anu tinokamo lengka mae i Bozra daerah Edom? baju'nyo momea', pakeannyo ma'ima' hondo, ia lumajang anggasan ka' mule' tagap.” “Akumo na Tumpu anu moko ala momposalamat ka' toka mae momboa lele nu kamangan.”

YESAYA 63:12

Iyamo mae na Tumpu anu nonsangaluimo i Musa, nu lima-Nyo maho-mahoson hondo ka' nombagimo ohua' na uee i ahop nu aha da sanggo-nyo talasanggo sampe toka sidu-sidutu'?

YESAYA 65:19

Posi Aku suele saja' bilahi kalana Yerusalem, ka' lame'mo kalana mian anu monjojoongi. I kota' aijo' madi'mo daagi' ko anu humang, ka' madi'mo daagi' ko anu molobo' momoita tulung.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 32:41

Aku sanangmo na mombau palabuatan anu ma'ima' hi aha, ka' mompotataapmo aha ilipu' aiya sampe toka sidu-sidutu'.

HOSEA 14:4

Asyur madi' moko ala momposalamat kami, ka' ajahan anu bau pahampate suele madi' ahi' moko ala montulungi kami. Kami madi'mo daagi motatae hi to pato-patong nu pilogot anu pinosi bau mami, anu osangka mami aijo'mo na Tumpu mami. O Tumpu Belento mongkalibosi to mia-mian anu madi' ko anu nu taha'imani nu aha maumo pa' ihe.”

YOËL 2:21

Boli mabuhuk, o ale' posanang na kinyonyoa nu beleyum; Ingat na han anu daka' hondo bibinaumo nu Tumpu hi belemiu!

ZEFANYA 3:15

Kalana Tumpu madi'mo mohukum belemiu, ilaa'-Nyomo iwi-iwi' na sampo bali' nu belemiu. Belemiu jinaganmo nu tomundo' Israel aijo'mo Tumpu nu belemiu. Uuka aiya belemiu madi'mo palalu mongoa'i daagi mabuhuk.

ZEFANYA 3:5

Panyo Tumpu daagi kiijo' i kota' aijo'; Ia saja' mombau anu mingkona ka' madi' toho' sala'. De subu-subumo Ia mombee'imo ka'adilan hi mian-Nyo anu pinalesayamo. Panyo mian anu madi' monsumbu' ka'adilan i kota' aijo' tataap mombau anu ma'idek madi'mo monsumbu' ambang.

NOMBILANGMO 14:8

De Tumpu monsitujuimo kita. Ia momboamo kita mokiijo' ka' mombee'mo tano'nyo iwi-iwi' anu kaya ka' ma'omuk.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

YOHANES 13:1

Daagi' sansinaa tokaje na Sinaa Daka' nu Paskah, sinumbu'mo i Yesus taalu' tempo'nyo tokamo Ia mompala'imo dunia aiya minsusule'mo hi Tuuma-Nyo. Ia mongkalibosi to mia-mian anu tinimbalimo anu-Nyo i dunia, ka' Ia saja' mongkalibosi aha toka-toka i ka'ahenan-Nyo.

YOHANES 15:11

Iwi-iwi' aiya Ku poto'i hi komiu, da kalame'an-Ku itina' i kinyonyoaum, ka' kalame'anum timbali ma'ima'.

PO'ULE' INGULIT 23:15

“De samian na posaihon malaimo, mompala'imo tuannyo lantas tokamo hi belemiu momoita da otoakon na ia, boli osai na ia minsusule'.

PO'ULE' INGULIT 30:9

Tumpu Allah nu belemiu mompotimbalimo iwi-iwi' na anu obau miu ko hasinnyomo; belemiu mohumpakmo anak manjoo' ka' potuu'on manjoo'mo; ale' nu belemiu iwi-iwi' ko hasinnyomo manjoo' hondo. Sanangmo na kinyonyoa nu Tumpu mompotimbalimo belemiu da mongoa'imo kasanangan susumo Ia sinanangmo na nombee'imo kantumuu'an sanang hi mompolee' nu belemiu.

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.