ZEFANYA 3:15 - KITAB NU TUMPU ALLA LELE MA'IMAI'

¹⁵ Kalana Tumpu madi'mo mohukum belemiu, ilaa'-Nyomo iwi-iwi' na sampo bali' nu belemiu. Belemiu jinaganmo nu tomundo' Israel aijo'mo Tumpu nu belemiu. Uuka aiya belemiu madi'mo palalu mongoa'i daagi mabuhuk.

ZEFANYA 3:15 ပူးပေါင်းရင်းမြစ်များ

KAJADIAN 30:23

Sahingga i Rahel pinoboamo ka' nohampeakonmo samian na anak mo'ane. Notataemo na i Rahel, “Tumpu Allah nongalinakonmo ka ambanganku.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 19:9

Palentah nu Tumpu aijo' sinosokmo hondo, momposanang kinyonyoa. Apaa na anu tinantukanmo nu Tumpu aijo'mo na anu sahondo-hondonyo, mombau mian da mangalati'.

MAZMUR 85:3

Belento nongampuni dosa' iwi-iwi' nu mian anu palesayamo hi Belento; ingampunanmo nu Belento na kasala'an nu aha iwi-iwi'.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

YESAYA 51:22

Sumo uuka na potatae nu Tumpu nu beleyum Tumpu nu beleyum anu nontinjohimo belemiu, “Kasansala'an anu binee'-Kumo kalana Aku notambuha'mo, po ule'mo Ku ala da madi'mo nu kona na belemiu. Aku madi'mo motambuha' ka' belemiu madi'mo daagi' montanggung.

YESAYA 52:9

Pontaligalaimo lame-lame' o, anu singkapmo ihansun i Yerusalem, kalana Tumpu mohase'mo mian anu palesayamo hi Ia ka' mompobebasmo Yerusalem.

YESAYA 54:14

Beleyum binaumo i uno nu kaadilan, madi'mo daagi' ko anu okabuhuk ka' kasansala'an.

YESAYA 60:18

Madi'mo daagi' ko lele mongkona kasinggian ilipu' nu beleyum, ka' mule' mongkona kahansunan ka' anu o'idei i daerah nu beleyum. Susumo pagan mesen Aku monjagaimo beleyum, ka' beleyum mompuji'mo Aku salaku anu Nomposalamatmo beleyum.

YESAYA 65:19

Posi Aku suele saja' bilahi kalana Yerusalem, ka' lame'mo kalana mian anu monjojoongi. I kota' aijo' madi'mo daagi' ko anu humang, ka' madi'mo daagi' ko anu molobo' momoita tulung.

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

YEHEZKIEL 35:10

Belemiu nontaloakonmo koonyo nu belemiu mau Yehuda kabai Israel tibamo tano'nyo belemiumo na mohaki ka' mule' belemiumo na jadi tumpunyo maumo ahi' Aku, Tumpu, na Tumpu nu aha.

YEHEZKIEL 36:15

Madi'mo daagi' na tano' aiya mohongo alu nu to bansa-bansa kabai sola' monta'up pompopo'ambang nu mian. Tano' aiya madi'mo daagi' mompatei bansa anu monjojoongi. Aku, Tumpu Anu Matangkas na Kuasanyo notataemo'.’ ”

YEHEZKIEL 39:29

Ku dudu'akonmo mae na Roh-Ku hi aha bansa Israel, ka' madi'mo daagi' mompala'i aha. Aku, Tumpu Anu Matangkas na Kuasanyo notataemo.”

YEHEZKIEL 48:35

Songko-songko na pagan mesen aijo' komantannyo osio' na kilometen. Ka' lengkat itempo' aiya mian nonsanggohimo kota' aijo': “DAAGI' KO TUMPU IKIIJO'!”

YOËL 3:17

“O, Israel uuka aiya osumbu'mo nu belemiu, saba' Akumo na Tumpu nu belemiu. Aku jojoong i Sion, i bungkutnyo anu Aku na tumpunyo. Sahingga Yerusalem suele timbalimo kota' anu susi' mian anu isalipu'an mae madi'mo daagi mompinsoopi.

AMOS 9:15

Ku pojoongmo na aha mian-Ku anu palesayamo ilipu' anu Ku bee'mo hi aha. Aha madi'mo daagi olalin, tataapmo ikiijo'. Akumo na Tumpu Allah nu aha anu notataemo.” 18

MIKHA 7:10

Naipuan mae sampobali' mongalu kita, aha notatae, “Iya mae na Tumpu nu belemiu aijo'?” Panyo uuka aiya aha montoamo apaa na anu nu bau Tumpu, hi kita, ka' aha ma'ambangmo. Kita monsakisamo to sampo-sampobali'to ka' opantundu'tomo ka' opahampeja'akonmo susumo hensek i jalan.

HABAKUK 2:17

Tinaa'anmo nu beleyum na kau' i unu nu kuhat nu Libanon ka' uuka aiya beleyumo na otaa'. Beleyum lewa'mo nompatei binatangnyo ka' uuka aiya to bina-binatangmo na mompopobuhuk beleyum. Iwi-iwi' aijo' jadimo kalana lewa'mo nompatei na beleyum ka' lewa'mo nombau palabuatan anu buhingisin hi to lipu-lipu' ka' mule' hi to kota-kota' ka' hi mian anu jojoong ikiijo'.

HABAKUK 2:8

Beleyum lewa'mo nompahuhuakon manjoo' na bansa-bansa, panyo sagala bansa anu madi' pinoko ala pinatundu' nu beleyum saidi' mae mompahuhuakon beleyum, kalana lewa'mo beleyum nompatei ka' kalana talalomo hondo na beleyum sininggi hi aha to lipu-lipu' ka' mule' hi to kota-kota' ka' hi miannyo anu jojoong ikiijo'.

ZEFANYA 3:17

Belemiu nu jagai nu Tumpu, Tumpu nu belemiu baani ka' talasanggo. Belemiu inguntungmo na nahampate kalana kuasa-Nyo. Tumpu ilame'mo ka' mule' binilahimo kalana belemiu, kalana kalibosan-Nyo binee'an-Nyomo na belemiu kantumuu'an anu bu'ou.

ZEFANYA 3:5

Panyo Tumpu daagi kiijo' i kota' aijo'; Ia saja' mombau anu mingkona ka' madi' toho' sala'. De subu-subumo Ia mombee'imo ka'adilan hi mian-Nyo anu pinalesayamo. Panyo mian anu madi' monsumbu' ka'adilan i kota' aijo' tataap mombau anu ma'idek madi'mo monsumbu' ambang.

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

ZAKHARIA 14:11

To mia-mian jojoongmo i kota' aijo' ka' madi'mo ko anu mompoposia, madi'mo ko anu toka mae kahanda' mompatei.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

YOHANES 12:15

“Boli mabuhuk, langkoyang nu Sion! Toa na Tomundo'um tinokamo, monsake'i sa'angu' na keledai bata'nyo!”

YOHANES 19:19

I kau' salib i Yesus, i Pilatus nompokau mompokona tulisan aiya: “Yesus lengkat mae i Nazaret, Tomundo Mian nu Yahudi.”

YOHANES 5:30

“Aku madi' moko ala mombau apa-apaa de ola posi pongka'oho'-Ku. Aku ola momputusi hukuman sumo anu pinalentahkonmo nu Tumpu. Ka' kaputusan-Ku adin, kalana Aku madi' mombatuki posi pongka'oho'-Ku, panyo o ala i pongka'oho' nu Tuuma anu nonsai mae Aku.

ANU PINOTO'I HI YOHANES 12:10

Lantas aku nohongo potatae anu daka', i suluga' nontaloakon, “Uukamo aiya na tempo'nyo Tumpu momposalamatmo mian anu pinalesayamo hi Ia! Uuka aiya Tumpu mompotoamo kuasa-Nyo salaku Tomundo! Uuka aiya Tomundo anu Momposalamat anu jinanji'mo aijo' suele mompotoamo kakuasa'an-Nyo! Kalana anu mompisala'i to Utu-utusto i ahop nu Tumpu sinaa ka' malom, sinabatakonmo lengkat mae i suluga'.

ANU PINOTO'I HI YOHANES 18:20

O suluga', lame'akonmo na kota aijo' anu na'idekmo! O mian anu pinalesayamo hi Tumpu, to rasul-rasul, ka' to nabi-nabi balame-lame'mo! Kalana Tumpu nohukumo ia salaku pombalosi apaa na anu binaunyomo hi belemiu!

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”

ANU PINOTO'I HI YOHANES 7:15

Aijo'mo na sababnyo aha tinuminjomo i ahop nu kasuhangan nu Tumpu, ka' monsombah hi Ia sinaa ka' pihi i uno nu Laigan nu Tumpu. Ka' Ia anu sinumuhang i kasuhangan aijo' tokaje mae tiba aha da monjagai aha.