ZEFANYA 3:10 - KITAB NU TUMPU ALLA LELE MA'IMAI'

¹⁰ Ka' mule' lengkat mae i Sudan anu majo'on mian-Ku anu pinalesayamo anu noga'a-ga'atmo saidi' mae tokamo ka' monsombahkonmo koloban hi beleng-Ku.

ZEFANYA 3:10 ပူးပေါင်းရင်းမြစ်များ

MAZMUR 68:31

O, segai na Mesir, binatang anu mahangas aijo' i uno nu biho'. Pokinde'i na to bansa-bansa, sapi' sanggombu haha aijo' tiba to ana-anaknyo, anu ola lewa' mompahampeja'akon sa'angu' ka' sa'angu' da mohumpak salaka. Tumpu nomposung kehetmo ka' nongga'at-ga'atmo iwi-iwi' na bansa anu mongka'ima'i mahampate.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 11:12

Tumpu mompotinjomo sa'angu' na bandela' bau pontoan nu to bansa-bansa. Aijo'mo na tandanyo taalu' Ia po ule'mo nomposihuk bansa Israel, tiba bansa Yehuda anu noga'a-ga'atmo iyaya mae i dunia aiya ka' monsule'akonmo mae aha.

YESAYA 18:1

Lengkat mae i sa'angu' na lipu' isantoa nu kaunyo haha kiijo' i Sudan ihongomo na onyi' nu sipuyu.

YESAYA 18:7

Tokaje mae na tempo'nyo palasombahan-palasombahan obee'mo hi Tumpu Anu daka' na Kuasanyo lengkat mae ilipu' aijo' nunu sahak nu kaunyo haha aijo'anu lengkat mae i bansanyo anu mahoson ka' mule' baani, ka' mule' lengkat hi aha miannyo anu toto tangka-tangkas ka' kilitnyo ma'ima' ka' mule' okabuhuk isongko-songko na dunia aiya. Aha tokamo mae i Puge'nyo nu Sion itampat nu Tumpu Anu Daka' na Kuasanyo osombah.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

YOHANES 7:35

Lantas anu mongkuasai Yahudi notataemo samian ka' samian, “Mian aiya kahanda'mo mamba moya sahingga madi' opoko humpakto na Ia? Te Ia kahanda'mo mamba hi to mia-mian Yahudi anu jojoong i sambiha' nu lipu' santano'an i totonga' nu mian Yunani ka' mompogulu' mian nu Yunani?

SISIKON NU TO RASUL-RASUL 24:17

Salatan tino pia-piangkukamo ahi' na taun madi' jinojoong i Yerusalem, aku ninsusule'mo nokiijo' da momboa doi pontulungi hi bansangku, ka' monsombakon koloban hi Tumpu.

SISIKON NU TO RASUL-RASUL 8:27

Sahingga i Filipus mule' nambamo. Tempo'nyo aitu daagi' ko samian anu ko pangkat mokalaja i kalaja'an Etiopia anu hau-haunyo lumambanan minsusule' mokiijo' i lipu'nyo. Mian aitu samian anu ko pangkat matangkas anu mongulus iwi-iwi' kakaya'an i Kandake, Tomundo boune i lipu' Etiopia. Mian aijo' mambamo nokiijo' i Yerusalem da balado'a hi Tumpu, ka' uuka aiya hau-haunyomo minsusule' tiba bendinyo. Hau-haunyo suha-suhang i uno nu kasake'annyo aijo' ia nombasa' Kitab i Nabi Yesaya.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

1 PETRUS 1:1

To Utu-utus mian anu pinile'anmo nu Tumpu, anu nobagi-bagimo i tano' nu mian i da'erah Pontus, Galatia, Kapadokia, Asia, ka' Bitinia! Aku, i Petrus, anu tinimbalimo posaihon i Yesus Kristus, mongamanakon bisa-bisa' Tumpu mombee'i balakat ka' ka'ima'an hi belemiu molabi-labi. Komiu pinile'anmo tinimbalimo mian anu pinalesayamo hi Tumpu Allah nompotimbalimo komiu mian anu pinalesayamo ka' susi' da baumo samata-mata anu nu Tumpu, da komiu mohongo-hongo i Yesus Kristus ka' pinobelesi'mo nu baso'-Nyo.