ZEFANYA 2:9 - KITAB NU TUMPU ALLA LELE MA'IMAI'

⁹ Kalana Aku anu tumuu', Tumpu nu bansa Israel, Kusapuimo iwi-iwi' na Moab tiba Amon susumo Sodom ka' Gomora. Lipu' haha aijo' mobuke'mo nu bubung anu kaho timusonnyo, kota' anu singkapmo ma'idek anu nu tumuu'imo nu kau' tiba hemput sampe sidu-sidutu'. Tuha' nu mian-Ku anu pinalesayamo anu daagi tutuu' montomangmo mian anu jojoong ikiijo' ka' mongalamo tano' nu aha.”

ZEFANYA 2:9 ပူးပေါင်းရင်းမြစ်များ

YESAYA 11:14

Aha mosa'angu'mo ka' hingga-hinggat montumbuhimo Filistin anu isasu kinsoban ka' mule' lewa'mo mompahuhuakon to bansa-bansa anu isasu kabete'an. Aha mompatundu'mo bansa Edom tiba Moab, ka' mule' bansa Amon ta'alukmo hi aha.

YESAYA 25:10

Nu jagaimo nu Tumpu na Puge'nyo nu Sion, panyo Moab opahampeja'akonmo susumo hat itampat nu duhehe.

YESAYA 49:18

Tonto'i ka' toa titikup atina' hi beleyum, layat nu beleyum sinihukmo ka' tinokamo mae hi beleyum. Aku, Tumpu anu tumuu', Aku notataemo, memang, beleyum sanangmo na kinyonyoa, kalana mian anu jojoong hi beleyum sumomo ahi' panganten boune sanangmo kalana pinakeanmo palahiasan.

YEREMIA 46:18

Aku, Tumpu Allah anu tumuu', Aku tomundo', Tumpu Anu Mahakuasa. Susumo Bungkutnyo nu Tabor natunjomo nokiita' i olot nu to bungku-bungkutnyo, ka' mule' Bungkutnyo nu Karmel natunjomo nokiita' noliu-liumo ambai, sumo aijo'mo na kahosonannyo nu aha anu toka mae montumbuhi beleyum.

YEREMIA 48:1

Sumo uuka na anu pinoto'i nu Tumpu Anu Mahakuasa, Tumpu Allah Israel, apaa na anu jadi saidi' mae hi lipu' nu Moab, “Silakamo na mian anu jojoong i Nebo kota'nyo na'idekmo! Kiryataim pinatundu'mo, ka' benteng anu mahoson aijo' ihansunanmo, sahingga mian anu jojoong kiijo' na ambangmo;

YEREMIA 49:1

Sumo uuka na koo-Nyo nu Tumpu na aha Amon, “Kadaka' tano' nu aha tulunan nu bansa Gad ingalamo ka' jinojoonganmo nu aha to mia-mian anu monsombah Pilogot Milkom?

YEREMIA 49:18

Susumo Sodom tiba Gomora ihansunanmo tiba kampung toto ise-ise' idaerahnyo sumo aijo'mo na Edom. Madi'mo daagi' ko samian na jojoong ikiijo'. Aku, Tumpu, notataemo.

YEREMIA 49:33

Hazor madi'mo ko anu monjojoongi sampe toka sidu-sidutu', ka' baumo tampat paninsulukan nu dedeng nu alas. Madi'mo daagi' ko samiannyo na mian anu jojoong ikiijo' mae. Aku, Tumpu, notataemo.”

YEREMIA 50:40

Susumo Aku nohansunimo Sodom tiba Gomora ka' kampung toto ise-ise' idaerahnyo, sumo aijo'mo na Aku mohansuni Babel. Madi'mo daagi' ko anu jojoong ikiijo' mae. Aku, Tumpu, notataemo.

AMOS 1:13

Tumpu notatae, “Bansa Amon saja'mo nombau dosa' pa' pimpianmo, kalana aijo', Aku tionyo mohukumo aha. Salatan nahampate da mompo ewa da'erahnyo, aha nombeheti'imo kompong nu to bou-boune anu i hempumo kiijo' i Gilead.

AMOS 2:1

Tumpu notatae, “Mian anu jojoong i Moab saja'mo nombau dosa' pa' pimpianmo, kalana aijo' Aku tionyo mohukumo aha. Aha mompopo ambangmo Tomundo nu Edom anu sinilakamo aijo' ka' nongkekemo kubulannyo ka' nongalamo to buku-bukunyo ka' pinapuannyomo tinimbali abu'.

ZEFANYA 2:14

Ikiijo' sampahas na binatang ka' lupa-lupa na binatang saidi mae lewa'mo lumukut ka' milawe. To tomo-tomonsi' mongkoek mimpetamo i kota' aijo' anu na'idekmo ka' lewa'mo umonyi' aijo' mae i tolongan. Tomonsi' papa' saidi' mae lewa'mo umonyi' i tumban nu sabatan. Kau'cemara anu i bangunan iwi-iwi' na kota' aijo' saidi' mae mingkotmo na lewa' o ala nu mian.

ZEFANYA 2:7

Mian anu jojoong i Yehuda anu moko ala mopalai saidi' mae monjojoongimo daerah nu belemiu aijo'. Aha saidi' mae molaya'mo potuu'on itano' aijo' ka' de pihimo aha hoyotmo ilaigan nu aha mian Askelon. Kalana Tumpu, Tumpu nu aha na monjagai aha ka' mule' da aha po ule' sanang na kantumuu'an nu aha.

ZEFANYA 3:13

Aha mian nu Israel anu daagi tuha'nyo madi'mo daagi mombau anu ma'idek maumo pa' hi he; aha madi' modaagi balekos ka' madi'mo lewa' mongakali. Aha mohumpakmo kantumuu'an anu ma'ima' ka' madi'mo daagi mongoa'i mabuhuk maumo pa' hihe.”

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

NOMBILANGMO 14:21

Panyo Aku balajanji' i butong-Ku ka' kalana Aku anu tumuu' ka' mongkuasai dunia aiya,

ROMA 14:11

I uno nu Kitab nu Tumpu tinulismo, “Totu'unyo”, koo-Nyo nu Tumpu, “toto samian tionyo monsombah i ahop-Ku; ka' toto samian tionyo mangaku tukoonyo Akumo na Tumpu Allah.”

PO'ULE' INGULIT 29:22

I mihinyo mae, lee' nu belemiu ka' mian anu lengkat mae i salipu'an majo'on montoamo balaa' haha aijo', kasansala'an-kasansala'an anu nupotoka mae nu Tumpu i lipu' nu belemiu.

PO'ULE' INGULIT 29:23

Ale' miu iwi-iwi' madi'mo ma'omuk ka' nutumuu'imo nu padang ka' tabuhonmo nu belelang ka' timuson. Tano'nyo madi'mo timbali posu'anan ka' hemput madi'mo mongka'oho' tumuu' ikiijo'. Lipu' nu belemiu sumomo to kota-kota nu Sodom ka' Gomora, Adma ka' Zeboim anu ingideanmo nu Tumpu tempo'nyo Ia talalomo hondo notambuha'.