ZEFANYA 2:8 - KITAB NU TUMPU ALLA LELE MA'IMAI'

⁸ Tumpu Anu Daka' na kuasanyo notataemo, “I hongong-Kumo na to bansa-bansa Moab tiba Amon nongalu ka' lewa'mo nongkokojoi mian-Ku anu pinalesayamo.

ZEFANYA 2:8 ပူးပေါင်းရင်းမြစ်များ

KAJADIAN 19:37

Anak anu tumpenyo nohampeakon anak mo'ane anu sinanggohannyo i Moab. Ia tinimbalimo mompolee' nu mian Moab tempo' uuka aiya.

KAJADIAN 19:38

Anak anu ko ohua'nyo nohampeakon anak mo'ane suele anu sinanggohannyo i Ben-Ami. Ia tinimbalimo mompolee' nu bansa Amon tempo' uuka aiya.

YESAYA 15:1

Sumo uuka na potuunon nu Tumpu mongkona aha Moab. Kota' Ar tiba Kir ohansunimo ola oposampahu, ka' lipu' Moab timbalimo liing.

YESAYA 16:6

Bansa Yehuda notataemo, “Ihongomo mami na katabuulan nu bansa Moab. Osumbu' mami na aha talalo ahi' montige-tige ka' mule' talalo buulon. Potatae nu aha ola saja' molabi-labi padahan madi' kokaliangannyo.”

YEREMIA 12:14

Tumpu notatae, “Uuka na potuunon-Ku mongkona negara-negara anu mompaha ohani Israel anu nongideimo lipu' anu binee'-Kumo hi mian anu palesayamo hi belengku aha Israel. Susumo sosu'anon anu ginautakonmo itano' sumo aijo'mo na aha mian anu palabuatannyo ma'idek Ku sabatakonmo da madi'mo jojoong ilipu' nu aha, ka' Yehuda Ku lapasakonmo da madi'mo nu kuasai nu aha.

YEREMIA 48:1

Sumo uuka na anu pinoto'i nu Tumpu Anu Mahakuasa, Tumpu Allah Israel, apaa na anu jadi saidi' mae hi lipu' nu Moab, “Silakamo na mian anu jojoong i Nebo kota'nyo na'idekmo! Kiryataim pinatundu'mo, ka' benteng anu mahoson aijo' ihansunanmo, sahingga mian anu jojoong kiijo' na ambangmo;

YEREMIA 49:1

Sumo uuka na koo-Nyo nu Tumpu na aha Amon, “Kadaka' tano' nu aha tulunan nu bansa Gad ingalamo ka' jinojoonganmo nu aha to mia-mian anu monsombah Pilogot Milkom?

MOHAANGI 3:61

Belento, Tumpu, nohongomo aku ingalu; osumbu' nu Belento iwi-iwi' na tanga'an nu aha.

YEHEZKIEL 21:28

“O, manusia anu madi' tumuu' batu, pongkila-kilamo! Poto'i hi aha mian nu Amon anu sola'mo nongalu mian nu Israel, taalu' Aku, Tumpu Anu Matangkas na Kuasanyo notataemo, ‘Samata na bajak binoitmo sampe jinongkilaban susumo kilat da me kokogia' baumo pompatei.

YEHEZKIEL 25:1

Tumpu notataemo mae hi belengku,

YEHEZKIEL 35:12

Sahingga nu sumbu'je nu belemiu taalu' Akumo ahi' na Tumpu anu nohongomo belemiu nongalu tempo'nyo belemiu notatae: Iwi-iwi na bungkutnyo nu Israel iliingmo hondo ka' binee'mo da baumo kaanonto.

YEHEZKIEL 36:2

‘Salatan to bansa-bansa anu haha aitu mae montumbuhimo mae ka' montololangimo belemiu, saba' aijo' sumo-sumomo aha nompopo'ambangmo Israel. Lame'mo na aha montaloakon, puge'nyo haha aita' anu salatanmo pe'e dunia aiya uuka aiya aha mo na tumpunyo. Mokonyo aijo' o, to bungku-bungkutnyo ka' mule' puge'nyo-puge'nyo, to panga-panga'nyo nu kaunyo tiba bangka'nyo, o, kota-kota' anu ihansunmo ka' anu pinala'ianmo nu miannyo ka' mule' tinololanganmo ka' mule pinopo'ambangmo nu bansa-bansa anu haha aitu mae, soba potombihing mae apaa na anu pinoto'imo nu Tumpu Anu Matangkas na Kuasanyo hi beleyum: I uno nu tambuha'-Ku anu taha-tahahumo aiya Ku pisala'imo hondo na bansa-bansa anu haha aitu mae hi belemiu, lebe-lebe Edom, kalana aha sinanangmo na mompopo'ambang ka' nongalamo ka' mule' nongalamo tano'-Ku ka' nongagoimo iwi-iwi na padang anu ko hemputnyo. Uuka aiya Aku motambuha'mo ka' mule' mongamu'mo kalana bansa haha aijo' talalomo ahi' na nompopo'ambang ka' madi'mo nompajuli belemiu.

AMOS 1:13

Tumpu notatae, “Bansa Amon saja'mo nombau dosa' pa' pimpianmo, kalana aijo', Aku tionyo mohukumo aha. Salatan nahampate da mompo ewa da'erahnyo, aha nombeheti'imo kompong nu to bou-boune anu i hempumo kiijo' i Gilead.

AMOS 2:1

Tumpu notatae, “Mian anu jojoong i Moab saja'mo nombau dosa' pa' pimpianmo, kalana aijo' Aku tionyo mohukumo aha. Aha mompopo ambangmo Tomundo nu Edom anu sinilakamo aijo' ka' nongkekemo kubulannyo ka' nongalamo to buku-bukunyo ka' pinapuannyomo tinimbali abu'.

ZEFANYA 2:10

Sumo aijo' na mian anu jojoong ikiijo' i Moab tiba kiijo' i Amon saidi' mae ohukumo kalana katakabuulan nu aha ka' mule' kalana aha nongalumo mian anu pinalesayamo hi Tumpu Anu Daka' na kuasanyo.

YOSUA 5:9

Tumpu notataemo hi Yosua, “Sinaa aiya ka'ambangan nu belemiu salaku to posa-posaihon kiijo' mae i Mesir ingalinakon-Kumo.” Mokonyo aijo' sinanggohanmo Gilgal na tampat aijo' sampe sinaa aiya.