ZEFANYA 2:7 - KITAB NU TUMPU ALLA LELE MA'IMAI'

⁷ Mian anu jojoong i Yehuda anu moko ala mopalai saidi' mae monjojoongimo daerah nu belemiu aijo'. Aha saidi' mae molaya'mo potuu'on itano' aijo' ka' de pihimo aha hoyotmo ilaigan nu aha mian Askelon. Kalana Tumpu, Tumpu nu aha na monjagai aha ka' mule' da aha po ule' sanang na kantumuu'an nu aha.

ZEFANYA 2:7 ပူးပေါင်းရင်းမြစ်များ

KAJADIAN 50:24

Ia notatae hi to utu-utusnyo, “Ukunku malia'mo, panyo Tumpu Allah saja' monjagai belemiu, molaya' belemiu mosabat lengkat i lipu' aiya, mamba i lipu' anu jinanji'-Nyomo hi Abraham ka' sinumpa'mo sampe-sampe hi Ishak ka' hi Yakub.”

MAZMUR 80:14

Bau' nu kuhat lewa'mo mombangkedi sampe nahutakmo, ka' kinaanmo nu binatang anu jojoong i tampat padang na lewa' mongkaan.

MAZMUR 85:1

Anu mongkapalai panyanyi. Mazmur nu aha sa'anakan i Korah.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 11:14

Aha mosa'angu'mo ka' hingga-hinggat montumbuhimo Filistin anu isasu kinsoban ka' mule' lewa'mo mompahuhuakon to bansa-bansa anu isasu kabete'an. Aha mompatundu'mo bansa Edom tiba Moab, ka' mule' bansa Amon ta'alukmo hi aha.

YESAYA 11:16

Kona hi aha mian anu palesayamo hi Ia dadaagi' tinasisa mae tabuka'mo na jalan daka' da posabatan mae lengkat i Asyur, susumo aha Israel nosabatmo mae lengkat i Mesir.

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

YESAYA 32:14

Ka' mule' laigan nu tomundo' saidi' mae opala'imo ka' ikota' anu lame' timbalimo liing hondo. Puge'nyo tiba laigan toto tangka-tangkas tampat pontanggalakonan sampobali opohatamo susumo tano' sampe toka sidu-sidutu'. Keledai anu toto ela-ela' tiba domba saidi' mae sumolinsapmo ikiijo' ka' mongototmo hemput ikiijo.

YEREMIA 23:3

Panyo tuha' nu mian anu palesayamo hi beleng-Ku po ule'mo Ku posihuk lengkat mae ilipu-lipu' anu pinomboan-Ku aha. Aha po ule'mo Ku sule'akon itano' kinahampean nu aha ka' lee' nu aha mompaka panjoo'mo.

YEREMIA 29:10

Tumpu notatae, ‘De sampa'mo pitumpulu' na taun na kopinnyo na tempo' nu aha Babel mongala kasampatan, Aku po ule'mo mompalahatikan belemiu ka' Ku ganapimo na palajanjian-Ku po ule'mo momboa belemiu mo uuka mae itampat aiya.

YEREMIA 29:14

Memang totu'u ohumpakmo nu belemiu na Aku. Belemiu Ku posihukmo lengkat mae hi iwi-iwi' na bansa ka' lengkat mae hi iwi-iwi' na lipu' tampat belemiu gina'a-ga'atakonmo ka' binoa. Belemiu po ule'mo Ku sule'akon mae ilipu' pinolengkatan nu belemiu aiya ka' mule' po ule'mo Ku bee' na kantumuu'an nu belemiu anu nai puan mae. Aku, Tumpu notataemo.’

YEREMIA 3:18

Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

YEREMIA 30:3

Kalana tokaje mae na tempo'nyo po ule'mo Ku poko ima'i na kantumuu'an nu mian anu palesayamo hi beleng-Ku, Israel tiba Yehuda. Po ule'mo Ku boa na aha ilipu' anu binee'-Kumo hi mompolee' nu aha. Lipu' aijo' po ule' nu ala nu aha.”

YEREMIA 31:7

Tumpu notatae, “Onyanyiakon lame-lame' na aha Israel, mian anu palesayamo hi beleng-Ku bansa anu penting hondo nulingkudui na bansa sangga'at. Nyanyiakon na nyanyian bau pompuji' ka' bebakonmo; ‘Tumpu nomposalamatmo mian anu palesayamo hi Ia anu dadaagi' tinontuha'.’

YEREMIA 32:44

sulat anu salaku tanda ingolimo otandatanganimo ka' osegenmo ka' opohosonmo nu to sakisi-sakisi. Aijo' jadimo saidi' mae i daerah nu aha Benyamin, ikampung-kampung toto ise-ise' anu ohani tiba Yerusalem, i kota-kota' Yehuda, i kota-kota' daerah anu aita' mae ibungkutnyo, i daerah tengke nu bungkutnyo, tiba i Yehuda anu isasu salatan. Bansa aiya po ule'mo Ku pojadi susumo momonanyo mae na ka ada'annyo ma'ima' ahi' ilipu' aiya. Aku, Tumpu notataemo.”

YEREMIA 33:12

Tumpu Anu Mahakuasa notataemo, “Lipu' tiba kota-kota'nyo anu sumomo padang tampat anu mateges aiya madi'mo nu jojoongi nu manusia kabai binatang. Panyo maumo ahi' sumo aijo, saidi' mae imihinyo po ule'mo nu tumuu'i nu hemput padang ka' polaya'anmo nu mian dombanyo.

YEREMIA 33:7

Yehuda tiba Israel po ule'mo mohumpak kamajuan susumo naipuan mae ka' aha po ule'mo tuminjo salaku mian anu palesayamo hi Belengku.

YEREMIA 47:5

Aha mian nu Gaza tinokanmo nu kasusa'an anu daka' hondo; mian anu jojoong i Askelon nomohokotmo. Sampe toka hipian na kopinnyo na aha mian nu Filistin anu daagi' tinontuha' me saja' susa' na kinyonyoanyo?

YEHEZKIEL 39:25

Tumpu Anu Matangkas na Kuasanyo notatae, “Panyo uuka aiya po ule'mo Ku kalibosi na aha mian nu Israel lee' i Yakub ka' po ule'mo Ku pokopiani na kantumuu'an nu aha. Tiba jalan anu sumo aijo' na Aku monjagai da sanggong-Ku tataap oholomati.

HOSEA 6:11

Mongkona belemiu, o mian nu Yehuda pinotataap-Kumo na tempo'nyo mohukum belemiu, kalana suele kalakuan nu belemiu.”

OBAJA 1:19

To mia-mian nu aha Yehuda anu sasu Salatan, nonjojoongimo Edom. To mia-mian anu lengkat mae i bungkutnyo anu i sasu kinsoban nompatundu'mo da'erah Filistin. Tulunan nu bansa Benyamin saidi mae monjojoongimo Gilead, ka' mule' Israel mian-Ku anu pinalesayamo saidi' mae mongkuasaimo songko-songko na Efraim tiba Samaria.

MIKHA 2:12

Tumpu notatae mule, “O, mian nu Israel anu daagi' tinontuha'! Belemiu Ku posihukmo ka' mule' Ku posa'angu'mo susumo domba anu ninsusule'mo mae i pangkunnyo. Susumo hemput padang anu kahomo domba, sumo aitumo na lipu' nu belemiu mompaka da'isanmo na miannyo.

MIKHA 4:10

O, mian anu jojoong i Yerusalem, uminyohatmo ka' tolo odosmo susumo boune anu kahanda'mo mongaanak! Kalana uuka aiya belemiu tionyo ahi' mompala'imo kota' ka' jojoongmo i padang. Belemiu memang ahi' mambamo i Babel, panyo ikiijo' mae Tumpu molapasakonmo belemiu da madi'mo nu pahampateakon nu mian anu monsampobali' belemiu.

MIKHA 4:7

Aha ilepo'anmo ka' najo'onmo i kampung nu aha. Panyo kona hi aha mian anu tinontuha' aijo' Ku tampu'unimo na mompojadi sa'angu' na tulunan mule'. Aha saidi' mae timbalimo sa' angu' na bansa anu daka' ka' mahoson. Ku palentahje na aha lengkat mae aita'i Sion sampe toka sidu-sidutu'.”

ZEFANYA 2:9

Kalana Aku anu tumuu', Tumpu nu bansa Israel, Kusapuimo iwi-iwi' na Moab tiba Amon susumo Sodom ka' Gomora. Lipu' haha aijo' mobuke'mo nu bubung anu kaho timusonnyo, kota' anu singkapmo ma'idek anu nu tumuu'imo nu kau' tiba hemput sampe sidu-sidutu'. Tuha' nu mian-Ku anu pinalesayamo anu daagi tutuu' montomangmo mian anu jojoong ikiijo' ka' mongalamo tano' nu aha.”

ZEFANYA 3:13

Aha mian nu Israel anu daagi tuha'nyo madi'mo daagi mombau anu ma'idek maumo pa' hi he; aha madi' modaagi balekos ka' madi'mo lewa' mongakali. Aha mohumpakmo kantumuu'an anu ma'ima' ka' madi'mo daagi mongoa'i mabuhuk maumo pa' hihe.”

ZEFANYA 3:20

Tokaje mae na tempo'nyo anu jojoong i kota' atina' nono ga'a-ga'atmo po ule'mo Ku boa mae minsusule'. Belemiu Ku potalasanggomo i songko-songko na dunia aiya, Kabilahian nu belemiu i uno nu kantumuu'an po ule'mo Ku bee'.” Tumpu notataemo. 1

HAGAI 1:12

Lapas aijo' i Zerubabel tiba Yosua ka' iwi-iwi' na mian Israel anu ninsusule'mo mae lengkat itampat pinomboan ka' pinompojoongan kiijo' mae i Babel nontulutimo potatae i Hagai posaihon nu Tumpu aijo'. Aha nombaumo apaa na anu pinalentahkonmo nu Tumpu hi aha kalana nabuhukmo hi Tumpu.

HAGAI 2:2

Tumpu nonsaimo i Hagai da mompoto'i hi Gubernur i Zerubabel, i Imam Daka' Yosua ka' hi mian da'isan da opoto'i na potuunon sumo uuka,

LUKAS 1:68

“Imbo' da kita mompuji' Tumpu, Tumpu mian nu Israel! Ia tinokamo montulungi mian anu palesayamo hi Ia ka' mompobebas aha.

LUKAS 7:16

Iwi-iwi' na mian nabuhukmo ka' nontampu'uni nompuji' Tumpu Allah. Koonyo nu aha, “Samian na nabi daka' tinokamo i totonga'to! Tumpu tinokamo da momposalamat miannyo anu palesayamo!”

SISIKON NU TO RASUL-RASUL 8:26

Samian na Malaikat nu Tumpu notatae hi Filipus, “Donganmo mamba! Lako'mo mokiijo' i sasu Selatan i jalan anu lengkat mae i Yerusalem mokiijo' i Gaza.” Jalan aijo' liing.

SISIKON NU TO RASUL-RASUL 8:40

Padahan i Filipus noko kiijo'mo i Asdod. Ka' salatan ia nolausakonmo lumambanannyo, ia mompolelemo Lele Ma'ima' mongkona i Yesus i songko-songko na kota sampe tinoka i Kaisarea.

ROMA 11:5

Sumo aitu mule' tempo' uuka aiya: Daagi' ko to mia-mian sangkiding anu pinile'anmo nu Tumpu, kalana balakat-Nyo.

I RUT 1:6

Madi' pinin lapas aijo' i Na'omi nohongomo lele tukoonyo nu aha Tumpu nombalakatimo aha mian nu Israel, isi nu ale' nu aha sinidamo. Kalana aijo' i Na'omi tiba ua'aha na moniannyo nogogaumo kahanda' mambamo mompala'imo Moab.