ZEFANYA 2:2 - KITAB NU TUMPU ALLA LELE MA'IMAI'

² da ma'isa pe'e belemiu magayou ka' manggas susum bunga-bunga! Sinsumbu'mo da ma'isa pe'e toka na sinaa potambuha'an nu Tumpu anu ko suhu-suhutmo aijo'.

ZEFANYA 2:2 ပူးပေါင်းရင်းမြစ်များ

AYUB 21:18

Te toho' aha susumo hat ka' abu' anu nutilahabakonmo nu antong ka' mombun anu motulu?

MAZMUR 1:4

Panyo mule' miana nu ma'idek na kinyonyoanyo: ia sumomo ota' motimpuhamo nu puhi nu mombun.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 50:22

Soba palahatikan, belemiu anu mongkolilimi Tumpu; bala ingati mae dumo belemiu Ku silakai, ka' madi' ko anu momposalamat.

YESAYA 17:13

Aha nolambanimo mae sumomo ahi' iaba' anu okabuhuk. Panyo Tumpu nompahatakutmo aha, lantas aha nopalaimo sampe najo'onmo. Aha iloloi'mo sumomo ahi' ota' i, ampinyo nu bungkutnyo anu ilahabakonmo nu tombusisi'.

YEREMIA 23:20

Tambuha'-Nyo madi' momohokot de ma'isa pe'e iwi-iwi' jadi na anu tinanga'an-Nyomo. Saidi' mae imihinyo mian anu palesayamo hi Tumpu mangalati'je totu-totu'u han aijo'.”

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 12:25

Aku Tumpu Anu Matangkas na Kuasanyo motataemo hi bansang Israel, ka' iwi-iwi' na anu Ku taloakon tionyo ahi' jadimo, mad'mo daagi' mongabali'. Potombihing mae o, belemiu mian anu sola' motomuhuk! Tempo'nyo beleyum daagi' tutuu' Ku baumo na iwi-iwi' anu pinoto'ing-Kumo hi beleyum. Aku, Tumpu Anu Matangkas na Kuasanyo notataemo.”

HOSEA 13:3

Kalana aijo' mian haha aijo' ihopu'anmo susumo sehu' kabai susumo dondu'ok daagi subu-subu. Aha saidi' mae sumomo abu' nu tangke nu gandum anu nu puuhimo nu mombun aijo' itampat pongututan gandum ka' mule' sumomo tibuk anu mosabat mae ipipa nu tibuk.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

ZEFANYA 3:8

Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”