ZEFANYA 2:15 - KITAB NU TUMPU ALLA LELE MA'IMAI'

¹⁵ Sumo aijo' na anu jadi saidi' mae i kota' aijo' anu talalomo hondo lame' ka' mongoa'i butongnyo madi' ko anu mompoposia. Mian anu jojoong ikiijo' monsangka au' aitu kota' nu aha aijo' kota'mo anu talalo hondo daka' i dunia aiya! Liingmo hondo na daerah aijo' madi'mo ko miannyo anu monjojoongi me to bina-binatang nu alas na mimpeta ikiijo'! Batu-batu mian anu motulu ikota' aijo' tolokengkeng ka' mongoaimo mabuhuk.

ZEFANYA 2:15 ပူးပေါင်းရင်းမြစ်များ

AYUB 16:4

De bisuannyo belemiu aiya aku, ka' aku aiya na belemiu, aku suele timbalimo motatae sumo belemiu atina'. Mingiaba'mo na potataengku moitina' hi belemiu; ubaku ku lilo-lilokakonmo.

AYUB 27:23

Ia nohumpakmo balaa' ola mian nohapa'i lima; iyaya mae na tampat ola saja' mongalu ia.”

YESAYA 22:2

Madi' pantas na iwi-iwi' na kota' sola' mombau bau-bauon ka' lewa' montaligalai. Kalana iwi-iwi' na suludadu nu belemiu anu sinilaka aiya misa' sinilaka kalana nahampate.

YESAYA 32:11

Sampe tempo uuka aiya kantumuu'an nu belemiu sanang madi'mo nolasai kasusa'an. Panyo uuka aiya nu lakatmo kalana mabuhukmo! Ukatakon na baju' nu belemiu ka' posasa' na hude kalung ikompong nu belemiu.

YESAYA 32:14

Ka' mule' laigan nu tomundo' saidi' mae opala'imo ka' ikota' anu lame' timbalimo liing hondo. Puge'nyo tiba laigan toto tangka-tangkas tampat pontanggalakonan sampobali opohatamo susumo tano' sampe toka sidu-sidutu'. Keledai anu toto ela-ela' tiba domba saidi' mae sumolinsapmo ikiijo' ka' mongototmo hemput ikiijo.

YESAYA 32:9

Potombihing mae o, belemiu to bou-boune anu tumuu' sanang, madi' mongoa'i kasusa'an!

YESAYA 47:10

Nu oa'i nu beleyum madi' ko anu mompoposia na beleyum mombau anu ma'idek, nu tutugi na palabuatan nu beleyum madi' opotomatakon. Beleyum sinala'mo na binapikin kalana sinaduakonmo nu kapandean tiba ilimu' nu beleyum, nu sangka nu beleyum madi'mo ko anu pokakana susumo beleyum.

YEREMIA 18:16

Lipu' aiya pinotimbalimo nu aha tampat anu okabuhuk hondo ka' saja'mo timbali bau sisik anu okokojoi. Iwi-iwi' na anu motulu ikiijo' mahalilokanmo ubak kalana mabuhukmo.

YEREMIA 19:8

Ku potudunmo hi aha na balaa' anu opalias hondo ikota' aiya sahingga batu-batu mian anu motulu ikiijo' tolokengkengmo ka' mabuhukmo.

YEREMIA 50:13

Kalana Aku notambuha'mo sahingga Babel timbalimo tampat anu nohobo'-hobo'mo ka' madi'mo daagi' ko anu monjojoongi. Iwi-iwi' na mian anu motulu ikiijo' tolokengkengmo ka' mule' mabuhukmo.

MOHAANGI 1:1

Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

MOHAANGI 2:1

Tumpu nongalamo sa'angu' na kaputusan i uno nu kapusan-Nyo, Sion kinuluban-Nyomo nu pikat hondomi'. Katalasanggoan nu Israel anu talalomo natangkas toka-tokamo i langit ingalin-Nyomo i dunia. Salatan Tumpu pinusamo laigan-Nyo pe'e kiita i Sion madi'mo ilinga-linga-Nyo.

MOHAANGI 2:15

Iwi-iwi' na anu motulu mongalu beleyum, kalana ihansunmo songko-songko na beleyum Aha naha lilokanmo ka' notatae, “Te aijo'mo na kota' anu talalo hondo ma'ima' kota'anu nunu buulakon nu dunia?”

YEHEZKIEL 27:36

Beleyum madi'mo otoa sampe toka sidu-sidutu'. To mia-mian anu badagang isongko-songko na dunia tinolokengkengmo kalana nabuhukmo dumo saidi' mae molasaimo susumo aijo'.”

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 28:9

Jadi de tokamo na tempo'nyo aijo' daagi' moko ala na beleyum montaloakon tukooyum beleyum Tumpu? I ahop nu aha anu nompateimo beleyum atina'je ka' nyata' taalu' beleyum ola ahi' manusia biasa.

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

DANIEL 4:27

Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

NAHUM 3:19

Bela nu beleyum madi'mo opoko ala opakuli'i ka' mule' madi'mo opoko ala da opa'alinakon. Iwi-iwi' na mian anu nohongomo lele kinahansunan nu beleyum nohapa'imo lima salaku tanda ilame'mo. Kalana iwi-iwi' na mian nongoa'imo kasansala'an kalana palabuatan nu beleyum anu ma'i-ma'idek atina' anu madi'mo kokamingkotannyo.

HABAKUK 1:7

Iyaya mae aha mompopo buhukmo; Aha takabun hondo madi' montalima iwi-iwi' na atulan, kasuali anu sosok tiba pongka'oho' nu aha.

MATIUS 27:39

To mia-mian anu notulu i kiijo' kinolilo-lilok na ubak ka' nongambangi i Yesus.