ZEFANYA 2:13 - KITAB NU TUMPU ALLA LELE MA'IMAI'

¹³ Lapas aijo' Tumpu monggunakonmo kuasa-Nyo da mohansunimo Asyur. Kota' nu Ninewe opotimbalimo da liingmo hondo ka' timbalimo tano' anu mateges.

ZEFANYA 2:13 ပူးပေါင်းရင်းမြစ်များ

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 10:16

Kalana aha mian nu Ayur nombuulakonmo butong nu aha, sahingga Tumpu Anu Daka' na Kuasanyo mompotokamo mae panyakit anu molele da bau pohukum to sulu-suludadu anu toto tangka-tangkas na pangkatnyo ka' mule' toto hoso-hoson. Aha molasaimo pipin sakit nusihabi anu taha-tahahumo pokakanamo susumo apu anu madi'mo kokamingkotannyo na montoyo'i.

YESAYA 10:5

Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 14:26

Sumo uuka na tanga'an-Ku anu obau i dunia, botokon-Ku tangka-tangkamo kahanda' mohukumo bansa-bansa.”

YESAYA 37:37

Sahingga tinolosule'mo na i Sanherib, tomundo' nu aha Asyur ka' ninsusule'mo ka' ninsusule'mo i Niniwe.

YEREMIA 49:33

Hazor madi'mo ko anu monjojoongi sampe toka sidu-sidutu', ka' baumo tampat paninsulukan nu dedeng nu alas. Madi'mo daagi' ko samiannyo na mian anu jojoong ikiijo' mae. Aku, Tumpu, notataemo.”

YUNUS 1:2

Koonyo nu Tumpu, “Lako mamba i Ninewe kota' anu daka aijo', ka' otambuha'i kalana Kusumbu' mian anu jojoong ikiijo' talalomo hondo na'idek.”

YUNUS 3:2

Ia notatae, “Lako'mo mamba i Ninewe, i kota' anu daka' aijo' ka' potokakon hi miannyo na potuunon-Ku anu Kupoto'i beleyum aiya.”

MIKHA 5:6

Aha mian nu Israel anu daagi' tinontuha' timbalimo susumo dondu'ok ka' loop hondo anu lengkat mae hi Tumpu da bau bagi nu to bansa-bansa ka' mule' susumo ujan tudunmo mongujani sosu'anon. Aha palesaya memo ahi' hi Tumpu ka' misa'mo hi manusia.

NAHUM 1:1

Sumo uuka na potuunon nu Tumpu mongkona aha Ninewe. Potuunon aijo' pinonyata ihan anu pinotoa hi Nahum samian na nabi anu nolengkat mae i Elkos.

NAHUM 3:15

Maumo pa'apaa na anu nu bau ola palasuma kalana beleyum totu-totu'u mohopu'mo mopapu kabai silaka i uno nu pahampatean. Beleyum mohopu'mo susumo hasin nu ale' anu nu kaanmo nu kihi-kihi'. Beleyum mompaka panjoo'mo susumo kihi-kihi'!

NAHUM 3:7

Anu montoa beleyum matikojo'onmo ka' motatae, ‘Ninewe imadi'anmo! Anu na'idekmo hondo! Ihe na suele susa'mo na kinyonyoanyo sama-sama tiba ia? Madi' ko anu mongka'oho' toka mae mongindeko ia.’ ”

ZEFANYA 1:4

Kuhukumo na mian anu jojoong i Yerusalem ka' anu i songko-songko na Yehuda. Tuha' nu anu lewa' bau ponsomban Baal Ku hansunimo na anu i tampat-tampat haha aijo'. To mia-mian anu lewa' mombau ada-adat nu Baal okolilimimo madi'mo daagi o'inau'.