ZEFANYA 2:11 - KITAB NU TUMPU ALLA LELE MA'IMAI'

¹¹ Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.

ZEFANYA 2:11 ပူးပေါင်းရင်းမြစ်များ

KAJADIAN 10:5

Aha mompolee' nu to bansa-bansa anu jojoong i biwi nu ambai ka' i to togo-togong. Aijo'mo iwi-iwi' na lee' i Yafet. Batu-batu bansa ka' tulunan nu bansa jojoong i posi-posi lipu'nyo ka' ko posi basa'nyo.

MAZMUR 138:4

Iwi-iwi' na tomundo' i dunia aiya mompuji'mo Belento, O, Tumpu, kalana aha nohongomo anu jinanji'mo nu Belento.

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

YESAYA 2:18

To pilo-pilogot imadi'anmo ingko-ingkot.

YESAYA 42:10

Nyanyiakonmo hi Tumpu na nyanyian anu salaje' ingajan, puji'mo na Ia, o, belemiu songko-songko na dunia! Pombuhokmo mae o, ndalangon ka' iwi-iwi' na anu jojoong i unonyo, lipu' anu toto jo'o-jo'on ka' iwi-iwi' na anu monjojoongi!

YESAYA 42:4

madi' bimbang kabai hentemo na kinyonyoa, sahingga ka adilan otoongimo i dunia aiya. Lipu' anu toto jo'o-jo'on mongindimo pangajalannyo.”

YESAYA 49:1

Potombihing mae na aku, o, lipu' anu toto jo'o-jo'on opalahatikan na potataengku. Tumpu nolagamo aku ma'isa pe'e aku pinohampe, Ia nompile'imo aku daagi' pe'e i uno nu ma'alum.

YEREMIA 10:11

Belemiu o manusia tionyo ahi' mompoto'i hi aha taalu' to pilo-pilogot anu madi' nompotimbali langit tiba tano' aijo' opateimo. Aha madi'mo daagi' tumuu' itano' aiya.)

YEREMIA 46:25

Tumpu Anu Mahakuasa, Tumpu Allah Israel, nompoto'imo, “Aku mohukumo Amon, pilogot lengkat mae i Tebe, tiba iwi-iwi' na Mesir ka' mule' to pilo-pilogot tiba to tomu-tomundo'nyo. Tomundo' nu aha Mesir tiba aha iwi-iwi' na mian anu nontakabunakonmo ia

DANIEL 11:18

Lapas aijo' ia montumbuhimo to bansa-bansa anu isonibi nu ambai ka' manjoo' na anu nupatundu'mo. Panyo samian na polaya' anu lengkat mae isalipu'an na mompobelenti kalakuan lewa' mompopoambang bibinaunyomo aijo', ka' mule' mombalosakonmo kalakuan lewa-lewa' mompopo ambang aijo' hi ia.

HOSEA 2:17

Aku madi'mo daagi' mompobee' ia molaga sanggo nu Baal sahingga mian mongkolilimimo sanggo aijo'.

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

ZEFANYA 1:4

Kuhukumo na mian anu jojoong i Yerusalem ka' anu i songko-songko na Yehuda. Tuha' nu anu lewa' bau ponsomban Baal Ku hansunimo na anu i tampat-tampat haha aijo'. To mia-mian anu lewa' mombau ada-adat nu Baal okolilimimo madi'mo daagi o'inau'.

ZEFANYA 3:9

Panyo lapas aijo' Ku bali'imo na kinyonyoa nu bansa haha aijo' sahingga aha balado'a memo hi beleng-Ku ka' misa'mo hi to pilo-pilogot sangga'at. Bansa haha aijo' iwi-iwi' montulutimo Aku.

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

ZAKHARIA 2:11

Tempo'nyo aijo' manjoo'mo na bansa anu tokamo mae hi Tumpu da timbalimo mian anu palesayamo hi Ia. Ia jojoongmo atina' hi belemiu ka' mule' osumbu'je nu belemiu talu' Tumpu nompalentahmo mae aku da toka hi belemiu.

ZAKHARIA 8:20

Tumpu Anu Daka' na Kuasanyo notataemo, “Tempo'nyo tokamo mae, manjoo' na mian anu jojoong ito kota-kota' tokamo mae i Yerusalem.

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

PO'ULE' INGULIT 32:38

Aha mongkaan lompo'nyo nu binatang anu sinombahkonmo nu belemiu, ka' monginum anggur anu kinolobanakonmo nu belemiu, Pokau na aha da toka mae montulungi belemiu, da ahaje na timbali montulungi belemiu.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”