ZEFANYA 2:1 - KITAB NU TUMPU ALLA LELE MA'IMAI'

¹ O bansa anu madi' monsumbu' ma'ambang, sinsumbu'mo,

ZEFANYA 2:1 ပူးပေါင်းရင်းမြစ်များ

2 TAWARIKH 20:4

Toto sa'angu' na kota i da'erah Yehuda, miannyo nambamo i kota Yerusalem momoita tulung hi Tumpu.

NEHEMIA 8:1

I bitu'on anu kinopopitu'nyomo mian nu Israel tinataapmo na jinojoong i kota' nu aha toto samian. I tanggan sa'angu' bitu'onmo ai-aijo' aha iwi-iwi' sinihukmo i Yerusalem, i popasan, i ahop nu Sabatan Daka' Uee. Aha nompoitamo da Kitab Atulan, nu alamae i Imam Ezra, mian anu pande hondo i Atulan anu binee'mo nu Tumpu hi Musa da opake hi aha mian nu Israel.

NEHEMIA 9:1

Itanggan kino uampulu'nyomo ka' opat bitu'onmo ai-aijo' mian da'isan nu aha Israel sinihukmo. Aha binapuasa'mo salaku tanda aha nompele-pele'mo i dosa' nu aha. Aha madi'mo naninggalo' tiba to mia-mian sangga'at anu isalipu'an mae. Salaku bau pontoan taalu' aha sinusa'mo, aha nompusokmo kalung ka' nongkakambuhakonmo abu' nu tano' aita' i ubak nu aha. Lapas aijo' aha tinuminjomo ka' nongakuimo dosa' nu aha iwi-iwi' tiba dosa' nu mompolee' nu aha.

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YEREMIA 6:15

Sabenannyo aha ma ambangmo ahi' kalana nombaumo iwi-iwi' anu moko ambang aijo'. Panyo kinabanmo na ohup nu aha ka' madi'mo nonsumbu' ambang. Kalana aijo' aha ohukumo susumo mian sangga'at; sisikon nu aha mingkotmo de Ku hukumo na aha. Aku, Tumpu, notataemo.”

YOËL 1:14

Palentah na mian nu belemiu da bapuasa'mo, bebakonmo na tempo'nyo nu kasihukan nu mian iwi-iwi'. Laga mae na to pola-polaya' ka' to tu'a-tu'anyo ka' iwi-iwi' na mian anu jojoong i Yehuda, da toka mae i Laigan nu Tumpu da momoita tulung hi Ia.

ZEFANYA 3:5

Panyo Tumpu daagi kiijo' i kota' aijo'; Ia saja' mombau anu mingkona ka' madi' toho' sala'. De subu-subumo Ia mombee'imo ka'adilan hi mian-Nyo anu pinalesayamo. Panyo mian anu madi' monsumbu' ka'adilan i kota' aijo' tataap mombau anu ma'idek madi'mo monsumbu' ambang.

ZAKHARIA 11:8

Aha totolu na topolaya' potuu'on nongka'idekimo mae aku, sahingga madi'mo kinokasabalanku. Ola sina'angu' na bitu'on aha ilaa'kumo.

MATIUS 18:20

Kalana iya na mian ua'aha kabai totolu' na mogombu kalana Aku, Aku toka i totonga' nu aha.”