ZEFANYA 1:7 - KITAB NU TUMPU ALLA LELE MA'IMAI'

⁷ Sinaa nu Tumpu ohanimo mae toka, isinaa aijo' Tumpu nongalamo sa'angu' na katantuan; kalana aijo' bolimo daagi momoya mompala'i Ia. Tumpu hau-haunyomo mosadia monsilakaimo mian-Nyo anu pinalesayamo susumo koloban anu osombahkon ka' Ia nolagamo to sampo-sampo bali' nu aha Yehuda.

ZEFANYA 1:7 ပူးပေါင်းရင်းမြစ်များ

AYUB 24:1

Kadaka' Tumpu Allah madi' nompotantu sinaa anu katokaannyo mae momputusi palakala, da to mia-mian anu monsumbu'mo Ia mohumpak kaputusan anu adin?

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

YESAYA 13:3

Tumpu nolagamo to sulu-suludadu anu pinile'an-Nyomo. Aha to babaani, madi' baleko' ka' mule' timbali Nu taha'imani. Tumpu nombee'imo pakalaja'an hi aha da mohukumo aha mian anu tinambuha'an-Nyomo.

YESAYA 13:6

Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 29:2

Panyo nu potokamo mae nu Tumpu na balaa' hi kota' aijo' sahingga mian molokihismo ka' mompele-pele'mo. Songko-songko na kota' aijo' sumomo ahi' mezbah anu kahomo baso'.

YESAYA 34:5

Tumpu nomposadiamo bajak-Nyo kiita' isuluga', ka' uuka aiya bajak aijo' montuda'mo bansa Edom anu binee'anmo hukuman ka' osilakaimo.

YESAYA 34:6

Bajak nu Tumpu aijo' nu kampuhimo nu baso' ka' kahomo lompo' nu aha, sumomo ahi' baso' tiba lompo' nu binatang anu kinolobanakonmo. Kalana Tumpu nomposadiamo koloban i Bozra ka' nompahangkolotakonmo manjoo' hondo itano' nu Edom.

YESAYA 6:5

Lantas aku notataemo, “Silakamo! Madi'mo daagi ko anu ku taha'imani kalana nganga'ku nahenyumo nu dosa' ka' aku jojoong hi aha bansa anu suele susumo aijo'mo. Maumo sumo aijo' posi matangkumo na nontoa Tomundo', aijo'mo Tumpu Anu Daka' na Kuasanyo!”

YEREMIA 46:10

Panyo aku, i Yeremia mompoto'i saba' aiyamo na sinaa nu Tumpu Allah Anu Matangkas na Kuasanyo ka' Mahakuasa; toka isinaa aijo' Ia mombalosakonmo hi aha iwi-iwi' na sampobali'-Nyo. Bajak-Nyo mongkaanmo aha sampe mobosu, ka' monginumo baso' nu aha sampe ma'osa. Sinaa uuka Tumpu Anu Mahakuasa, mongkolot iwi-iwi' na koloban-Nyo isasu utara, isonibi nu Kaunyo Efrat aijo'.

YEHEZKIEL 7:10

Sinaa katokaan mae nu balaa' bansa Israel tinokamo. Kasinggian nu mompalentah jadimo iyaya mae. Kasombongan nu mian mompaka jadimo.

YEHEZKIEL 7:7

Iwi-iwi' sinampemo na tempo'nyo hi beleyum, o, bansa anu jojoong itano' aiya. Uuka aiya madi'mo daagi' sola' mombau bau-bauon itampat-tampat mezbah anu aita' mae i bungkutnyo, anu daagi' memo ahi' pahampatean.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

AMOS 6:10

Samian na anu i laigan anu mokalaja mongatun kubulannyo, tokamo mae momboa mayat nu sangalunyo. Ia noloboo'imo mian aitu mae i sasu padut nu laigan aijo', “Pa' daagi' ko anu tinumuu' sambiha'nyo na beleyum?” Saba' o hongomo na pontaami mae “Madi'mo!” Samian na anu i laigan anu mokalaja molamun mayat notatae, “Bolimo daagi' motatae! Kita bolimo monsanggo, sanggo nu Tumpu.”

AMOS 8:3

I sinaa aijo' iwi-iwi na nyanyian i laigan nu tomundo tinimbalimo haang. Iyaya mae nososalonganmo na to maya-mayat anu ingalinmo madi' kino hengge-hengge'.”

HABAKUK 2:20

Tumpu kiijo' i uno nu Laigan-Nyo anu susi'; tionyo ahi' iwi-iwi' na mian i dunia aiya boli manjoo' na katalangan i ahop-Nyo.

ZEFANYA 1:14

Sinaa pomputusianmo nu Tumpu malia'mo mae toka ya malia'mo mae, ka' memang malia'mo mae toka. Sinaa aijo' manjoo' hondo na kasansala'an sahingga to sulu-suludadu anu talalo hondo baani maha loboo'anmo kalana madi'mo ko anu otaha'imani!

ZAKHARIA 14:1

I sinaa anu pomputusianmo nu Tumpu malia'mo toka. Sahingga Yerusalem otololangimo ka' to bala-balangnyo otoamo nu belemiu na obagi-bagi i ahop nu belemiu.

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MATIUS 22:4

Lapas aijo', tomundo aijo' nonsai mule' to poka-pokauhonnyo sangga'at. Pinoto'inyo hi aha: ‘Opoto'iakon hi aha anu i laga aijo': Kaanon nu bau-bauon sinadiamo. Sapi', ka' ana-anak nu sapi'ku anu talalo ma'ima' kinolotmo. Iwi-iwi' sinadiamo. Imbo'mo da mokiijo' i bau-bauon po'osoan!’

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

ROMA 9:20

Panyo, kita Utus! Kita Utus ola mian. Ka' kita Utus madi' timbali baani montaami Tumpu! Te timbali na tampat nu bunga mompokilawa hi mian anu nombau, “Ka' kadaka' beleyum nombau aku sumo aiya?”

FILIPI 4:5

Opai-pai lio da iwi-iwi' na mian montoa kalakuan ka' kinyonyoa miu manonong. Kalana madi'mo daagi' pin na Tumpu tokamo.

KOLOSE 1:12

ka' montalima kase hi Tuuma. Kalana Tuumamo aijo' na nompobee' komiu timbali montalima apaa na anu pinosadiakonmo nu Tumpu bau bagi nu miannyo anu palesayamo i uno nu kalaja'an-Nyo anu majingka.

1 SAMUEL 16:5

Tinaaman i Samuel, “Memang totu'u aku toka monsombahkon koloban hi Tumpu. Jadi posusi' pe'e na butong nu belemiu da timbali mamba i tampat pongkolobanakonan koloban aijo'.” I Isai tiba to ana-anaknyo suele pinokaunyo da momposusi' butong nu aha toto samian ka' ilaganyo suele da mamba i tampat pongkolobanakonan koloban aijo'.

1 SAMUEL 20:26

Panyo i Saul madi' nontaloakon han aijo' i sinaa aitu; kalana ugaat koonyo, “Ihe na monsumbu' ia daagi kino apa-apaanyo, sahingga ia madi' susi' susumo koonyo nu atulan nu agama.”