ZEFANYA 1:15 - KITAB NU TUMPU ALLA LELE MA'IMAI'

¹⁵ Sinaa aijo' sinamo nu tambuha' ka' sinaamo nu kakulangan ka' sinaa nu kasusa'an, sinaamo nu kapohobo'an ka' sinaamo nu kahansunan ka' sinaamo nu kapintungan, ka' sinaamo nu madi' talalo majingka, ka' sinaamo anu pikat hondo, ka' sehu'onmo.

ZEFANYA 1:15 ပူးပေါင်းရင်းမြစ်များ

YESAYA 13:9

Sinaa nu Tumpu malia'mo mae toka ka' toka isinaa aijo' nu potudunmo nu Tumpu na tambuha'-Nyo ka' mule' pusa-Nyo anu taha-tahahumo. Tano' timbalimo tampat anu mateges ka' toto samian anu binaladosa'mo osilakaimo.

YESAYA 22:5

Memang Tumpu Anu Daka' na Kuasanyo nontantukanmo sinaa aiya salaku sinaa anu kalangkabutmo, ka' kahengge'anmo nu mian, ka' bingungmo na mian i Bangka'nyo nu Pinontoan. Iwi-iwi' na pagan mesen nu kota' pinaha hobo'akonmo. Loboo' momoita tulung ihongomo i iwi-iwi na puge'nyo.

YESAYA 8:22

kabai mokaiyong madi' ko apa-apaa na anu nu toa nu aha ola ahi' samata-mata kasansala'an ka' kapintungan ka' mule' kasusa'an na tina'up. Aha saidi' mae olumbu'akonmo i tampat pintu-pintung aijo'.

YEREMIA 30:7

Sinaa anu okabuhuk hondo tokamo mae, sinaa anu madi' hondo-hondo ko gampanyo. Kona hi aha mian anu palesayamo hi beleng-Ku aijo'mo na sinaa anu okabuhuk hondo: panyo aha na Ku posalamatmo ahi.”

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

ZEFANYA 2:2

da ma'isa pe'e belemiu magayou ka' manggas susum bunga-bunga! Sinsumbu'mo da ma'isa pe'e toka na sinaa potambuha'an nu Tumpu anu ko suhu-suhutmo aijo'.

MATIUS 24:29

“Madi' pin salatan kasusa'an aijo' lapasmo, batu nu sinaa pinikatmo, ka' bitu'on madi'mo ko sahayanyo. To manda-mandala' nanabu'mo lengkat mae i langit, ka' anu mongkuasai langa kalangkabutmo.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

PO'ULE' INGULIT 28:52

Aha tokamo mae montumbuhi toto sa'angu' na kota i lipu' anu binee'mo nu Tumpu Allah nu belemiu hi belemiu sahingga iwi-iwi' na pagan mesen anu toto tangka-tangkas ka' binaumo hoso-hoson, anu otaha'imanimo nu belemiu aijo', mohobo'mo.

2 PETRUS 3:7

Panyo langit ka' tano' anu daagi' tempo' uuka aiya, potatae nu Tumpu suele na mompotuu', ka' mule' da opatei nu apu saidi' mae. Tempo' uuka langit ka' tano' daagi' opotuu' sampeje de tokamo na sinaanyo to mia-mian anu ma'idek o hukummo ka' opateimo.

ANU PINOTO'I HI YOHANES 6:17

Sinaa anu okabuk aijo' tinokamo, uuka aiya aha mompobuntumo tambuha' nu aha, ka' madi' ko samian pe'e na moko ala totinjo i ahop nu aha!”