ZEFANYA 1:11 - KITAB NU TUMPU ALLA LELE MA'IMAI'

¹¹ Tumando'mo ka' haangimo salatan belemiu mohongomo aijo' o mian anu jojoong i kota' sasu akaong i bangka'nyo kalana iwi-iwi' na anu badagang tiba to mia-mian anu nomposabolakon doi pinateanmo!

ZEFANYA 1:11 ပူးပေါင်းရင်းမြစ်များ

AYUB 27:16

Timbali na salakanyo opunjuk na konjoo'nyo, ka' baju'nyo otambun jonjoo',

AYUB 27:17

panyo salaka ka' baju' haha aijo' iwi-iwi', mianmo anu hodi' na kinyonyoanyo na montumpui.

YEREMIA 25:34

O to pola-polaya', o to pola-polaya' nu mian anu palesayamo hi Tumpu! Haangmo hoso-hoson! Pingkaleade'mo i abu', kalana tinokamo na tempo'nyo belemiu opateimo, ka' anu madi' opatei oga'a-ga'atakonmo mamba iyaya mae. Belemiu sumomo ahi' kuhon anu mahan na olinyo nanabu'mo ka' noposo'mo.

YEREMIA 4:8

Mokonyo aijo' haangmo ka' tando'imo pompusokmo hude kalung salaku tanda ko anumo sinilaka. Kalana tambuha' nu Tumpu anu kinosuhu-suhutmo ma'isa mule' naga'a lengkat mae i Yehuda.

YEHEZKIEL 21:12

O, manusia anu madi' tumuu' batu, haangmo ka' polotando'mo! Kalana bajak aijo' mongewamo mian anu palesayamo hi beleng-Ku. To pola-polaya' nu aha Israel tiba songko-songko na bansa otabasmo nubajak aijo' sampe aha silakamo. Jadi hapa' na saha'an nu beleyum kalana nolibosmo,

HOSEA 9:6

De balaa' tokamo mae hi belemiu ka' mule' oboamo ilipu' sangga'at saba' anu daagi jinojoong nu posihukmo nu aha mian Mesir da opateimo ka' olamunmo kiijo' i Memfis! Hemput tiba hii' tumuu'mo mae ka' mongkukubimo iwi-iwi' na tampat anu pinombauan nu belemiu laigan tiba bala-balang salaka anu mahan na olinyo.

YOËL 1:13

O to imam-imam anu mokalaja i mezbah pakemo na hude kalung ka' haangmo. Pinsoopmo i Laigan nu Tumpu da montando'i sampa-sampahu, kalana madi' ko koloban anggur ka' gandum anu osombahkon hi Tumpu nu belemiu.

YOËL 1:5

O anu lewa' malangu, pobulamo! O anu lewa' monginum haangmo! Kalana anggur anu salaje ingagoanmo lengkat atina' i nganga' nu beleyum.

ZEFANYA 2:5

Kinutukan na belemiu o mian nu Filistin bansang anu jojoong tutus biwi nu bone'. Tumpu nontantukanmo hukuman hi belemiu. Ia mompateimo belemiu. Madi'mo ko samiannyo anu atina' hi belemiu na anu madi' silaka.

ZAKHARIA 14:21

Iwi-iwi' na kuhon anu daagi'i Yerusalem ka' mule' i songko-songko na Yehuda obee'mo samata-mata hi Tumpu, Tumpumo Anu Daka' na Kuasanyo na tumpunyo. Mian anu jojoong i Yerusalem de monsombahkonmo koloban na mompake da bau pongunjangan antok nu binatang anu opalasombahkon. De tokamo na tempo'nyo saidi' mae madi'mo daagi' ko padagang anu mobalu-baluk i Laigan nu Tumpu Anu Daka' na Kuasanyo.

YOHANES 2:16

Lantas Ia notatae hi anu mobaluk tomonsi' malapati', “Hangkat na aiya iwi-iwi'. Boli opotimbali na Laigan nu Tuumang-Ku tampat badagangan!”

YAKOBUS 5:1

To Utu-utus, mian anu toto kaya-kaya! Potombihing mae na pokinde'ku. Tionyo ahi' komiu humang ka' montando'i kalana kasansala'an o'oa'imo miu!