ZAKHARIA 9:9 - KITAB NU TUMPU ALLA LELE MA'IMAI'

⁹ O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

ZAKHARIA 9:9 ပူးပေါင်းရင်းမြစ်များ

1 TOMU-TOMUNDO' 1:38

Sahingga i Zadok, i Natan, i Benaya ka' suludadu anu monjagai tomundo' nompoitamo i Salomo da sumake'mo i bagal i tomundo' lantas sinangaluanmo nu aha namba i mata nu uee Gihon.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 45:1

Mazmur nu aha sa'anakan i Korah. Nyanyian mongkalibosi. Anu mongkapali panyanyi. Ingala ilagu nu nyanyian; Bunga bakung.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 30:6

Sumo uuka na potuunon nu Tumpu kona hi aha binatang-binatang anu jojoong i tano' sasu salatan, “Tomia-mian anu sinai aijo' nompaha posake'imo keledai tiba unta nu aha anu opalasenakon, lantas nololonga'mo daerah anu manjoo' hondo na anu okabuhuk kalana kajojoongan nu singa, ulo anu kobisa'nyo ka' mule' ulo anu kopolipiknyo. Palasen haha aijo' nu palasombahkon nu aha hi sa'angu' na bansa anu madi' moko ala montulungi aha.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

YESAYA 40:9

Pindakomo pokiita ibungkutnyo mata-matangkas, ka' poto'i na lele ma'ima' hi Yerusalem! Loboo'akon daka-daka', ka' poto'i na lele ma'ima' hi Sion! Poto'i hi kota-kota' nu Yehuda, taalu' Tumpu nu aha tokamo mae!

YESAYA 43:11

Ola-olanyomo Aku na Tumpu, madi' ko sangga'atannyo na anu momposalamat.

YESAYA 43:3

Kalana Akumo na Tumpu nu beleyum, Tumpu nu Israel anu susi', anu Momposalamatmo beleyum. Mesir Ku bee'mo salaku baumo pontokongi beleyum, Sudan tiba Syeba salaku baumo pombolosi beleyum.

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 62:11

Tumpu mombee'imo potunon sumo uuka hi aha songko-songko na dunia, “Poto'i hi aha anu jojoong i Sion, ‘Toa, Tumpu anu Momposalamat tinokamo! Ia sinangaluan mae nu to mia-mian anu pinobebasnyomo.’ ”

YEREMIA 30:9

Belemiu palesayamo hi beleng-Ku, Tumpu Allah nu belemiu ka' hi samian te lee' mae i Daud anu Ku hangkatmo bau tomundo'.

YEHEZKIEL 21:32

Belemiu nu kaanmo nu apu ingko-ingkot. Baso' nu belemiu mobubusmo iposi lipu' nu belemiu ka' madi'mo daagi kosamian na anu daagi monginau belemiu. Aku, Tumpu notataemo'.’ ”

HOSEA 1:7

Panyo bansa Yehuda Ku kalibosimo. Aku Tumpu, Tumpu nu aha momposalamatmo aha, panyo misa' kalana mahampate, ka' suele misa' kalana bajak, kabai pana', kabai ajahan ka' anu monsake'i.”

MIKHA 4:8

Ka' beleyum Yerusalem tampat nu Tumpu monjagai mian-Nyo anu palesayamo susumo polaya' anu monjagai tompukan nu dombanyo, beleyum po ule'mo timbali puso nu kota' nu kalaja'an nu belemiu susumo u'utu mae momona.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

ZAKHARIA 2:10

Tumpu notatae, “Panyanyimo bila-bilahi o, mian anu jojoong i Yerusalem! Aku jojoongmo atina' hi belemiu!”

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

MATIUS 2:2

Aha nompokilawa iyayamae, “Iyamae na Anak aijo', anu i hampeakon da timbali Tomundo nu mian Yahudi? Tinoamo mami na mandala'-Nyo binete' i sasu kabete'an, ka' kami toka da monsombah Ia.”

MARKUS 11:7

Salatan tinokamo hi Yesus, tonga' nu keledai aijo' i latasan nu aha nu jubah nu aha, lantas i Yesus sinumake'mo i tonga'nyo.

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

YOHANES 19:15

Aha nolo-noloboo'mo, “Pateimo na Ia! Pateimo na Ia! Salibmo na Ia!” I Pilatus nompokilawa, “Tionyo ku salibmo na tomundo miu?” To kapa-kapala nu imam nontaami, “Samata-mata i Kaisar na tomundo mami!”

TO MIA-MIAN KOPIAN 10:4

Anaknyo mo'ane aha tolumpulu'. Aha ko keledai tolumpulu' bau kasake'an ka' tolumpulu' na kampung i da'erah nu Gilead. Kampung haha aijo' daagi' osanggohi kampung Yair.