ZAKHARIA 9:8 - KITAB NU TUMPU ALLA LELE MA'IMAI'

⁸ Ku jagaimo na tano'-Ku ka' madi'mo mompobee' to sulu-suludadu anu isalipu'an mae so' motulu. Aku madi'mo daagi mompobee' anu lewa' momposansala mompalentah mian anu palesayamo hi beleng-Ku. Kalana kasansala'an nu aha tinoang-Kumo.”

ZAKHARIA 9:8 ပူးပေါင်းရင်းမြစ်များ

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

2 TOMU-TOMUNDO' 19:34

Kota' Yerusalem Ku tinjohakonmo ka' Kujagaimo kalana kaholomatan-Ku, ka' kalana palajanjian-Ku hi posaihon-Ku i Daud.’ ”

2 TOMU-TOMUNDO' 24:1

Daagi' tempo'nyo i Tomundo' Yoyakim na nompalentah, i Nebukadnezar tomundo' nu Babel nontumbuhimo ka' nompatundu'mo Yehuda. Kinopinnyo tinotolu' na taun na i Yoyakim tinundu' hi Nebukadnezar, panyo mamanga ahi' ia notomuhukmo.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

MAZMUR 72:4

O'amalakon da i tomundo' montinjohi hak nu mian anu nu palentah, montulungi to mia-mian anu kasiasi ka' mompatei anu lewa' monsakisa aha.

NOSABATMO 3:7

Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

NOSABATMO 3:9

Haang nu aha bansa Israel i hongong-Kumo, ka' tinoang-Kumo mosia na aha osansala nu bansa Mesir.

AMSAL 3:25

Bolimo belemiu mongkabuhuk balaa' anu saintolo-tolo montokaimo mae susumo tombusisi', ka' nontuda'mo to mia-mian anu ma'idek na kinyonyoanyo.

YESAYA 26:1

Tempo'nyo aijo' mian monyanyimo nyanyian sumo uuka itano' nu Yehuda: “Mahoson hondo na kota' aiya; Tumpu na nombau benteng-Nyo, i aiya na kita salamat.

YESAYA 31:5

Susumo sa'angu' na tomonsi' lewa'mo mompapa'i aita' i petaanyo monjagai soma'nyo, sumo aijo'mo na Aku, Tumpu Anu Daka' na Kuasanyo monjagai, montinjohi ka' mule' momposalamat Yerusalem.”

YESAYA 4:5

Lantas aita i Puge'nyo nu Sion tiba iwi-iwi' na mian anu sinihukmo ikiita' nu potimbalimo nu Tumpu na kundom de sinaamo ka' mule tibuk lantas moak nu apu de pihimo. Kakuasa'an-Nyomo ahi' nu Tumpu na montindungi ka monjagai songko-songko na kota' aijo'.

YESAYA 52:1

Pobulamo o, Yerusalem, pobulamo! Pohoson na kinyonyoa nu beleyum! Pusokmo na baju' pesalin nu beleyum! O, Yerusalem, kota' anu susi', mian anu mahumimi' madi'mo daagi' minsoop i sabatan daka' nu belemiu.

YESAYA 52:12

Belemiu madi' ko sia-sia' na mamba, ka' misa' susumo mian anu mompalaimo. Kalana Tumpu na montaka belemiu; Tumpu Israel na monjagai belemiu maumo pa' iya mae na tampat.

YESAYA 54:14

Beleyum binaumo i uno nu kaadilan, madi'mo daagi' ko anu okabuhuk ka' kasansala'an.

YESAYA 60:18

Madi'mo daagi' ko lele mongkona kasinggian ilipu' nu beleyum, ka' mule' mongkona kahansunan ka' anu o'idei i daerah nu beleyum. Susumo pagan mesen Aku monjagaimo beleyum, ka' beleyum mompuji'mo Aku salaku anu Nomposalamatmo beleyum.

YEREMIA 31:12

Mamba i Puge'nyo nu Sion aha tokamo mae lame'na ohup nu aha otoa ka' manyanyi lame' hondo. Kalana iwi-iwi' apaa na anu binee'-Kumo hi aha, aijo'mo, gandum, lanya', anggur, sapi' tiba domba. Aha sumomo ahi' sa'angu' na taman anu sukup na ueenyo, ka' madi' ko anu kulang apa-apaa.

YEREMIA 46:13

Salatan i Nebukadnezar tomundo' nu Babel tinokamo mae nontumbuhi Mesir, Tumpu nompoto'imo mae hi belengku, Ia notatae,

YEREMIA 46:2

lengkat pe'e mae i Mesir. Ia nompoto'i mae hi belengku mongkona suludadu i Nekho tomundo' nu Mesir, anu pinatundu'mo kiijo' i Karkemis koko Kaunyo nu Efrat tempo'nyo daagi' i Nebukadnezar na tomundo' nu Babel itaun kino opatnyomo na i Yoyakim nompalentah binau tomundo' nu Yehuda. Sumo uuka na pinoto'i nu Tumpu mongkona han aijo',

YEHEZKIEL 39:29

Ku dudu'akonmo mae na Roh-Ku hi aha bansa Israel, ka' madi'mo daagi' mompala'i aha. Aku, Tumpu Anu Matangkas na Kuasanyo notataemo.”

AMOS 9:15

Ku pojoongmo na aha mian-Ku anu palesayamo ilipu' anu Ku bee'mo hi aha. Aha madi'mo daagi olalin, tataapmo ikiijo'. Akumo na Tumpu Allah nu aha anu notataemo.” 18

ZAKHARIA 12:4

I sinaa aijo' iwi-iwi' na ajahan Ku pobingongmo ka' mule' aha mian anu monsake'i Ku po ulawonmo, ka' mian anu jojoong i Yehuda Ku jagaimo, panyo iwi-iwi na ajahan nu sampobali' nu aha Ku popisokmo.

ZAKHARIA 12:8

I sinaa aijo' Ku jagaimo na mian anu jojoong i Yerusalem; ka' anu madi' mahoson aijo' hi aha timbalimo mahoson susumo i Daud. Aha lewa'mo nu potiju' nu lee' mae i Daud susumo anu lewa' binau nu malaekat-Ku, ka' mule' susumo anu lewa' binaung-Ku.

ZAKHARIA 14:11

To mia-mian jojoongmo i kota' aijo' ka' madi'mo ko anu mompoposia, madi'mo ko anu toka mae kahanda' mompatei.

ZAKHARIA 9:7

Aha madi'mo daagi' mongkaan antok nu binatang anu daagi' baso'on kabai kaanon sangga'at anu opoliwa' madi' timbali okaan. Iwi-iwi' na mian anu daagi' tontuha' timbalimo mian anu palesayamo hi beleng-Ku, ka' o, anggapmo salaku tulunan nu bansa Yehuda. Ekron timbalimo mian anu palesayamo hi beleng-Ku susumo aha mian nu Yebus tempo'nyo naipuan mae.

SISIKON NU TO RASUL-RASUL 7:34

Aku nontoamo ka' nompalahatikanmo ideknyo nu kasansala'an nu mian-Ku i Mesir. Aku nohongomo indi nu aha ka' Aku mambamo mompobebas aha. Uuka aiya, imbo'! Aku monsaimo beleyum minsusule' mokiijo' i Mesir.’

ANU PINOTO'I HI YOHANES 20:9

Sahingga aha mule' nobagi-bagimo i songko-songko na dunia, lantas nontumbuhimo kemah nu mian anu pinalesayamo hi Tumpu ka' kota anu nu kalibosi nu Tumpu. Panyo apu tinudunmo lengkat mae i langit ka' mohopu'imo aha.