ZAKHARIA 9:4 - KITAB NU TUMPU ALLA LELE MA'IMAI'

⁴ Panyo nu potimbalimo nu Tumpu da kasiasi. Iwi-iwi' na kakaya'an i kota' aijo' nu alinmo nu aha i ambai ka' mule' kota' aijo' nu angotimo nu apu.

ZAKHARIA 9:4 ပူးပေါင်းရင်းမြစ်များ

AMSAL 10:2

Kakaya'an anu ohumpak nu katageo'an madi' mombee'i ka untungan; panyo mule' anu madi' tageo' timbali momboa kasalamatan.

AMSAL 11:4

De montanda'imo kasilakan halata' madi'mo ko gunanyo; panyo kantumuu'an nu beleyum salamat de beleyum madi' tageo' na kinyonyoa.

YESAYA 23:11

Tumpu nontangkakonmo lima-Nyo ibawo nu ambai, ka' nontua'akonmo to kala-kalaja'an. Ia nompalentahmo da benteng-benteng nu Funisia ohansunimo.

YEHEZKIEL 26:17

Lapas aijo' aha monyanyimo anu bau ponyanyiakon belemiu de olamunmo sumo uuka: Ihansunmo na kota' anu saja' opuji'! Iwi-iwi' na kapannyo sinapuanmo madi'mo daagi' ko anu indalangon. Mian anu jojoong aijo' hi ia binalakuasamo i ambai kinabuhukmo nu to mia-mian anu jojoong isonibi nu ambai.

YEHEZKIEL 28:16

Beleyum talalo tasiaga badagang ka' aijo'mo na nonsaduakon beleyum da binuhingison ka' binaladosa'mo. Sahingga Ku laa'mo na beleyum da bolimo jojoong atina' ibungkutnyo anu susi' anu Aku na tumpunyo ka' malaekat anu monjagai beleyum molaa'mo beleyum da madi'mo jojoong atina' itotonga' nu palamata anu lonyingkaban hondo atina'.

YEHEZKIEL 28:18

Tumpu notatae, “O Tirus, beleyum nohumimi'imo iwi-iwi na tampat ponsomban mae nu beleyum kalana iwi-iwi na kasala'an ka' madi' adinan tempo'nyo binadagang. Kalana aijo' Ku papuaimo na beleyum sahingga jadimo mahata susumo tano'. Iwi-iwi' mian anu montoa beleyum memo montoa abu'.

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 28:8

Beleyum opateimo ka' olamunmo i uno nu ambai.

YOËL 3:8

To oli-olitau ka' to lalangkoyang Ku pobalukmo hi mian anu jojoong i Yehuda ka' anu po ule' mule' mompobaluk ilipu' Syeba, lipu' anu majo'on hondo. Aku na Tumpu anu notataemo.

AMOS 1:10

Kalana aijo' Aku mombee'imo apu mokiijo' i to paga-pagan mesen nu Tirus ka' nompapuimo to bente-bentengnyo.”

ZAKHARIA 9:5

Nu toaje nu kota' Askelon tiba Gaza ka' mabuhukje. Ekron suele montoaje ka' madi'mo ko anu nu taha'imani. Gaza saidi' mae madi'mo ko tomundo'nyo, ka' mule' Askelon liingmo kalana madi'mo ko miannyo.