ZAKHARIA 9:17 - KITAB NU TUMPU ALLA LELE MA'IMAI'

¹⁷ Memang ahi' ma'ima' hondo na tano' nu Tumpu mo'ulop mae, memang ahi' ma'ima' hondo ka' ma'u lele'an! Ikiijo' mae anggur tiba gandum tumuu'nyo molumba' hondo sahingga to oli-olitau ka' to lalangkoyang mompaka pahosonmo.

ZAKHARIA 9:17 ပူးပေါင်းရင်းမြစ်များ

MAZMUR 144:12

O'amalakon da to ana-anakto mo'ane de daagi' olitau sumomo sosu'anon anu ko daka-daka'nyomo. O'amalakon da to ana-anakto boune sumomo ahi' ohi anu handa, anu bau pombunga-bungai pasu'nyo i laigan nu tomundo'.

MAZMUR 145:7

Mian monsisikmo iwi-iwi' kanonongan nu Belento, ka' monyanyiakonmo ka'adilan nu Belento.

MAZMUR 27:4

Ola sa'angu' na anu ku kakase hi Tumpu, ola aiya na anu ku kahanda'i: jojoong i Laigan nu Tumpu sampe toka sidu-sidutu' de aku daagi' tutuu' da ku oa'i na kanonongan nu Tumpu, ka' mongkakase da nu pokinde'i mae nu Tumpu.

MAZMUR 31:19

Paha onsongi na nganga' nu mian anu toto bale-baleko' kalana katabuulan nu aha sola'mo mongalu mian anu madi' tageo' na kinyonyoanyo.

MAZMUR 36:7

Kanonongan nu Belento matunjo hondo sumo ko tangkasnyo nu bungkutnyo, ka' ka adinan nu Belento sumo koleengnyo nu ndalangon; manusia tiba binatang Belento na mompotuu' o Tumpu.

MAZMUR 45:2

Potatae anu toto ima-ima' nosabatmo mae lengkat ikinyonyoangku kusombahkonmo na laguku aiya hi tomundo'. Sumomo ahi' pena bau-bau pontulis nu samian na anu pande mongkalang nyanyian, jila'ku sinadiamo montaeakon sya'ir.

MAZMUR 50:2

Lengkat mae i Sion kota' anu ma'ima' hondo Tumpu tinokamo mae ka' binalasahayamo.

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

MAZMUR 90:17

O, Tumpu mami, balakatiakon mae na kami, da anu okalaja mami iwi-iwi' ko hasinnyo ahi'.

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

NYANYIAN ANU TALASANGGO 5:10

Sindua'anku handa ka' tingkaion, lebe molingkudui aha anu sampulu' na madala na mian.

NYANYIAN ANU TALASANGGO 7:9

nganga' nu beleyum matami' sumo anggur! Bakas da anggur aijo' mo ili mokiijo' hi sindua'anku, ka' madi' ko kamingkotannyo, ka' momposumangat lebe mongka'ima'i sindua'an, ka' mule' hi to mia-mian anu daagi hau-haunyo hoyot.

YESAYA 33:17

Tokaje mae na tempo'nyo belemiu montoamo samian na tomundo' anu mompalentah ma'ima'mo hondo ilipu' anu kaho ko bentengnyo.

YESAYA 63:15

O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.

YESAYA 63:7

Aku kahanda'mo moleleakon kalibosan nu Tumpu ka' mompuji' Ia kalana palabuatan-Nyo. Molabi-labi na balakat-Nyo hi mian anu palesayamo hi Ia, kalana Ia talalo molibos ka' kalibosan-Nyo madi' kokamingkotannyo.

YEREMIA 31:12

Mamba i Puge'nyo nu Sion aha tokamo mae lame'na ohup nu aha otoa ka' manyanyi lame' hondo. Kalana iwi-iwi' apaa na anu binee'-Kumo hi aha, aijo'mo, gandum, lanya', anggur, sapi' tiba domba. Aha sumomo ahi' sa'angu' na taman anu sukup na ueenyo, ka' madi' ko anu kulang apa-apaa.

YEREMIA 31:14

To ima-imam Ku posukupakonmo na anu nu kaan nu aha ka' molabi-labimo; ka' iwi-iwi' na anu nu palalui nu mian anu palesayamo hi beleng-Ku Ku bee'mo Aku, Tumpu, na anu nontaeakonmo.”

YOËL 2:26

Anu okaan nu belemiu sukupmo ka' mongoa'imo mobosu. Tumpu nu belemiu opopodaka'mo nu belemiu, kalana hi belemiu binau-Nyomo manjoo' na anu okabangangi. Mian-Ku anu palesayamo madi'mo daagi' lewa' nu alu nu mian!

YOËL 3:18

Tempo'nyo aitu iwi-iwi na bungkutnyo mobuke'mo nu ale' nu anggur. Binatang anu opotuu' mongototmo hemput i iwi-iwi na puge'nyo anu ma'omuk. Iwi-iwi na kaunyo anu kiijo' i Yehuda, madi'mo toho' mo'oti na ueenyo. Sa'angu' na kaunyo mo ili lengkat mae Laigan nu Tumpu, ka' mongueeimo Bangka'nyo nu Akasia na ueenyo anu molino hondo.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.

ROMA 5:8

Panyo Tumpu mompotoa liibos-Nyo hi kita tempo'nyo i Kristus sinilaka pontokong kita tempo'nyo kita daagi' baladosa'.