ZAKHARIA 9:16 - KITAB NU TUMPU ALLA LELE MA'IMAI'

¹⁶ De sinaa aijo' tokamo mae, Tumpu momposalamatmo mian anu palesayamo hi Ia, susumo polaya' nu potuu'on momposalamatmo dombanyo da madi' mohumpak balaa'. Aha majingkamo itano' nu Tumpu, susumo mainan nu makota' anu jongkilaban hondo.

ZAKHARIA 9:16 ပူးပေါင်းရင်းမြစ်များ

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

NOSABATMO 28:21

Toto sa'angu' na mainan aijo' tionyo ahi' otulisi sala'sa'angu' na sanggo nu anak i Yakub anu sampulu' ka' ohua' salaku tanda da boli okolilimi na tulunan nu bansa Israel.

NOSABATMO 28:9

Ala na batu dalima ohua'. Lio na samian anu pande na montutuk mosoni' ka' pande na montulisi batu aijo' sanggo nu to ana-anak i Yakub anu sampulu' ka' ohua', otampu'uni hi utus tu'a, sa'angu' na batu anom na sanggo. Lantas ohua' na batu mainan aijo' tionyo ahi' opokona i bikoangnyo mosoni' ka' opokona i ponsegoti bikoang nu evod salaku bau pontandai sampulu' ka' ohua' na lee' mae nu tulunan Israel. Tiba jalan anu sumo aijo' i Harun momboamo sanggo nu aha i bikoangnyo, sahingga Aku, Tumpu, saja' monginau' aha.

YESAYA 40:10

Soba toa, Tumpu tokamo mae tiba kakuasa'an-Nyo da mompalentahmo nu kabaanian-Nyo. Ia nu tuntuni mae nu to mia-mian anu pinobebas-Nyomo.

YESAYA 54:12

Bentengnyo haha aijo' batu dalimaje na Kubau to saba-sabatan anu toto daka-daka' batu mainanje na kubau to paga-pagan mesen nu beleyum intanje na obau.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

YESAYA 60:3

To bansa-bansa mojonjulumo mae toka i jingka nu belemiu to tomu-tomundo kino kinyonyoamo i sahaya anu binete'mo atina' hi belemiu.

YESAYA 62:3

Beleyum timbalimo susumo makota' anu ma'ima' ilima nu Tumpu, makota' nu kalaja'an ilima nu Tumpu nu beleyum.

YEREMIA 23:3

Panyo tuha' nu mian anu palesayamo hi beleng-Ku po ule'mo Ku posihuk lengkat mae ilipu-lipu' anu pinomboan-Ku aha. Aha po ule'mo Ku sule'akon itano' kinahampean nu aha ka' lee' nu aha mompaka panjoo'mo.

YEREMIA 31:10

Tumpu notatae, “Potombihing mae o to bansa-bansa! Poto'iakon na potuunon-Ku toka-toka isantoa nu ambai: Mian anu palesayamo hi beleng-Ku anu gina'a-ga'atakon-Kumo po ule'mo Ku posihuk ka' Ku potuu'mo susumo polaya' domba monjagai dombanyo.

YEREMIA 31:11

Mian nu Israel pinosalamat-Kumo, ka' pinobebas-Kumo da madi'mo nu kuasai nu bansa anu mahoson.

YEHEZKIEL 34:11

Tumpu Anu Matangkas na Kuasanyo notatae, “Posi Akumo na molio dombang-Ku haha aijo' ka' mongkalesang aha,

YEHEZKIEL 34:12

susumo samian na polaya' molio ka' momposihuk to domba-dombanyo anu noga'a-ga'atmo lantas mongkalesang aha. Aha Ku sule'akonmo mae lengkat mae isongko-songko na tampat anu pinoga'a-ga'atan nu aha, toka itempo'nyo sinaa pikatmo ka' sinaa anu madi'mo ma'ima' aijo'.

YEHEZKIEL 34:31

Memang totu'u belemiumo na tompukan nu dombang-Ku anu Ku bee'i mongkaan. Belemiu atina'mo na mian anu palesayamo hi beleng-Ku, ka' mule' Aku, Tumpu nu belemiu. Aku, Tumpu Anu Matangkas na Kuasanyo notataemo.”

MIKHA 5:4

ka' mule' Nu bee'imo kadamean. De suludadu nu aha Asyur montumbuhimo mae lipu' to ka' mohobo'akonmo bentengto, kita suele montipaha'imo ahi' to pola-polaya'to anu to hoso-hoson da mongewamo aha. To pola-polaya'to mompatundu'mo Asyur nu toongon nu aha ka' momposalamatmo kita da madi'mo nu patei nu aha.

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

ZEFANYA 3:20

Tokaje mae na tempo'nyo anu jojoong i kota' atina' nono ga'a-ga'atmo po ule'mo Ku boa mae minsusule'. Belemiu Ku potalasanggomo i songko-songko na dunia aiya, Kabilahian nu belemiu i uno nu kantumuu'an po ule'mo Ku bee'.” Tumpu notataemo. 1

HAGAI 2:23

I sinaa aijo' beleyum Zerubabel posaihon-Ku, Ku hangkatmo da mompalentah atas sanggong-Ku. Saba' beleyum na anu pinile'an-Kumo.” Tumpu Anu Daka Na Kuasanyo na notataemo. 1

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

YOHANES 10:27

Domba-dombang-Ku mohongo potataeng-Ku. Aku monsumbu' aha, ka' aha nombatukimo Aku.