ZAKHARIA 9:15 - KITAB NU TUMPU ALLA LELE MA'IMAI'

¹⁵ Mian anu palesayamo hi Ia na memang ahi' Nu jagai, sahingga iwi-iwi' na sampobali' nu aha timbali opoko ala opatundu'. Susumo polo ais nu mian anu nalangumo nu inumon, sumo aitumo na polo ais nu aha hau-haunyo mahampate. Susumo baso' nu koloban anu dinudu'akonmo aita' i mezbah sumo aitumo na baso' nu sampobali' nu aha nobubus.

ZAKHARIA 9:15 ပူးပေါင်းရင်းမြစ်များ

AYUB 41:28

Madi' ko pana' anu moko ala molaa' ia; batu obunu'akon hi ia ola susumo hat na nu oa'i.

MAZMUR 78:65

Sahingga Tumpu nobungkutmo sumomo mian anu nobulamo hau-haunyo hoyot. Sumomo mian anu nahosonmo salatan noko inumo anggur.

NOSABATMO 27:2

Aita' i pasu'nyo opa-opat na mezbah opokonai anu susumo tanduk na obau ka' aijo' madi' timbali o alinakon. Iwi-iwi' tionyo ahi' olapisi nu tambaga.

NYANYIAN ANU TALASANGGO 1:4

Sampamo lia-lia' na kita, o tomundo'ku, boamo mae na aku i uno nu salipi' nu beleyum.

NYANYIAN ANU TALASANGGO 5:1

Aku tinokamo i ale'ku, sindua'anku pangantinku. Ilimu'kumo na mur tiba lampa-lampangku potik tiba juu' nu uani'ku kinaankumo inginumkumo na susu tiba uee nu anggurku. Pongkaanmo ka ponginumo to sanga-sangalungku. Inummo sampe nu osaimo na sindua'anku.

NYANYIAN ANU TALASANGGO 7:9

nganga' nu beleyum matami' sumo anggur! Bakas da anggur aijo' mo ili mokiijo' hi sindua'anku, ka' madi' ko kamingkotannyo, ka' momposumangat lebe mongka'ima'i sindua'an, ka' mule' hi to mia-mian anu daagi hau-haunyo hoyot.

YESAYA 37:35

Kota' Yerusalem Kutinjohimo ka' Kujagaimo da bau kaholomatan-Ku ka' kalana monginau' palajanjian-Ku hi posaihon-Ku i Daud’ ”.

YESAYA 55:1

Tumpu notatae, “Imbo'mo na belemiu iwi-iwi' anu negotmo, inummo na uee anu sinadiamo. Toka mae na belemiu anu madi' ko doinyo, talimamo na gandum madi' opai oli, ka' kaanmo! Anggur ka' susu sinadiamo, alamo atina' ola obee'.

IMAMAT 4:18

Sambahagian mule' tionyo ahi' osapuakon i tanduk haha aijo' anu pinaha pokona i pasu'nyo nu mezbah anu bau pompauan kamangian i uno nu Kemah ka' labinyo tionyo ahi' odudu'akon i paningkokoan nu mezbah tampat pompotunuan koloban anu kiijo' i ahop nu sabatan nu Kemah.

IMAMAT 4:25

Imam tionyo ahi' molobongakon kangkam nu limanyo i baso' nu binatang aijo' lantas monsapuakon i tanduk haha aijo' anu pinaha pokona i pasu'nyo nu mezbah ka' odudu'akon na labinyo i paningkokoan nu mezbah.

IMAMAT 4:7

Sambagian na baso' aijo' tionyo ahi' o sapuakon i tanduk haha aijo' anu pinaha pokona i pasu'nyo nu mezbah bau pompapuan kamangian anu manohong i uno nu Kemah, ka' labinyo tionyo ahi' odudu'akon i paningkokoan nu mezbah anu bau pompotunuan koloban anu aijo' i sabatan nu Kemah.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

ZAKHARIA 10:5

Mian anu jojoong i Yehuda untungmo na mahampate susu mo suludadu anu lewa'mo mompahampeja'akon sampobal' sumo hensek aitu i jalan. Aha mahampate kalana Aku, Tumpu na montulungi aha, ka' suludadu nu sampobali' momon sake'i ajahan nu patundu'mo nu aha iwi-iwi'.

ZAKHARIA 10:7

Mian nu Israel sumomo suludadu anu baani hondo sumomo mian anu monginumo anggur aha lame'mo. Lee' nu aha mae lengkat pe'e naipuan mae sampe aiya mae i ahop madi' mongkolilimi ka Untungan nahampate anu binee'-Kumo aiya. Aha bilahimo kalana palabuatan anu saidi' mae Ku baumo hi aha.

ZAKHARIA 12:6

I sinaa aijo' to utu-utus nu aha Yehuda Ku pojadimo susumo apu i uno nu tambulan nu kau' anu pinosunmo kabai susumo potong anu noakmo pinosuhapmo i timpa'an nu gandum; nu silakaimo nu aha na to bansa-bansa anu aitu mae mompaha ohani aha. Panyo mian anu jojoong i Yerusalem na tataap ahi' jojoong madi' ko anu mompoposia i uno nu kota'.

ZAKHARIA 12:8

I sinaa aijo' Ku jagaimo na mian anu jojoong i Yerusalem; ka' anu madi' mahoson aijo' hi aha timbalimo mahoson susumo i Daud. Aha lewa'mo nu potiju' nu lee' mae i Daud susumo anu lewa' binau nu malaekat-Ku, ka' mule' susumo anu lewa' binaung-Ku.

ZAKHARIA 14:20

I sinaa aijo' iwi-iwi' na dio-dio anu opoko na i baju' nu ajahan otulisimo nu tulisan; “Samata-mata obee'mo hi Tumpu”. To kuho-kuhon anu daagi' i Laigan nu Tumpu oholomatimo sumo to mangko-mangko' anu opake de mombaumo palasombahan i ahop nu mezbah.

ZAKHARIA 14:3

Lantas Tumpu mompahampateakonmo mongewa bansa haha aijo' susumo anu binau-Nyomo tempo'nyo naipuan mae.

ZAKHARIA 2:9

“Posi Tumpumo ahi' na mongewa belemiu! Ka' belemiu nu bulingimo nu aha anu toho'mo binau posaihon nu belemiu. De han aijo' jadimo osumbu'je nu belemiu talu' Tumpu Anu Daka' na Kuasanyo na nompalentahmo mae aku.”

ZAKHARIA 9:17

Memang ahi' ma'ima' hondo na tano' nu Tumpu mo'ulop mae, memang ahi' ma'ima' hondo ka' ma'u lele'an! Ikiijo' mae anggur tiba gandum tumuu'nyo molumba' hondo sahingga to oli-olitau ka' to lalangkoyang mompaka pahosonmo.

1 KORINTUS 1:18

Kalana to mia-mian anu mongahopi kasilakan, lele mongkona kasilakan i Kristus sinalib ola susumo anu madi' totu'u. Panyo kalana hi kita anu pinosalamatmo nu Tumpu, lele aitu sumo salaku jalan nu Tumpu mompotoa kuasa-Nyo.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

1 SAMUEL 17:45

Panyo tinaaman i Daud, “Beleyum toka mae mongewa aku nu bajak tiba talombo', ka' sosuduk panyo aku toka mae mongewa beleyum tiba sanggo nu Tumpu Anu Daka' na kuasanyo, Tumpu Allah nu suludadu nu aha Israel anu pinopo ambangmo nu beleyum aijo'.