ZAKHARIA 9:14 - KITAB NU TUMPU ALLA LELE MA'IMAI'

¹⁴ Tumpu mompotoamo butong-Nyo, hi aha mian anu palesayamo hi Ia, sumomo ahi' kilat na hihis nu pana'-Nyo pineletakon-Nyo. Tumpu Anu Matangkas na Kuasanyo saidi' mae mompuhimo tolompet salaku tanda montumbuhimo, lantas mambamo montumbuhi i uno nu tombusisi' anu lengkat mae i sasu salatan.

ZAKHARIA 9:14 ပူးပေါင်းရင်းမြစ်များ

AYUB 37:9

Lengkat mae i sasu selatan baleba' anu makansang hondo tinobungmo mae ka' lengkat mae i utara bakin nu baleba' talalomo hondo.

MAZMUR 18:14

Lantas Tumpu notatae sumomo ahi' gohung aita' mae i langa; Anu Matangkas na Kuasa-Nyo nompohongomo mae potatae-Nyo.

MAZMUR 18:15

Ia nompana'akonmo pana'-Nyo iwi-iwi' ka' nomposungkehetmo sampobali'-Nyo; Ia nompo'uli-ulitmo kilatnyo pinoji-pojihinjit, ka' aha nopalaimo.

YESAYA 18:3

O, belemiu iwi-iwi' anu monjojoongi dunia aiya! Soba palahatikan de bandela' opotinjo' ito bungku-bungkutnyo! Soba potombihing de tolompet opo'onyi'mo!

YESAYA 21:1

Sumo uuka na potuunon mongkona Babel: Sumo tombusisi' na pinolintup nontulu mae tampat padang anu mateges, sumo aijo'mo na balaa' toka mae lengkat ilipu' anu okabuhuk.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

YESAYA 30:30

Tumpu saidi' mae mompohongomo potatae-Nyo anu daka' hondo ka' toto samian molasaimo kuasa-Nyo anu opalias hondo. Tambuha'-Nyo saidi' mae mompotokamo mae ujan anu daka' hondo, ujan batu tiba antong anu makansang hondo.

YESAYA 31:5

Susumo sa'angu' na tomonsi' lewa'mo mompapa'i aita' i petaanyo monjagai soma'nyo, sumo aijo'mo na Aku, Tumpu Anu Daka' na Kuasanyo monjagai, montinjohi ka' mule' momposalamat Yerusalem.”

YESAYA 66:15

Memang, Tumpu tokamo mae tiba apu; Ia monsake'imo mae kareta-Nyo susumo antong anu daka' hondo, da mompotudunmo tambuha'-Nyo, ka' monsegaimo hoso-hoson.

HABAKUK 3:11

Sahaya nu hihis nu pana' nu Belento malia' hondo; talombo' nu Belento jongkilaban hondo, sahingga batu nu sinaa tiba bitu'on binelentimo i tampatnyo.

HABAKUK 3:14

Hihis nu pana' nu Belento nolampasmo to pola-polaya' nu suludadu nu sampo bali', tempo'nyo suludadu nu aha tinoka mae anu sumomo tombusisi' na kohosonnyo. Da kami nu ga'a-ga'atakonmo.

ZAKHARIA 12:8

I sinaa aijo' Ku jagaimo na mian anu jojoong i Yerusalem; ka' anu madi' mahoson aijo' hi aha timbalimo mahoson susumo i Daud. Aha lewa'mo nu potiju' nu lee' mae i Daud susumo anu lewa' binau nu malaekat-Ku, ka' mule' susumo anu lewa' binaung-Ku.

ZAKHARIA 14:3

Lantas Tumpu mompahampateakonmo mongewa bansa haha aijo' susumo anu binau-Nyomo tempo'nyo naipuan mae.

ZAKHARIA 2:5

Tumpu binalajanji'mo tukoo-Nyo Iamo na timbali pagan apu na montikubi kota' aijo' da monjagai ka' mule' Ia jojoongmo ikiijo' tiba kakuasa'an-Nyo ka' Ia talasanggomo.”

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

ANU PINOTO'I HI YOHANES 6:2

Sahingga aku nontoa, lantas aku nondinmo sa'angu' na ajahan mopute'. Anu nonsake'i, nontoongi sa'angu' na pompelet ka' hi ia binee'an sa'angu' makota. Ia nambamo sumo samian anu nohumpakmo ka'untungan nahampate anu mamba nompo'ago da nohumpak ka'untungan mahampate.